POLITIKATË FUNDIT

Shqiptarët në Ballkan: mes shpresës për ndryshim dhe krizës së lidershipit politik!

Shqiptarët në Ballkan po kalojnë një periudhë të rëndësishme të transformimeve politike, shoqërore dhe gjeopolitike. Në Shqipëri, Kosovë, Maqedoninë e Veriut, Mal të Zi dhe Luginën e Preshevës, qytetarët përballen me sfida të ngjashme, por edhe me realitete të ndryshme politike dhe institucionale.

Pavarësisht dallimeve ndërmjet këtyre hapësirave, ekziston një shqetësim i përbashkët: hendeku gjithnjë e më i madh ndërmjet pritjeve të qytetarëve dhe rezultateve konkrete të politikës!

Pas më shumë se tri dekadash pluralizëm politik, shqiptarët kanë fituar përvoja të rëndësishme demokratike, kanë ndërtuar institucione shtetërore dhe kanë arritur rezultate të konsiderueshme në afirmimin e të drejtave kombëtare dhe integrimin ndërkombëtar.

Megjithatë, këto arritje nuk janë shoqëruar gjithmonë me konsolidimin e kulturës demokratike, përgjegjësisë institucionale dhe cilësisë së lidershipit politik.

Sot, gjithnjë e më shumë qytetarë kërkojnë jo vetëm ndërrimin e partive dhe figurave politike, por edhe ndryshimin e mënyrës së qeverisjes, të komunikimit politik dhe të marrëdhënieve ndërmjet pushtetit dhe shoqërisë.

Kjo është një shenjë e rëndësishme e maturimit të vetëdijes qytetare, por njëkohësisht edhe dëshmi e një krize të thellë të përfaqësimit politik.

Shqipëria: mungesa e stabilitetit politik dhe sfida e alternativës

Në Shqipëri, dominimi afatgjatë i një force politike dhe dobësia e alternativës opozitare kanë krijuar një realitet politik që kërkon analizë të kujdesshme.

Edi Rama ka arritur të konsolidojë një pozitë të fuqishme politike, duke e orientuar diskursin e tij drejt integrimit evropian dhe rolit ndërkombëtar të Shqipërisë.

Megjithatë, integrimi evropian nuk mund të matet vetëm me deklarata politike, konferenca ndërkombëtare dhe objektiva të shpallura, por me cilësinë e institucioneve, sundimin e ligjit, luftën kundër korrupsionit dhe përmirësimin e jetës së qytetarëve.

Në anën tjetër, opozita shqiptare vazhdon të përballet me probleme të organizimit, besueshmërisë dhe ripërtëritjes së lidershipit.

Për një demokraci funksionale nuk mjafton që pushteti të jetë i fortë; duhet të ekzistojë edhe një opozitë e aftë të ofrojë alternativë bindëse dhe programore.

Protestat qytetare dhe pakënaqësitë sociale mund të krijojnë presion për ndryshim, por ato nuk e zëvendësojnë nevojën për organizim politik, vizion dhe përgjegjësi qeverisëse.

Kosova: sfida e konsolidimit të shtetit dhe e lidershipit

Kosova përfaqëson rastin më të rëndësishëm të shtetndërtimit shqiptar në Ballkanin Perëndimor, por njëkohësisht përballet me sfida të ndërlikuara të konsolidimit demokratik dhe institucional.

Pas pavarësisë së vitit 2008, pritjet e qytetarëve kanë qenë të mëdha!

Ata kanë kërkuar një shtet funksional, drejtësi të pavarur, zhvillim ekonomik, punësim, siguri juridike dhe perspektivë evropiane.

Megjithatë, përplasjet e vazhdueshme politike, polarizimi partiak dhe vështirësitë në funksionimin e institucioneve kanë dëshmuar se shtetndërtimi nuk përfundon me shpalljen e pavarësisë!

Zgjedhjet e përsëritura parlamentare, rënia e pjesëmarrjes së votuesve dhe vështirësitë në arritjen e marrëveshjeve politike janë tregues të një problemi më të thellë: pamundësisë për ta shndërruar legjitimitetin elektoral në stabilitet institucional!

