Në Kamenicë mbahet tryezë për mbështetje të shkollave

Drejtoria Komunale e Arsimit në Kamenicë dhe Instituti Pedagogjik i Kosovës kanë mbajtur një tryezë diskutimi për planifikimin e aktiviteteve mbështetëse për shkollat gjatë vitit shkollor 2026–2027.

Në takim morën pjesë kryetari i Komunës, Kadri Rahimaj, drejtori i Arsimit, Selami Klaiqi, përfaqësues të Institutit Pedagogjik, drejtorë të shkollave dhe zyrtarë të DKA-së.

Pjesëmarrësit diskutuan për sfidat me të cilat përballen shkollat dhe mundësitë për rritjen e cilësisë në arsim. Përfaqësuesit e Komunës dhe të Institutit theksuan rëndësinë e bashkëpunimit dhe mbështetjes profesionale për institucionet arsimore.

Tryeza synon të rezultojë me rekomandime konkrete për bashkëpunimin e mëtejmë dhe përmirësimin e vazhdueshëm të cilësisë së arsimit në Kamenicë.