Author: admin

Krasniqi: Raporti i DASH-it për Kosovën fakton korrupsionin serioz qeveritar dhe mosndëshkimin

Kryetari i Partisë Demokratike të Kosovës, Memli Krasniqi, ka reaguar pas publikimit të raportit të Departamentit Amerikan të Shtetit për Kosovën.
Ai ka thënë se ky raport shpërfaq dështimin e Qeverisë Kurti për të ndërtuar institucione kredibile, të përgjegjshme dhe të pakorruptuara, në njërën anë dhe në anën tjetër, dështimin për të krijuar një ambient ku vajzat dhe gratë janë të sigurta, shkruan lajmi.net.

“Raporti fakton korrupsionin serioz qeveritar dhe mosndëshkimin e rasteve të tilla, mungesën e hetimit dhe përgjegjësisë për dhunën me bazë gjinore, përfshirë dhunën në familje apo dhunën seksuale, dhe ngre shqetësimin se si zyrtarë të korruptuar vazhdojnë të mbajnë pozicione të larta në sektorin publik. Kjo është historia e vërtetë e kësaj Qeverie, e cila, në dy vitet e fundit ka prodhuar vetëm skandale që kanë prekur të gjithë sektorët: qeverisjen, ekonominë, shëndetësinë, arsimin, ..

Kurti: Qeveria e Kosovë e ka prioritet mbrojtjen sociale për qytetarët tanë

Kryeministri i Kosovës, Albin Kurti, mori sot pjesë në konferencën e Dytë Nacionale për Shënimin e Ditës Botërore të Punës Sociale në Kosovë, me temën “Profesionistët e punës sociale në sistemin e mbrojtjes sociale”.
Kurti shprehu falënderim e mirënjohje për kontributin e pamohueshëm të punonjësve socialë duke thënë se realizimi i të drejtave sociale të qytetarëve, ndërtimi dhe mirëmbajtja e sistemeve të mbrojtjes sociale, kërkon angazhim aktiv të punonjësve socialë.

“Punonjësit socialë, me angazhimin e tyre të përditshëm mbështesin qytetarët në ballafaqimin me problemet sociale dhe në tejkalimin e tyre. Njëkohësisht i shërbejnë edhe vendit për të përparuar në aspektin social”, u shpreh ai.

Teksa përmendi vëmendjen jo të duhur ndaj Qendrave për Punë Sociale në të kaluarën, kryeministri tha se janë 38 qendra për Punë Sociale anë e mbanë Kosovës në të gjitha komunat e saj dhe ato ofrojnë më shumë se 70 shërbi..

Osmani në bisedë telefonik me presidentin izraelit: Kosova e përkushtuar për ta thelluar bashkëpunimin me Izraelin

Presidentja e Kosovës, Vjosa Osmani ka zhvilluar sot një bisedë përmbajtësore me Presidentin e Shtetit të Izraelit, Isaac Herzog si pjesë të komunikimit të vazhdueshëm me homologë të shteteve mike.
Në këtë bisedë telefonike në mes të krerëve të shtetit të Republikës së Kosovës dhe Shtetit të Izraelit, të dy liderët kanë biseduar për raportet bilaterale në mes të dy shteteve dhe mundësinë e thellimit të tyre.

Osmani dhe Herzog, diskutuan për potencialin e rritjes së bashkëpunimit në fushën e mbrojtjes, trashëgimisë kulturore dhe inovacionit, ndërsa vlerësuan lartë partneritetin në rritje në mes të dy vendeve. Në këtë drejtim, Presidentja Osmani potencoi rëndësinë e thellimit të bashkëpunimit diplomatik, për të mbështetur anëtarësimin e Kosovës në organizata ndërkombëtare.

“Presidenti Herzog e falënderoi përzemërsisht Presidenten Osmani për mbështetjen e Kosovës ndaj Izr..

BIK me njoftim për fillimin e muajit të shenjtë të Ramazanit

Bashkësia Islame e Kosovës ka njoftuar besimtarët dhe gjithë opinionin se muaji i Ramazanit fillon këtë të enjte, më 23 mars 2023.
Me rastin e fillimit të muajit Ramazan, Kryesia e BIK-ut përgëzon besimtarët në Kosovë, duke u dëshiruar agjërim të lehtë, shtim të ibadeteve dhe solidaritet me njëri-tjetrin.

Njoftimi:

Agjërimi i muajit Ramazan fillon më 23 mars 2023

Kryesia e Bashkësisë Islame të Kosovës njofton besimtarët dhe gjithë opinionin e gjerë se muaji i bekuar Ramazan fillon ditën e enjte, më 23 mars 2023.

Me rastin e fillimit të muajit Ramazan, Kryesia e BI-së, përgëzon besimtarët në Kosovë, diasporë e trojet tona, duke u dëshiruar agjërim të lehtë, shtim të ibadetve dhe solidaritet me njëri-tjetrin.

Me fat muaji i bekuar Ramazan!

Agjërim të lehtë dhe të pranuar!./Lajmi.net/

Borrell: Aneksi thekson se Kosova është e përkushtuar për formimin e Asociacionit

Përfaqësuesi i lartë i Bashkimit Evropian për politikë të jashtme dhe siguri, Josep Borrell pas takimit në Këshillin e Ministrave të Punëve të Jashtme të BE-së në Bruksel, ka thënë se ata i ka informuar për marrëveshjen në Ohër.
Ai ka thënë se marrëveshja është arritje e madhe dhe se krijon një status-quo të re në dialog. Borrell ka deklaruar se marrëveshja dhe aneksi kanë hyrë në fuqi me deklaratën e lëshuar.

“Së fundi, për Kosovën dhe Serbinë i informova ministrat për marrëveshjen që arritëm në Ohër ndërmjet Kosovës dhe Serbisë. Ky është një moment rëndësishëm në procesin e normalizimit të marrëdhënieve mes tyre, dhe sigurisht që krijon një status quo të re në dialog. Ne nuk do të jemi më – shpresoj – në gjendje krize, por [të fokusuar] në zbatimin e Marrëveshjes që u pranua më 27 shkurt. Këto marrëveshje [Marrëveshja dhe Aneksi] kanë hyrë në fuqi me Deklaratën e lëshuar. Nuk ishte nënshkruar për ars..

Kurti: Zbatimi i marrëveshjes do të duhej të fillonte qysh dje dhe të gjitha pyetjet tani duhet të jenë në Beograd

Kryeministri i Kosovës, Albin Kurti ka deklaruar se zbatimi i marrëveshjes duhet të fillojë qysh dje, për shkak se plani i zbatimit thotë se nuk ka një afat në të ardhmen kur do të duhet të fillojë.
“Edhe marrëveshjen bazë, edhe planin e zbatimit tashmë i kemi të dakorduara, për neve kjo është marrëveshje por unë pres nga faktorët ndërkombëtarë që të gjykojnë e dënojnë sjelljen e Serbisë, e cila kur zhvillohen takimet thotë nuk nënshkruajë, e ndërmjet takimeve thotë se nuk zbatojë gjë.Nuk mund të flasë kështu pala tjetër kundër anëtarësimit të Kosovës në organizata ndërkombëtare, përfshirë këtu edhe Kombet e Bashkuara, nuk mund të flasë se si nuk do të njohë Kosovën meqenëse marrëveshja bazë është njohje Defakto. Besoj se kjo është thelbësorë për procesin dhe është e rëndësishme që të gjithë aleatët, e miqtë tanë të vendeve demokratike të vazhdojnë të qëndrojnë pranë Kos..