Fitorja zgjedhore i jep një partie të drejtën për të qeverisur, por nuk i jep të drejtën për ta trajtuar shtetin si pronë partiake!

Në këtë kuptim, lidershipi politik duhet të dëshmojë aftësi për bashkëpunim, kompromis kushtetues dhe respektim të institucioneve, pa hequr dorë nga bindjet politike dhe përgjegjësia ndaj elektoratit.

Kosovës i duhet një lidership që e kupton se sovraniteti nuk mbrohet vetëm përmes retorikës politike, por edhe përmes institucioneve të forta, diplomacisë aktive dhe partneritetit strategjik me aleatët ndërkombëtarë.

Serbia: ndryshimi politik dhe kufijtë e shpresës demokratike

Zhvillimet politike në Serbi kanë rëndësi të veçantë për të ardhmen e shqiptarëve dhe të stabilitetit në tërë rajonin.

Protestat studentore dhe qytetare, të cilat u intensifikuan pas tragjedisë në stacionin hekurudhor të Novi Sadit më 1 nëntor 2024, u shndërruan në një lëvizje të rëndësishme kundër korrupsionit dhe mungesës së përgjegjësisë institucionale.

Zhvillimet zgjedhore të tetorit 2026 dhe paraqitja e Listës Studentore si forcë e re politike kanë dëshmuar se shoqëria serbe nuk është e ngrirë në konfigurimin e saj të mëparshëm politik.

Megjithatë, ndryshimi i aktorëve politikë nuk nënkupton automatikisht ndryshimin e politikës shtetërore!

Kjo është veçanërisht e rëndësishme për Kosovën dhe shqiptarët në përgjithësi.

Kryeministri shqiptar Edi Rama, duke komentuar perspektivën e lidershipit të ri serb, ka shprehur rezerva për mundësinë e ndryshimit të qëndrimit të Beogradit ndaj njohjes së Kosovës.

Prandaj, shqiptarët nuk duhet ta ngatërrojnë ndryshimin e mundshëm të elitave politike serbe me ndryshimin e domosdoshëm të konceptit politik dhe shtetëror të Serbisë ndaj Kosovës.

Interesi shqiptar kërkon një Serbi demokratike, të qëndrueshme dhe evropiane, por edhe një Serbi që do t’i njohë realitetet politike dhe juridike të krijuara në Ballkan pas shpërbërjes së Jugosllavisë.

Maqedonia e Veriut dhe Mali i Zi: përfaqësimi pa fuqi të mjaftueshme politike

Shqiptarët në Maqedoninë e Veriut kanë arritur një shkallë të rëndësishme të përfaqësimit politik dhe institucional.

Megjithatë, çështja kryesore nuk është më vetëm pjesëmarrja në institucionet shtetërore, por cilësia dhe efektiviteti i këtij përfaqësimi.

Përfaqësimi politik nuk duhet të shndërrohet në mekanizëm të ruajtjes së pozitave partiake, por duhet të prodhojë rezultate të matshme në barazinë qytetare, zhvillimin ekonomik, arsimin, përdorimin zyrtar të gjuhës shqipe dhe përfaqësimin e drejtë institucional.

Në Mal të Zi, shqiptarët përballen me sfida të tjera, të lidhura me pozitën e tyre si komunitet më i vogël politik, ruajtjen e identitetit kombëtar, zhvillimin e zonave shqiptare dhe realizimin e të drejtave kushtetuese.

Në të dyja këto hapësira, lidershipi shqiptar duhet të dëshmojë se përfaqësimi politik nuk është qëllim në vetvete, por instrument për realizimin e interesave konkrete të qytetarëve.

Lugina e Preshevës: kriza e përfaqësimit dhe domosdoshmëria e bashkimit politik

Në Luginën e Preshevës, kriza e lidershipit politik ka edhe dimensionin e saj të veçantë, për shkak të pozitës së shqiptarëve si pakicë kombëtare në Republikën e Serbisë.

Përkundër përvojës së gjatë të organizimit politik, pluralizmit partiak dhe përfaqësimit institucional, shqiptarët e Preshevës, Bujanocit dhe Medvegjës vazhdojnë të përballen me probleme të pazgjidhura në fushën e të drejtave kolektive, zhvillimit ekonomik, arsimit, punësimit, dokumenteve personale dhe integrimit institucional.

