Aktorja Eva Marie Saint ndahet nga jeta në moshën 102-vjeçare

Aktorja e njohur amerikane dhe fituesja e Oscar-it, Eva Marie Saint, ka ndërruar jetë në moshën 102-vjeçare në shtëpinë e saj në Los Angeles.

Saint fitoi Oscar në vitin 1955 për rolin e saj në filmin “On the Waterfront”, ku luajti përkrah Marlon Brandos.

Ajo u bë veçanërisht e njohur edhe për rolin e Eve Kendall në filmin klasik të Alfred Hitchcock, “North by Northwest”, të vitit 1959.

Karrierën e nisi në televizion, ndërsa gjatë viteve interpretoi në një sërë filmash të njohur dhe produksionesh televizive.

Në vitin 1990 fitoi edhe një çmim Emmy për rolin në mini-serialin “People Like Us”.

Në vitet 2000, u rikthye në kinematografi me filma si “Superman Returns”, ku interpretoi Martha Kent.

Paraqitjen e fundit në ekranin e madh e pati në vitin 2014 me “Winter's Tale”.

Eva Marie Saint, who starred in timeless classics like On the Waterfront and North by Northwest, has died at the age of 102. She passed away from natural causes at her home in Los Angeles.One of the last remaining stars of Hollywood’s Golden Age, Saint won an Academy Award for her film debut in On the Waterfront and later delivered one of cinema’s most iconic performances as Eve Kendall in Hitchcock’s North by Northwest.A remarkable talent and a true screen legend. Rest in peace, Eva Marie Saint. — Films to Films (@filmstofilms_) October 6, 2026

Me vdekjen e saj, bota e kinemasë humbet një prej figurave të rëndësishme të brezit të artë të Hollywoodit.

Eva Marie Saint ishte gjithashtu fituesja më e moshuar e Oscarit që jetonte ende. /Telegrafi/