Ngjela ‘godet’ Ramën: Kryeministër pa vizion – po humb shansin historik për bashkimin me Kosovën!

Në një reagim me tone kritike dhe të ashpra, avokati shqiptar Spartak Ngjela ka vënë në pikëpyetje aftësinë e kryeministrit Edi Rama për të ushtruar pushtetin në funksion të zhvillimit të vendit dhe interesit kombëtar.

Ngjela në postimin e tij në “Facebook”, theksoi se të gjithë liderët politikë në Shqipëri janë të fiksuar pas forcës politike, ndërsa vetë kryeministri, sipas tij, nuk po arrin të kuptojë peshën reale të pushtetit që i jep ligji.

Avokati ngre shqetësimin për mungesën e një vizioni të gjerë ekonomik dhe kombëtar, duke përmendur potencialin që ofron bashkëpunimi me Kosovën dhe faktorin shqiptar në rajon, përcjell “Bota sot”.

Shkrimi i plotë

Најлош непријател на болката во зглобовите. Прочитајте!
Nautubone
A po e shihni se të gjithë krerët e politikës shqiptare sot janë në kërkim të fuqisë.

Po kryeministri aktual, a ka fuqi?

Jo, sepse, sipas psikikës së tij të pushtetit, ai nuk e ka fuqinë që ai do, dhe ndërkohë nuk arrin ta kuptojë me logjikën e shtetit demokratik që i thotë se atij nuk ka se çfarë t’i duhet fuqia, kur asnjë kundërshtar i tij nuk e ka fuqinë që ta rrëzojë.

Por pyetja thelbësore këtu është kjo:

A i mjafton kryeministrit aktual Rama fuqia që i ka dhënë ligji, që ky të krijojë një skemë të nivelit të lartë për zhvillimin ekonomik të Shqipërisë?
Ligji ia ka dhënë të gjitha, madje i ka dhënë në kufirin e Shqipërisë edhe një shtet tjetër shqiptar. Kosovën, me dy milionë shqiptarë. Por po shihet qartë se ai nuk po e kupton dot këtë favor politiko-historik me dy shtete shqiptarë, sikurse edhe këtë favor gjeografik me këtë territor shqiptarësh prej rrerh 6 milionë shptarë vetëm në dy shtete shqiptare.

Por janë edhe 1000.000 shqiptarë në Maqedoninë e Veriut; por janë dhe katër milionë shqiptarë si arvanitas në Republikën e Greqisë.

Prandaj ndërkohë, a nuk po e kupton dot politika shqiptare sot që, pikërisht në këtë fenomen shqiptar, ajo duhet të përqendrohet për të rifituar të gjitha padrejtësitë që Beogradi, Athina dhe Parisi i kanë bërë shqiptarëve, duke filluar që nga viti 1878 e deri më sot?

Por ama, nëse nuk e kupton, pse duhet ta qeverisësh Shqipërinë?!