Në këtë realitet, fragmentimi politik dhe rivalitetet ndërpartiake e dobësojnë pozitën negociuese të shqiptarëve.

Bashkimi politik nuk nënkupton domosdoshmërisht shkrirjen e partive, heqjen dorë nga pluralizmi apo eliminimin e dallimeve programore.

Ai nënkupton aftësinë për të përcaktuar interesa të përbashkëta dhe për t’i mbrojtur ato përmes një strategjie të koordinuar politike.

Lugina e Preshevës ka nevojë për një lidership që nuk e kufizon veprimtarinë e vet në ciklet zgjedhore, por ndërton strategji afatgjata, krijon partneritete me Prishtinën dhe Tiranën dhe zhvillon diplomaci të qëndrueshme me Brukselin, Uashingtonin dhe institucionet ndërkombëtare.

Kriza e lidershipit është më e thellë se kriza e partive

Në të gjitha këto hapësira ekziston një fenomen që meriton vëmendje të veçantë: kriza e lidershipit politik nuk është vetëm rezultat i dobësive individuale të liderëve, por edhe pasojë e mënyrës se si funksionojnë partitë, institucionet dhe mekanizmat e përfaqësimit.

Në shumë raste, partitë janë shndërruar në struktura të centralizuara, ku vendimmarrja përqendrohet në një rreth të ngushtë njerëzish dhe ku konkurrenca e brendshme demokratike është e kufizuar.

Kjo gjendje e vështirëson afirmimin e kuadrove të reja, të profesionistëve, intelektualëve dhe gjeneratave që kanë ide dhe qasje të ndryshme ndaj zhvillimit shoqëror.

Një problem tjetër është personalizimi i politikës!

Në vend të debateve për programe, politika shpesh përqendrohet në përplasjet ndërmjet liderëve, në rivalitetet personale dhe në luftën për kontrollin e strukturave partiake.

Kështu, interesat e qytetarëve shpesh mbeten në plan të dytë.

Një lidership modern nuk matet me numrin e paraqitjeve televizive, me madhësinë e tubimeve apo me intensitetin e deklaratave politike.

Ai matet me aftësinë për të ndërtuar institucione funksionale, për të prodhuar zhvillim dhe për të marrë përgjegjësi për vendimet e veta!

Shpresa qytetare për një alternativë të besueshme

Shpresa për ndryshim nuk duhet të mbetet vetëm emocion elektoral apo pakënaqësi momentale ndaj pushtetit.

Ajo duhet të shndërrohet në projekt politik, institucional dhe shoqëror!

Shqiptarëve në Ballkan u nevojitet një gjeneratë e re politike, por jo thjesht për shkak të moshës së saj.

Ajo duhet të sjellë kulturë të re politike, integritet profesional, aftësi negociuese, përgjegjësi publike dhe vizion strategjik!

Ndryshimi i vërtetë kërkon disa parime themelore:

Demokraci të brendshme dhe konkurrencë reale brenda partive politike.

Pavarësi të institucioneve dhe sundim të ligjit.

Luftë të pakompromis kundër korrupsionit dhe nepotizmit.

Përfaqësim politik të bazuar në meritokraci dhe kompetencë.

Bashkëpunim ndërshqiptar pa ndërhyrje përçarëse dhe pa dominim partiak.

Orientim të qëndrueshëm euroatlantik dhe diplomaci aktive.

Politika ekonomike që krijojnë vende pune dhe perspektivë për të rinjtë.

Këto nuk janë kërkesa abstrakte!

Ato përfaqësojnë kushtet minimale për ndërtimin e një politike që u shërben qytetarëve dhe jo interesave të ngushta të elitave.

Historia politike e shqiptarëve në Ballkan dëshmon se arritjet më të rëndësishme janë realizuar atëherë kur interesat e përbashkëta kanë qenë më të rëndësishme se rivalitetet individuale dhe partiake.

Sot, sfida nuk është vetëm të ndërrohen liderët, partitë apo koalicionet qeverisëse. Sfida e vërtetë është të ndryshojë vetë kultura e ushtrimit të pushtetit dhe e përfaqësimit politik.

