Nikolloski: Ende nuk kemi ndonjë zgjidhje përfundimtare për transportuesit tanë

Zëvendëskryeministri dhe Ministri i Transportit, Aleksandar Nikolloski theksoi se deri më tani janë bërë dy gjëra, shoferët trajtohen si profesionistë në strategjinë e re të vizave të zonës Shengen, jo si turistë, dhe janë arritur marrëveshje të drejtpërdrejta me vendet individuale të zonës Shengen për të lëshuar viza afatgjata për transportuesit.

Duke folur në një diskutim panel në kuadër të “Forumit Global të Tregtisë dhe Rritjes 2026” të organizuar nga Oda Zvicerane e Tregtisë e Maqedonisë, Nikolloski theksoi se shoferët profesionistë të RMV-së ende trajtohen si turistë, duke iu nënshtruar kështu rregullit të qëndrimit të kufizuar prej maksimumi 90 ditësh në një periudhë prej 180 ditësh.

“Ne po përpiqeshim të gjenim një zgjidhje të përbashkët si vend i Ballkanit Perëndimor së bashku me zonën Shengen, por, për fat të keq, nuk ka një zgjidhje përfundimtare nga BE-ja. Do të thoja se mungon një qasje e organizuar”, theksoi Nikolloski./Telegrafi/