Author: admin

Publikohet dokumenti konfidencial që thuhet se BE dhe ShBA ua kanë propozuar sot Kurtit e Vuçiqit

Ende nuk ka paraqitje të Borrellit para gazetarëve për të konfirmuar nëse ka marrëveshje apo jo.
Megjithatë, Top Channel pretendon se ka siguruar një dokument që thuhet se u është propozuar palëve gjatë ditës së sotme, përcjell lajmi.net.

Në deklaratë përcaktohen parimet themelore të marrëveshjes, që është një kuadër për të lehtësuar marrëdhëniet paqësore dhe bashkëjetesën, pavarësisht dallimeve thelbësore midis palëve. Një kornizë e qëndrueshme dhe e besueshme e integrimit në Bashkimit Europian për Serbinë dhe Kosovën, krahas gjatë vendeve të Ballkanit Perëndimor.

Dhe është një proces i mbështetur nga të 27 shtetet anëtare të BE-së, përfshirë edhe ata që nuk e njohin pavarësinë e Kosovës. Ne deklaratë thuhet se janë dy kryediplomatë të aftë nga vendet anëtare jo-njohëse të BE-së, Spanja dhe Sllovakia, të cilët menaxhojnë procesin e normalizimit për të garantuar drejtësi.

Syla: Kur qesh Kurti, punët i ka si mos më keq

Gazetari Valon Syla ka komentuar sjelljet e krerëve të shteteve në fillim të takimit në Ohër.
Ai është ndalur te paraqitja e buzëqeshur e kryeministrit të Republikës së Kosovës, Albin Kurti, përcjell lajmi.net.

Këtu ai citoi kreun e PSD-së, Dardan Molliqajn, duke thënë se Kurti kur i ka punët më së keqi, ai qesh.

“Kur qesh Kurti, dijeni që punët i ka si mos më keq”, tha ndër tjerash ai në T7.

Sa i përket takimit në Ohër, duhet përmendur faktin se palët tashmë kanë shkuar në një pauzë tjetër, ndërsa që nga ora 10:30 kanë filluar takimet fillimisht të ndara, më pas ato “kokë më kokë”.

Gjoshi i PDK-së: Kurti refuzoi nënshkrim në Shtëpinë e Bardhë, i tha po Villës së Titos

Zyrtari i PDK-së, Betim Gjoshi ka hedhur kritika ndaj kryeministrit Kurti sa i përket gatishmërisë për të nënshkruar një marrëveshje në Vilën e Titos, ndërsa kishte refuzuar një të tillë në Uashington.

“Kryeministrit nuk i pelqeu të nënshkruante marrëveshje në Shtëpinë e bardhë…! Ai përzgjodhi Villën e Titos …!”, shkroi ai, përcjell lajmi.net.

Më poshtë edhe postimi i plotë:

Kujtojmë ndërkaq se tashmë ka filluar sërish, pas pauzës së dytë, takimi tripalësh mes Kurtit, Vuçiqit e BE-së.

Rinis për herë të tretë takimi tripalësh, Kurti – BE – Vuçiq

Ka rinisur për herë të tretë takimi tripalësh mes Kurtit, BE-së dhe Vuçiqit.
Kështu ka raportuar para pak çastesh Radio Evropa e Lirë, përcjell lajmi.net.

Hipoteza të shumta janë duke qarkulluar momentalisht në opinionin publik rreth asaj se pse po vonohen kaq shumë palët, pasi takimet e zakonshme mes tyre nuk kalonin më shumë se një orë.

Njëra prej tyre ka ardhur edhe nga gazetari Baton Haxhiu. Ky i fundit në një paraqitje televizive në Pressing ka shtuar se Kurti po kërkon nënshkrim të marrëveshjes, ndërsa Vuçiqi ka dalë me propozim të ri.

Sipas Haxhiut, presidenti serb ka kërkuar që Bashkimi Evropian të jetë mbështetës i marrëveshjes dhe përfaqësuesit e tij ta vënë firmën.

Gjithsesi, mbetet të shihet se si do të rrjedhin gjërat tutje, ndërsa kujtojmë se një ekip i lajmi.net po qëndron në vendngjarje dhe do t’ju njoftojë në kohë reale për çdo risi eventuale.