Shqiptarët kanë nevojë për liderë që nuk e konsiderojnë votën si pronë personale, partitë si instrumente private dhe institucionet si vazhdimësi të pushtetit partiak.

Ata kanë nevojë për një lidership që di të bashkëpunojë, të negociojë, të dëgjojë, të marrë përgjegjësi dhe, mbi të gjitha, të prodhojë rezultate.

Sepse demokracia nuk matet vetëm me mundësinë për të votuar, por edhe me mundësinë për të ndikuar në vendimmarrje, për të kërkuar llogari dhe për të ndryshuar pushtetin pa frikë dhe pa pasoja.

Në fund të fundit, e ardhmja e shqiptarëve në Ballkan nuk do të përcaktohet vetëm nga numri i partive, fuqia e liderëve apo rezultatet e zgjedhjeve.

Ajo do të varet nga aftësia për të ndërtuar institucione demokratike, shoqëri funksionale dhe një elitë politike që e kupton përgjegjësinë historike të përfaqësimit të qytetarëve.

Shqiptarëve nuk u mungon shpresa për ndryshim!

Ajo që u mungon gjithnjë e më shumë është një lidership politik që meriton besimin e tyre dhe që është në gjendje ta shndërrojë këtë shpresë në realitet.

Të ndërtosh një shtet demokratik nuk do të thotë thjesht të rrëzosh një sistem politik, të ndryshosh flamujt, simbolet, institucionet, ligjet apo emrat e drejtuesve. Këto janë vetëm shenjat e jashtme të një transformimi….

Ka raste kur zhvillimet politike, edhe nëse ndodhin në vende të ndryshme, krijojnë një kontrast që nuk mund të kalohet në heshtje. Pikërisht kjo po ndodh sot me Kosovën. Në njërën anë, në Presidencën e…

Kryeministri, Edi Rama, është nderuar ditën e hënë në Bruksel me çmimin “CER Lord Jakobovits”. Çmimi i është akorduar nga Konferenca e Rabinëve Europianë dhe arsyetohet me kontributin e kreut të ekzekutivit të…

Në jetën politike dhe shoqërore ekziston një dallim i rëndësishëm ndërmjet përkatësisë partiake dhe angazhimit për interesin e përgjithshëm. Jo çdo njeri që dëshiron të kontribuojë për vendin duhet…

Në një intervistë për “Bota Sot”, Michael Doyle, zëdhënësi i Dhomave të Specializuara të Kosovës, ka sqaruar zhvillimet e pritshme pas aktgjykimit të shkallës së parë ndaj ish-drejtuesve të UÇK-së,…

Pas më shumë se dy vjetësh pa asnjë lobist të regjistruar në Uashington, Kosova ka rikthyer një zë profesional në kryeqytetin amerikan. Ministria e Punëve të Jashtme dhe Diasporës ka lidhur kontratë njëvjeçare me…

Gjykata Speciale në Hagë e shpalli sot ish-presidentin Hashim Thaçi fajtor për tentativë të pengimit të personave zyrtarë në kryerjen e detyrave zyrtare, për shkelje të fshehtësisë së procedurës dhe për mosbindje ndaj…

Spanja, njëra nga pesë shtetet e Bashkimit Evropian që nuk e njohin Kosovën, deklaroi të hënën në Bruksel se nuk do ta pengojë afrimin e saj me BE-në. Në të njëjtin forum, presidenca irlandeze e Këshillit të BE-së…

Zgjedhjet parlamentare të 25 tetorit 2026 në Serbi përfaqësojnë një nga kthesat më të rëndësishme politike në historinë e saj bashkëkohore. Fitorja e Listës Studentore, e cila siguroi 140 nga 250 mandatet parlamentare,…

Më 16 nëntor 2026 nisi punimet Forumi i Dytë i Zgjerimit të Bashkimit Evropian, që organizohet nga Komisioni Evropian nën udhëheqjen e komisioneres për Zgjerim, Marta Kos. Ky Forum u zhvillua nën temën, më shumë propagandistike sesa…

Sot është caktuar mbajtja e seancës konstituive të legjislaturës së re të Parlamentit të Serbisë. Në zgjedhjet e parakohshme parlamentare, të mbajtura më 25 tetor 2026, Lista Studentore në Serbi arriti të sigurojë 53,01%…

