Salma Hayek shkëlqen me fustan të kuq në eventin prestigjioz në Los Angeles

Aktorja meksikano-amerikane, Salma Hayek, u shfaq me një paraqitje elegante në edicionin e 15-të të ceremonisë “LACMA Art+Film Gala”, të mbajtur në Los Angeles, ku mori vëmendjen me një fustan të kuq të mbuluar me shkëlqim.

Në këtë mbrëmje të veçantë, ajo u shoqërua nga bashkëshorti i saj, François-Henri Pinault.

Gala e organizuar nga Muzeu i Artit i Qarkut të Los Angelesit u mbajt të shtunën, ndërsa 60-vjeçarja Hayek ishte sërish një nga emrat më të spikatur të mbrëmjes.

View this post on Instagram A post shared by instylemagazine (@instylemagazine)

Aktorja kishte zgjedhur një fustan të gjatë në ngjyrë të kuqe të ndezur, i cili i përshtatej linjave të trupit dhe zgjerohej lehtë drejt fundit, në stilin sirenë.

Veshja me mëngë të gjata dhe dekolte të lëshuar mbi supe ishte e mbuluar tërësisht me temina të vogla, të cilat reflektonin dritën në çdo lëvizje.

@hollywoodreporter #SalmaHayek ♬ original sound – The Hollywood Reporter

Për ta kompletuar paraqitjen, ajo kishte zgjedhur një çantë të vogël në të njëjtën nuancë të së kuqes, duke ruajtur harmoninë e kombinimit. Ndërkaq, flokët e gjatë dhe të errët i kishte stiluar në kaçurrela të buta.

Hayek pozoi para instalacionit të njohur artistik “Urban Light”, i përbërë nga më shumë se 200 llamba të vjetra të rrugëve, të vendosura përpara muzeut.

Ajo u fotografua gjithashtu krah bashkëshortit të saj, François-Henri Pinault.

Pjesëmarrja në këtë gala është kthyer tashmë në një traditë për aktoren.

Edhe në edicionin e kaluar, ajo kishte tërhequr vëmendjen me një fustan të markës Gucci, në ngjyrë të gjelbër me shkëlqim, të cilin e kishte kombinuar me një varëse luksoze me rubinë dhe diamante. /Telegrafi/