Baton Haxhiu: Vuçiq ka dalë me propozim të ri

Gazetari Baton Haxhiu ka treguar se shkakun e asaj se pse nuk po nënshkruhet marrëveshje në Ohër.
Sipas tij, Kurti dëshiron që marrëveshja të nënshkruhet sot, kurse Vuçiq ka dalë me propozim të ri, përcjell lajmi.net.

Gjithnjë siç pretendon Haxhiu, presidenti serb ka kërkuar që nënshkrimin ta vëjë Bashkimi Evropian.

“Nënshkrimi është bërë mollë sherri. Kurti kërkon nënshkrimin sepse do ta zyrtarizojë dokumentin. Por Vucic ka dalë me propozim, propozimi i cili është që pala lehtësuese e negociatave të jetë ajo që nënshkruan si garanci të dy palëve, që garanton për të gjithë procesin”, ka thënë Haxhiu në Pressing.

Kujtojmë se tashmë janë bërë më shumë se pesë orë nga fillimi i takimit dhe ende nuk ka asnjë rezultat, besa as prononcim të ndonjë zyrtari ose palëve të përfshira.

Raportohet se Lajçak e Borrell kanë anuluar fluturimet dhe takimet e ditës së nesërme

Duket se emisarët Lajçak dhe Borrell kanë anuluar fluturimet dhe takimet e ditës së nesërme.
Kështu ka deklaruar Ali Ahmeti duke u thirrur në informacionet që ka, përcjell lajmi.net.

Ahmeti në T7 ka thënë se në fakt ishte parashikuar që takimet mund të zgjasnin deri në ora 18:00.

Kujtojmë se Ahmeti ka qëndruar gjatë gjithë ditës në Ohër, ndërsa vazhdon të jetë pranë.

Duhet përmendur faktin se tashmë palët kanë shkuar në pauzën e dytë.

Pesë orë nga fillimi i takimit, zero transparencë – asnjë informacion rreth asaj çka po ndodh brenda ‘Vilës së Titos’

Ka filluar në ora 15:15 dhe tashmë janë bërë saktësisht pesë orë të plota nga takimi Kurti – Vuçiq.
Në të kaluarën, takimet e nivelit të lartë mes kryeministrit të Kosovës, Albin Kurtit dhe presidentit serb, Aleksandar Vuçiq nuk kanë zgjatur më shumë se një orë, përcjell lajmi.net.

Megjithatë, duket se çështja po bëhet gjithnjë e më serioze, ndërsa premisat shtohen kur kemi të bëjmë me faktin se deri më tani nuk dihet asgjë.

Krejt çka dihet është se nga këto pesë orë bisedime, një ka qenë pauzë.

Ekipi i lajmi.net është në vendngjarje dhe po do t’ju raportojë në kohë reale për çdo risi eventuale.

Më poshtë ndërkaq keni video-xhirimin e orës 19:15 e të publikuar para pak çastesh në platformat tona sociale.

Baton Haxhiu: Vuçiq ka dalë me propozim të ri

Gazetari Baton Haxhiu ka treguar se shkakun e asaj se pse nuk po nënshkruhet marrëveshje në Ohër.
Sipas tij, Kurti dëshiron që marrëveshja të nënshkruhet sot, kurse Vuçiq ka dalë me propozim të ri, përcjell lajmi.net.

Gjithnjë siç pretendon Haxhiu, presidenti serb ka kërkuar që nënshkrimin ta vëjë Bashkimi Evropian.

“Nënshkrimi është bërë mollë sherri. Kurti kërkon nënshkrimin sepse do ta zyrtarizojë dokumentin. Por Vucic ka dalë me propozim, propozimi i cili është që pala lehtësuese e negociatave të jetë ajo që nënshkruan si garanci të dy palëve, që garanton për të gjithë procesin”, ka thënë Haxhiu në Pressing.

Kujtojmë se tashmë janë bërë më shumë se pesë orë nga fillimi i takimit dhe ende nuk ka asnjë rezultat, besa as prononcim të ndonjë zyrtari ose palëve të përfshira.

Një tjetër pauzë në Ohër, ndalet për pak takimi Kurti – Vuçiq, pritet paraqitje e Borrellit para gazetarëve

Një tjetër pauzë raportohet të jetë regjistruar në Ohër në këto momente.
Të paktën kështu raporton Radio Evropa e Lirë duke u thirrur në burimet e veta, përcjell lajmi.net.

Lajmi në përditësim…