Letër publike drejtuar Komisioneres për Zgjerim të BE-së, Marta Kos E nderuar zonja Kos, Në mbrëmjen hapëse të edicionit të dytë të Forumit të Zgjerimit të Bashkimit Europian në Bruksel, më 15 nëntor 2026, në…

Korrupsioni është ryshfeti i paligjshëm i zyrtarëve me para, mallra ose shërbime me qëllim fitimin e një avantazhi.Korrupsioni (fjalë për fjalë: prishje) përdor mjete të tilla si mashtrimi, ryshfetet, kërcënimet, zhvatja,…

Qeveria e Kosovës vendosi të hënën të ndalojë blerjen, shitjen, importin dhe eksportin e energjisë elektrike me ndërmarrjet që kanë seli, kompani amë ose pronarë të lidhur me Serbinë. Vendimi është përgjigje ndaj…

Interpretimi i këngës nacionaliste serbe “Oj Kosovo, Kosovo” në hapjen e Forumit të Zgjerimit të BE-së në Bruksel i tejkalon kufijtë e një skandali kulturor, duke treguar se kjo është një çështje politike dhe e…

Më 15 nëntor 2026, në Bruksel, gjatë mbrëmjes hapëse të Forumit të Zgjerimit të Bashkimit Evropian, interpretimi instrumental i këngës “Oj Kosovo, Kosovo” krijoi një kundërthënie ndërmjet mesazhit të…

Kuvendi i ri i Serbisë konstituohet të martën, më 17 nëntor, në orën 10:00, dhe për herë të parë pas 14 vjetësh shumicën nuk e ka kampi i Aleksandar Vuçiqit. Lista Studentore hyn në sallë me 140 nga 250 deputetë…

A mund të quhet promovim i bashkimit të kulturave evropiane një koncert ku interpretohet melodia e një kënge serbe që Kosovën e paraqet si pjesë të Serbisë dhe përcjell mesazhe nacionaliste e pretendime territoriale ndaj shtetit të…

Kjo për shkak të situatës së përgjithshme delikate politike, diplomatike dhe të sigurisë në botë, Brukseli duhet të shqyrtojë mundësinë e një iniciative të veçantë politike për shtetet kandidate për…

Interpretimi i këngës nacionaliste serbe “Oj Kosovo, Kosovo” në koncertin hapës të Forumit të Zgjerimit të Bashkimit Evropian në Bruksel, më 15 nëntor 2026, shkaktoi reagime të fuqishme politike dhe diplomatike nga…

Edi Rama u doli borxhit shqiptarëve edhe me librin e tij "Kurbani", 2011…! Përveç me Gërdecin, më 15 mars 2008 dhe me 21 janarin 2011, mund të mendohet dhe llogaritet se Edi Rama i paralajmëroi shqiptarët për çka…

Koalicioni Shqiptar fitoi dy ulëse në Kuvendin e Serbisë. Bashkimi i tetë subjekteve politike dëshmoi se bashkërendimi është i domosdoshëm për përfaqësimin politik të shqiptarëve, por rezultati mbeti nën synimin prej tri…

Në koncertin hapës të Forumit të Zgjerimit të BE-së në Bruksel, të organizuar nga Komisioni Evropian nën drejtimin e komisioneres Marta Kos, u interpretua kënga nacionaliste serbe “Oj Kosovo, Kosovo”, nuk është vetëm…

Heshtja diplomatike nuk është neutralitet Në marrëdhëniet ndërkombëtare, shtetet nuk maten vetëm me atë që deklarojnë, por edhe me atë që bëjnë, me kohën kur reagojnë dhe me aftësinë për t’i…

Brenda një dite, fituesit e zgjedhjeve në Serbi trokitën në dy dyer që nuk shkojnë bashkë. Përfaqësuesit e Listës Studentore u takuan në Beograd me ndihmëssekretarin amerikan të Shtetit, Brendan Hanrahan, dhe me ambasadorin rus,…

Në asamblenë e PS kryeministri foli shumë për atë që në raportin e Komisionit Europian përmendet si Traktati i Anltarësimit. Ky togfjalësh përdoret për herë të parë. Dhe këtë përmendje Rama e shiti dje si…

