“Populli nuk ju votoi për ta bllokuar shtetin” – Tomë Gashi me deklaratë të fortë

Avokati Tomë Gashi ka reaguar lidhur me bllokadën institucionale në Kosovë, duke iu drejtuar deputetëve që nuk po marrin pjesë në seancën konstituive dhe nuk po mbështesin zgjedhjen e presidentit.

Gashi, duke cituar Nënë Terezën, tha se kjo nuk është thjesht bojkot i një seance, por “bllokim i qëllimshëm i funksionimit të shtetit”, ndërsa u kërkoi deputetëve t’u tregojnë qytetarëve pse e kërkuan votën e tyre nëse nuk duan të marrin përgjegjësi për institucionet.

Postimi i plotë:

Një këshillë nga e shenjta Nënë Terezë për ju që as në seancën konstituive të Kuvendit nuk doni të vini, e as President nuk doni të zgjidhni:

Ju nuk po e bojkotoni një seancë. Ju po e bllokoni qëllimisht funksionimin e shtetit dhe po e mbani Kosovën peng për interesa politike.

Nëse nuk doni të merrni përgjegjësi për Kuvendin, për Presidentin dhe për institucionet, atëherë tregojani hapur qytetarëve: pse e kërkuat votën e tyre?

Populli nuk ju votoi për ta bllokuar shtetin. Ju votoi për ta bërë shtetin të funksionojë.