Kurti shkon edhe më larg: Jemi ekipi më i mirë qeveritar në Ballkanin Perëndimor

Kurti shkon edhe më larg: Jemi ekipi më i mirë qeveritar në Ballkanin Perëndimor

Kryeministri i Kosovës, Albin Kurti, ka folur sot për zhvillimet e fundit në vend si dhe takimin e fundit me presidentin serb, Aleksandër Vuçiq, që u mbajt më 18 mars në Ohër.

Duke folur për punën e ekipit qeveritar, Kurti nuk është treguar modest sa i përket punës së kësaj qeverie, shkruan lajmi.net.

“Mund të them se jemi ekipi më i mirë në Ballkanin Perëndimor”, ka deklaruar Kurti në RTK.

Kujtojmë se Kurti shpesh herë publikisht ka deklaruar se Qeveria që ai drejton është më e mira në 20 vitet e fundit, pas përfundimit të luftës në Kosovë, ndërsa sot ka shkuar edhe më larg, duke krahasuar ekipin qeveritar me qeveritë e tjera të rajonit.

Në anën tjetër, raporti i fundit i Departamentit Amerikan të Shtetit për Kosovën, ka përmendur edhe korrupsionin si problem serioz, duke përmendur edhe mosndëshkimin e rasteve të tilla.

Ky raport kishte nxitur edhe reagimin e opozitës të cilët kanë kritikuar Qeverinë Kurti për dështim në qeverisje. /Lajmi.net/