Debati ka vdekur. Dhe kjo nuk është thjesht një shprehje metaforike, por një nga simptomat më shqetësuese të krizës së mendimit kritik në shoqërinë tonë. Dikur, debati ishte hapësira ku përplaseshin idetë, ku…

Situata e krijuar në Universitetin e Shkencave të Aplikuara në Ferizaj (UShAF), me dy ushtrues detyre të rektorit, është një zhvillim që tejkalon një mosmarrëveshje të zakonshme administrative. Kjo ngre shqetësime serioze për…

1. SHQIPËRIA: NGA PROTESTA Për të kuptuar epilogun e protestave në Shqipëri dhe Kosovë, duhet të analizojmë jo vetëm pakënaqësinë qytetare, por edhe raportet ndërmjet pushtetit, opozitës, shoqërisë civile,…

Të martën, më 17 nëntor, në orën 10:00, Dhomat e Specializuara të Kosovës në Hagë shpallin aktgjykimin e dytë ndaj ish-presidentit Hashim Thaçi brenda dy muajsh. Këtë herë gjykohet ajo që prokuroria thotë se…

Një shqetësim dhe brengë e jona e përbashkët, që duhet të na mundojë të gjithëve, si komb dhe si shoqëri në përgjithësi! Të gjitha eksodet dhe shpërnguljet, në të gjitha kohërat dhe etapat historike,…

Ligji i imponuar për Gjykatën Speciale të Kosovës në Hagë është kthyer mbrapsht nga ana e presidentes Shiroka-Pula për t’u rishqyrtuar në Kuvend. Prej disa ditësh grupet parlamentare diskutojnë, por nuk merren vesh për…

Në traditën dhe kulturën shqiptare, mikpritja dhe mirënjohja nuk kanë qenë kurrë thjesht zakone kalimtare, por shtylla të shenjta mbi të cilat është ndërtuar vetë qenia jonë kombëtare. Historia na ka mësuar se një…

Që në fillim më duhet ta sqaroj se, për mua si sociolog, dokumenti ku evidentohet qëndrimi i opozitës serbe ndaj Kosovës nuk mund të ndëlidhet vetëm me shpresën si synim e ambicie se ata do të jenë më liberalë, por edhe me…

Krahina e Preshevës, Medvegjës dhe Bujanocit, në funksion të artikulimit të një platforme të përbashkët politike, duhet domosdoshmërisht të dëshmojë unitet, harmonizim të qëndrimeve dhe konsensus politik ndërmjet…

Kryeministri Edi Rama u kërkoi të shtunën socialistëve, në Asamblenë Kombëtare në Gjirin e Lalzit, të votonin përjashtimin nga partia të Elisa Spiropalit, ish-kryetares së Kuvendit dhe ish-ministres së Jashtme, si dhe të Plarent…

Sigurisht, po i ndjek me shqetësim të shtuar revoltat studentore, në fakt zemërimin e mbarë-shqiptarëve kundër elitës së Tiranës, në fakt sekt-zullumqarësh, që në 35 vite, privatizuan politikën, përmorën…

I. Rinia në shesh, intelektualët në dilemë dhe përgjegjësia morale e një kombi. Ka çaste në historinë e një kombi kur vlera e individit nuk matet më me titujt që mban, diplomat që zotëron, postet që ka ushtruar apo…

Kraja vazhdon të jetojë përmes traditës kulturës dhe bashkimit të shqiptarëve .Andaj mos thoni se Kraja po braktiset, po vetmohet apo po harrohet! Dita e sotme dëshmoi të kundërtën. Rruga kryesore e saj ishte mbushur me vizitorë…

Zhvillimet e fundit politike në Shqipëri dhe Kosovë po dëshmojnë intensifikimin e një konkurrence shumëdimensionale ndërmjet dy kryeministrave, Edi Ramës dhe Albin Kurtit, e cila, përtej marrëdhënieve ndërpersonale dhe dallimeve…

Profili i personalitetit të zgjedhur nga populli, me emrin deputet, ka një domethënie shumëdimensionale për një shoqëri demokratike dhe të avancuar. Dikur, deputeti zgjidhej me votën e popullit nga regjioni i caktuar, ku qytetarët, në…

