Në Sanxhak sot kujtohet Referendumi i viti 1991 për autonomi, çka synonte?

Këshilli Kombëtar Boshnjak (BNV), me rastin e Ditës së Vetëvendosjes, rikujton referendumin e vitit 1991 dhe thekson rëndësinë e autonomisë së këtij rajoni, barazisë së qytetarëve, zhvillimit dhe zgjidhjes së statusit të Sanxhakut.

Këshilli Kombëtar Bošnjak rikujtoi referendumin e mbajtur 35 vjet më parë, duke theksuar se çështjet e statusit të Sanxhakut, zhvillimit të barabartë dhe barazisë së qytetarëve kërkojnë një qasje serioze institucionale, përcjell INA.

Me rastin e Ditës së Vetëvendosjes, e cila shënohet më 25, 26 dhe 27 tetor, Këshilli Kombëtar Boshnjak doli me një deklaratë ku rikujton referendumin për autonominë e Sanxhakut të vitit 1991. Nga Këshilli vlerësojnë se kjo ngjarje zë një vend të rëndësishëm në historinë politike bashkëkohore të rajonit dhe përfaqëson shprehjen e vullnetit të atëhershëm të qytetarëve.

Referendumi u mbajt në bazë të vendimit të Këshillit të atëhershëm Kombëtar Mysliman të Sanxhakut. Qytetarët gjatë tri ditëve u deklaruan për autonomi të plotë politike dhe territoriale të Sanxhakut, me të drejtë bashkimi me një nga republikat sovrane.

Votimi, siç thuhet në deklaratë, u organizua në komunat e Sanxhakut, por edhe në vende të tjera anëmbanë RSFJ-së së atëhershme dhe jashtë vendit, ku qytetarët e Sanxhakut jetonin dhe punonin përkohësisht. Sipas të dhënave të paraqitura nga BNV, të drejtë deklarimi kishin 264.156 qytetarë me të drejtë vote të regjistruar në listat zgjedhore. Në referendum morën pjesë 185.437 votues, përkatësisht 70,19 për qind e të regjistruarve. Për autonominë e propozuar votuan 183.302 votues, që sipas të dhënave të theksuara përbënte 98,85 për qind të atyre që dolën në votime.

Nga BNV-ja theksojnë se ky Referendum është dëshmi të përpjekjeve që statusi i tij i ardhshëm të rregullohet në përputhje me vullnetin e qytetarëve.

BNV-ja ritakoi përkushtimin që përmes institucioneve të përfaqësojë të drejtat dhe interesat e boshnjakëve në Republikën e Serbisë. Ndër synimet e tij, Këshilli thekson barazinë, mbrojtjen e të drejtave të njeriut dhe të pakicave, si dhe zhvillimin dhe zgjidhjen e statusit të Sanxhakut në interes të të gjithë qytetarëve të tij.(INA)