Mysafiri i pazakontë befason të gjithë, aligatori hyn brenda lokalit në SHBA
Një ngjarje e pazakontë ka ndodhur në një dyqan në Southport, Karolina e Veriut, ku një aligator është futur papritur brenda lokalit, duke shkaktuar panik te punonjësit dhe klientët.
Pamjet e kamerave tregojnë momentin kur zvarraniku hyn nga dera e pasme, kalon pranë magazinës dhe vazhdon drejt banakut.
Pronari i dyqanit, Jesse Driscoll, kishte reaguar i tmerruar kur e pa aligatorin.
“Shikon shumë gjëra në një dyqan, por kurrë nuk do ta kisha imagjinuar se do të shihja një aligator”, deklaroi ai.
– YouTube www.youtube.com
Një nga klientët madje mori një karrige për ta përdorur si mburojë ndaj kafshës.
Në vendngjarje mbërritën policia dhe shërbimet për mbrojtjen e kafshëve, të cilat arritën ta kapnin aligatorin pa e lënduar dhe ta zhvendosnin në një vend të sigurt.
Fatmirësisht, nga incidenti nuk pati të lënduar.
