Iluzioni optik që çmend trurin: Sytë duket se janë ngjyra të ndryshme – por në fakt janë identikë
Nga cigaret e fshehura në mur, te “Fustani”, shumë iluzione optike kanë lënë spektatorët në të gjithë botën të hutuar gjatë viteve.
Por iluzioni i fundit mund të konsiderohet një nga më të çuditshmet.
Dr. Dean Jackson, biolog dhe prezantues i BBC-së, ka ndarë në TikTok një iluzion të pazakontë që i bën sytë të duken si dy ngjyra të ndryshme, ndërkohë që në fakt janë identikë.
Në videon e tij, një fytyrë kartoni është ndarë në mes: gjysma e majtë e kuqe dhe gjysma e djathtë blu.
Edhe pse sytë duken si të kenë ngjyra të ndryshme, Dr. Jackson shpjegon se ato janë të njëjta.
“Sytë e kësaj vajze janë e njëjta ngjyrë,” thotë ai.
“Ti po sheh të njëjtën ngjyrë, por truri yt po trajton sfondin si dy filtra të ndara dhe po përpiqet të kuptojë se si do dukeshin sytë nën ato filtra.
Por në fakt po bëhet shumë i zgjuar për veten e tij.”
Në videon e tij, Dr. Jackson vendos një katror gri në ekran, duke treguar se kjo është ngjyra e vërtetë e të dy syve.
@beatonthebeeb A demonstration of the importance of background colour on overall colour perception. All brought about by optical illusion. #colour #mindgame #opticalillusions #complementarycolors #opticalillusion #weirdscience #perception ♬ Chill Kitty (Lofi) – The Machinist Beats
“Të dy sytë e saj janë kjo nuancë gri, por truri yt të tregon diçka tjetër,” shpjegon ai.
Për të provuar këtë, ai mbulon sfondin me shirita gri që janë e njëjta ngjyrë me sytë e vajzës.
“Nuk po ndryshoj ngjyrën e syve të vajzës, e premtoj këtë,” siguron ai.
Sapo shirat gri vendosen mbi sfondin e ngjyrosur, bëhet menjëherë e qartë se Dr. Jackson thotë të vërtetën – sytë janë vërtet identikë.
Ky iluzion i hutueshëm ka tërhequr shumë vëmendje në TikTok, me qindra përdorues të hutuar që komentuan:
“Pashë syrin e majtë blu dhe syrin e djathtë të verdhë! Më pëlqen përmbajtja juaj, por tani po më bëhet e vështirë t’i besoj trurit tim!!!” – shkroi një përdorues.
Një tjetër komentoi: “SYTË NUK JANË GRI! NDIMË…”
Dhe një i tretë talli: “Truri im nuk është shoku im, po më lodh me këto shaka.”
Ky nuk është hera e parë që Dr. Jackson habiti spektatorët me iluzione optike të bazuara në ngjyra.
Më herët këtë vit, ai postoi një video me një fotografi të një kamioni zjarrfikës të kuq në rrugë, më pas shtoi një filtër cyan dhe pyeti se çfarë ngjyre mendoni se ka kamioni.
