Arrestohet pjesëtari i Njësisë Speciale shqiptar, i gjenden një “mal” me para në veturë

Arrestohet pjesëtari i Njësisë Speciale shqiptar, i gjenden një “mal” me para në veturë

Një punonjës i Njësisë Speciale të Shqipërisë “Renea” ka përfunduar sot në pranga.

Ai u arrestua në operacionin e koduar “Fast”, i cili u mbështet edhe nga intelegjenca informative e Shqipërisë, shkruan lajmi.net.

Sipas njoftimit të policisë shqiptare, i njëjti dyshohet për veprat penale “fshehje të të ardhurave” dhe “shpërdorim detyre”, shkruan lajmi.net.

Në operacion janë sekuestruar edhe shuma të mëdha parash në euro, lekë e paund.

“Nga numërimi rezultoi se në qesen e palsmasit kishte rreth 113 mijë euro, rreth 290.000 lekë të rinj dhe 80 paund, të cilat u sekuestruan në cilësinë e provës materiale”, tha policia shqiptare në komunikatën e saj.

Njoftimi i plotë nga Policia e Shtetit:

Finalizohet nga Forca e Posaçme “Shqiponja” operacioni policor i koduar “Fast”, falë inteligjencës informative.

Vihet në pranga për pastrim të produketeve të veprës penale, fshehje e të ardhurave dhe shpërdorim detyre një 43-vjeçar, punonjës policie në Repartin Renea.

Sekuestrohen në cilësinë e provës materiale shuma të madhe në euro, paund e lekë shqiptare.

Mesditën e sotme, falë inteligjencës informative se një shtetas (punonës police), qarkullonte me automjet tip “Audi” dhe kishte me vete sasi të konsiderueshme parash, menjëherë shërbimet e Forcës së Posaçme “Shqiponja”, kanë organizuar dhe finalizuar operacionin policor të koduar “Fast”.

Në kuadër të këtij operacioni, te Kodra e Diellit, shërbimet e Forcës së Posaçme Shqiponja kanë konstatuar dhe shoqëruar në ambientet e DVP Tiranë automjetin e dyshuar sëbashku me drejtuesin e tij shtetasin A. M., 43 vjec, banues në Tiranë, me detyrë Shef i Stërvitjes te Reparti Special Renea.

Gjatë kontrollit dhe kryrjes së automjetit rezultoi se në serdiljen e pasagjerit, në vendin e parë të automjetit, ndodhej një qese plasmasi brenda të cilës kishte lekë, euro dhe paund.

Nga numërimi rezultoi se në qesen e palsmasit kishte rreth 113 mijë euro, rreth 290.000 lekë të rinj dhe 80 paund, të cilat u sekuestruan në cilësinë e provës materiale.

Në përfundim të veprimeve të para hetimore të kryera nga strukturat hetimore të DVP Tiranë u bë arrestimi në flagrancë i shtetasit A. M., dhe materialet i kaluan Prokurorisë së Rrethit Gjyqësor Tiranë për veprime të mëtejshme për vepra penale “Pastrimi i produkteve të veprës penale ose veprimtarisë kriminale”, “Fshehja e të ardhurave” dhe “Shpërdorimi i detyrës”. /Lajmi.net/