5 ditë në grevë urie para Fakultetit të Mjekësisë: “Më thanë se jam i vjetër për punë”

Për të pestën ditë me radhë, dr. Darko Vasilevski i kalon ditët dhe netët në një çadër para Dekanatit të Fakultetit të Mjekësisë në Shkup. Mjeku dhe specializanti privat, i cili ka hyrë në grevë urie për shkak të heshtjes institucionale dhe diskriminimit të pretenduar mbi bazë të moshës, thotë se nuk do të tërhiqet nga lufta e tij për drejtësi.

“Ky nuk ishte një vendim që e mora lehtë. Protesta nuk është e drejtuar personalisht ndaj askujt”, deklaroi ai, ndërsa shprehu mirënjohje për të gjithë qytetarët dhe kolegët që i kanë dhënë mbështetje gjatë këtyre ditëve.

Shkak për këtë hap radikal është konkursi i fundit për punësimin e dy mjekëve të mjekësisë me kontratë të pacaktuar në Institutin për Fiziologji Mjekësore dhe Eksperimentale me Antropologji.

Dr. Vasilevski pretendon se i ka përmbushur të gjitha kriteret dhe se ka qenë kandidati i vetëm që ka përfunduar të gjitha fazat e specializimit në mjekësinë sportive, por megjithatë edhe këtë herë është anashkaluar.

Ai thotë se prej vitesh përballet me trajtim të papërshtatshëm nga anëtarë të komisioneve përzgjedhëse.

Në vitin 2022, sipas tij, i është thënë se është “i vjetër” për avancim akademik;

Në vitin 2023, mosha e tij sërish është bërë pjesë e intervistës;

Ndërsa në konkursin e fundit, në vitin 2026, një anëtar i komisionit, sipas pretendimit të tij, i ka thënë drejtpërdrejt: “Ti je i vitit 1980”.

Dr. Vasilevski qëndron para Dekanatit 24 orë në ditë, duke kërkuar nga institucionet përgjegjëse që më në fund t’i japin fund heshtjes dhe të vlerësojnë kualifikimet profesionale të kandidatëve, e jo vitin e lindjes.