Sulm me thikë në një shkollë në Stamboll, vdes një nxënës dhe lëndohen tetë tjerë

Një nxënës që ishte plagosur rëndë në një sulm me thikë në një shkollë të mesme në lagjen Başakşehir të Stambollit ka vdekur, njoftoi ministri turk i Arsimit, Yusuf Tekin.

Në sulmin në shkollën Kayaşehir Sheikh Shamil Imam Hatip u plagosën gjithsej tetë nxënës, ndërsa autoritetet fillimisht raportuan se njëri prej tyre ishte në gjendje kritike dhe dy të tjerë në gjendje të rëndë, transmeton Telegrafi.

Sipas autoriteteve, një vajzë e lindur në vitin 2011, nxënëse e një shkolle të mesme në Küçükçekmece, hyri në oborrin e shkollës në Kayabaşı dhe sulmoi me thikë nxënësit në mënyrë të rastësishme.

Guvernatori i Stambollit, Davut Gül, tha se e dyshuara jetonte në të njëjtën lagje dhe kishte hyrë në shkollë e veshur me uniformë. Ajo u ndalua nga personeli i sigurisë dhe iu dorëzua policisë.

Të plagosurit u dërguan në spital, ndërsa autoritetet thanë se pesë nxënës kishin plagë të lehta dhe pritej të përfundonin trajtimin gjatë ditës. Dy të tjerë po vazhdonin trajtimin dhe gjendja e tyre po përmirësohej. /Telegrafi/

❗️🇹🇷#LATEST: 8 students injured in stabbing at Istanbul middle schoolEight students were injured in a stabbing attack at a school in #Istanbul’s #Basaksehir district.The incident occurred on October 6 at Şeyh Şamil İmam Hatip Middle School in the Kayaşehir area.According to the report, a 15-year-old female student who attends another school came to the school and attacked other students with a knife. Eight students were injured in the incident and taken to hospital. — APA News Agency (@APA_English) October 6, 2026