Kylie Jenner shfaqet me korse të hapur, rikthehen spekulimet për një tjetër ndërhyrje në gjoks

Kylie Jenner ka tërhequr vëmendjen me paraqitjen e saj të fundit në Instagram, ku pozoi e veshur me një korse me dekolte të thellë dhe pantallona të ngushta me bel të lartë.

Ylli 29-vjeçar publikoi fotografitë në Instagram Story, ndërsa pamja e saj u komentua edhe për shkak të spekulimeve se mund t’i jetë nënshtruar një tjetër ndërhyrjeje estetike në gjoks.

Dyshimet nisën pas paraqitjes së saj në LACMA Art+Film Gala në Los Angeles, ku disa përdorues të rrjeteve sociale vunë re se Kylie e mbante njërën dorë në një pozicion që, sipas tyre, dukej sikur po përpiqej të mbulonte një pjesë të gjoksit.

Megjithatë, deri më tani nuk ka asnjë konfirmim nga vetë ajo për një ndërhyrje të re.

Në vitin 2025, Jenner kishte folur publikisht për operacionin e mëparshëm të gjoksit, duke zbuluar edhe detaje rreth implanteve prej 445 cc, pas vitesh spekulimesh. /Telegrafi/