Milani e fiton dramën e pesë golave ndaj Atalantas

AC Milani ka arkëtuar pikët e plota në shtëpi ndaj Atalantas, në kuadër të xhiros së shtatë në Serie A.

“Rossonerët” morën fitore me rezultat 3-2, përballje që doli të jetë shumë e ngushtë.

Christian Pulisic shënoi një gol të hershëm mirëpo VAR-i ia anuloi për pozitë jashtë loje.

Ishte Gonçalo Ramos që e kaloi Milanin në epërsi për të shënuar nga pika e bardhë (24’).

Ndërsa, Adrien Rabiot me një gol të bukur pas asistimit të Moreiras e dyfishoi epërsinë (43’).

❤️🔥❤️🔥❤️🔥 https://t.co/wxd1aLRCcH — AC Milan (@acmilan) October 18, 2026

Goditjen e madhe pastaj ia dha Mario Gila me kokë pas harkimit të Rabiot (57’).

Atalanta u kthye në lojë, por pak vonë. Gianluca Gaetano shënoi nga afërsia për ta shënuar golin e parë për mysafirët (67’).

Ndërsa, Raoul Bellanova e ngushtoi edhe më shumë epërsinë me një goditje të fuqishme (82’).

Kësisoj, Milani zë pozitën e katërt me 15 pikë ndërsa Atalanta renditet në vendin e 10-të me nëntë sosh./ Telegrafi /