Escobar takohet me Vuçiqin, presidenca serbe fsheh mesazhin e emisarit

Escobar takohet me Vuçiqin, presidenca serbe fsheh mesazhin e emisarit

Emisari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, tashmë është takuar me të parin e serbëve, Aleksandar Vuçiq.

Kjo është konfirmuar nga presidenca serbe, e cila në fakt ka transmetuar veç atë që ka thënë Vuçiq e jo edhe emisari Escobar, përcjell lajmi.net.

Siç ka transmetuar portali serb që operon në vendin tonë, Kossev, Vuçiq ka shprehur qëndrimin e njëjtë sa i përket asaj se është për një marrëveshje që do të ofronte zgjidhje dhe stabilitet në rajon.

Gabriel Escobar, po qëndron në një tur disaditor në Serbi e Kosovë, para takimit të së shtunës në Ohër.

Ai ka ftuar palët që ta shfrytëzojnë rastin historik dhe ta nënshkruajnë ecjen para drejt BE-së.