TË FUNDIT

Ndërpriten punimet në një objekt ndërtimi në Gjakovë

Inspektorati Qendror i Punës ka ndërprerë përkohësisht punimet në një objekt ndërtimi në Gjakovë, pasi gjatë inspektimit janë evidentuar parregullsi në zbatimin e masave për sigurinë dhe shëndetin në punë.

Lajmin e ka bërë të ditur Inspektorati Qendror i Punës, përmes një njoftimi, ku thuhet se pas konstatimit të shkeljeve, inspektorët kanë nxjerrë vendim për ndalimin e përkohshëm të punimeve.

Sipas njoftimit, punimet nuk do të lejohen të vazhdojnë deri në eliminimin e mangësive të evidentuara dhe krijimin e kushteve të sigurta për punëtorët.

Inspektorati ka bërë të ditur se do të vazhdojë mbikëqyrjen e zbatimit të legjislacionit në fuqi, me qëllim të mbrojtjes së jetës dhe shëndetit të punëtorëve. /Telegrafi/

Leave a Reply

Your email address will not be published. Required fields are marked *