E bëri burrin për spital, arrestohet gruaja nga Malisheva
Policia e Kosovës ka njoftuar për një rast të dhunës në familje në Malishevë.
Në raportin e Policisë së Kosovës bëhet e ditur se e dyshuara kishte sulmuar fizikisht bashkëshortin e saj.
“Malishevë 28.12.2022 – 09:20. Është arrestuar e dyshuara femër kosovare për shkak se kishte sulmuar fizikisht bashkëshortin e saj, viktimën mashkull kosovar”, thuhet në raport.
Viktimës i është ofruar tretmani mjekësore, ndërsa e dyshuara pas intervistimit me vendim të prokurorit është dërguar në mbajtje për 48 orë.
