Pjesa e poshtme e Samadraxhës mbetet pa ujë, shkak një defekt në gypin kryesor

KRU “Hidroregjioni Jugor” ka njoftuar se pjesa e poshtme e fshatit Samadraxhë të Suharekës ka mbetur pa furnizim me ujë, për shkak të një defekti në gypin kryesor të ujësjellësit.

Sipas njoftimit, defekti është lokalizuar në afërsi të Agro Zonës, në një zonë me terren të mbushur, ndërsa gypi ndodhet në një thellësi prej më shumë se shtatë metrash, duke e vështirësuar ndërhyrjen e ekipeve.

Ekipet e KRU “Hidroregjioni Jugor” kanë punuar gjatë ditës për sanimin e defektit, por për shkak të vështirësive teknike, intervenimi nuk ka arritur të përfundojë.

Punimet do të vazhdojnë deri në sanimin e plotë të defektit dhe rikthimin e furnizimit me ujë sa më shpejt të jetë e mundur.

KRU ka kërkuar mirëkuptim dhe durim nga konsumatorët e prekur. /Telegrafi/