Kongresisti amerikan Keith Self: Protestat në Shqipëri pasqyrojnë mosbesimin ndaj politikanëve të korruptuar

Kongresisti amerikan, Keith Self, ka reaguar lidhur me protestat në Shqipëri, duke thënë se ato janë rezultat i mosbesimit të qytetarëve ndaj politikanëve të korruptuar dhe pakënaqësisë për mosrespektimin e sundimit të ligjit.

Përmes një postimi në rrjetin social X, Self ka theksuar se udhëheqësit shqiptarë duhet t’i marrin parasysh kërkesat e qytetarëve për ndryshime thelbësore.

“Protestat në Shqipëri janë kulmi i mosbesimit të qytetarëve ndaj politikanëve të korruptuar dhe i lodhjes nga shpërfillja e plotë e sundimit të ligjit”, ka shkruar ai.

Self ka shtuar se ndryshimet e kërkuara duhet të krijojnë mundësi ekonomike dhe të kontribuojnë në stabilitetin rajonal.

“Udhëheqësit e Shqipërisë duhet t’i dëgjojnë thirrjet për ndryshime thelbësore, të cilat do të krijojnë mundësi ekonomike dhe do të nxisin stabilitetin rajonal”, ka deklaruar kongresisti amerikan.

The protests in Albania are a culmination of the people’s distrust of corrupt politicians and fatigue over the total disregard for the rule of law. Albania’s leaders need to heed the calls for substantive changes that will yield economic opportunity and foster regional stability. — Rep. Keith Self (@RepKeithSelf) October 17, 2026