Shqipëria sot ndodhet në udhëkryq. Sovraniteti i saj është i kërcënuar nga regjimi i korrupsionit, vjedhjes dhe tradhtisë. Shqipëria sot është kapur dhe është marrë peng nga politika dhe oligarkia. Realiteti vërteton se…

Ishte kohë burrash të mëdhenj në muajin e Shenjtë të nëntorit; dritëdhënës vizionarë dhe trima atdhetarë, të frymëzuar nga shpirti i pavdekshëm i GJERGJ KASTRIOTIT, Simbolit tonë Hyjnor. Sot, 118 vite më…

Pas gati 12 orësh punë, seanca e Kuvendit të Kosovës u ndërpre të premten mbrëma për mungesë kuorumi. Në sallë kishin mbetur vetëm 38 deputetë, dhe ligji që ngushton mandatin e Gjykatës Speciale mbeti pa u votuar për…

Përkthim, përshtatje dhe riformulim i materialit Evropa po përballet me një dilemë gjithnjë e më serioze të sigurisë: si ta forcojë aftësinë ushtarake për të parandaluar agresionin rus, pa rrezikuar që një konflikt…

Qeveria e RMV-së përveç futjes së bullgarëve në kushtetutën e saj duhet të bëjë edhe disa korrigjime kushtetuese për t'u baraspeshuara me emrin e shtetit të saj RMV: – Nëse shqiptarët janë 20 %, në…

Në historinë e popujve të Europës, pak kombe kanë kaluar nëpër udhëkryqe aq të trazuara historike e fetare sa kombi shqiptar. E megjithatë, përballë perandorive që synonin ta tjetërsonin dhe ta përçanin nga brenda,…

Dy mandate për shqiptarët e Luginës së Preshevës

Skandal: Brukseli dhe hija e nacionalizmit serb!

“Mirëkuptojeni dhe mëshirojeni", Edi Ramën!

Një “Black Friday” politik nga Brukseli për shtetet kandidate për anëtarësim në BE

Shqiptarët në Ballkan: mes shpresës për ndryshim dhe krizës së lidershipit politik!

Politika serbe është e thellë…

Rrëzuam një sistem, por nuk ndërtuam një shtet!

Aksident mes tri veturave në Prishtinë, ka të lënduar

Arrestohet 20 vjeçari në Kaçanik, kishte urdhëresë gjyqësore

24 orët e së shtunës: Dy të vdekur nga aksidentet, 32 të lënduar

I shkon te shtëpia dhe e kanos babain e saj, arrestohet shtetasi maqedonas në Podujevë

“Mbi 100 të pushkatuar…”, si u shtyp kryengritja antikomuniste në Malësi të Madhe, më 25 janar 1945! Fati tragjik i krerëve të lëvizjes

Arrestimi i intelektuales disidente, si u persekutua Musine Kokalari! Pas gjashtë muajsh hetuesie, e nxorën në gjyq! Aktakuza e prokuror Nevzat Haznedari

10 kuriozitete që nuk i dini për Groenlandën

Shkencëtarët identifikojnë ADN-në më të vjetër njerëzore

Sot mbushen 3 vite kur u nda përgjithmonë nga familja dhe farefisi më i dashuri ynë. Në këtë ditë të…

…n’ Maje, atje ku Qielli i thot’ Tokës: Frikë mos ki, Unë jam me Ty! Ka qet’si, rrjetat nuk…

Edhe sot, pas 14 vitesh, më mungon zëri yt, këshillat e tua dhe prania jote. Thonë se koha i shëron plagët, por mungesa…

Më mungoni në çdo hap të jetës. Dashuria, mirësia dhe kujtimi për ju nuk do të shuhen kurrë. U…

Aktorja e njohur amerikane Jennifer Lawrence ka tërhequr vëmendjen në New York, ku mori pjesë në ceremoninë e ndarjes…

Çifti i njohur, David dhe Victoria Beckham, kanë kaluar një mbrëmje në Paris në shoqërinë e djalit të…

Leave a Reply

Your email address will not be published. Required fields are marked *