Kush është drejtoresha e re e SHISH, që mori besimin e Edi Ramës?

Drejtimi i Shërbimit Informativ të Shtetit në Shqipëri i është besuar Esmeralda Hasanit.

Me propozim të kryeminstrit shqiptar, Edi Rama, presidenti Bajram Begaj e drektoi sot Hasanin.

Ndryshe nga emërimet e shkuara të shefave të ShISh, Hasani vjen nga brenda shërbimit, pas dy vitesh nga nisja punë në këtë institucion si drejtoreshë e një departamenti.

Esmeralda Hasani ka studiuar drejtësi dhe të drejtën ndërkombëtare në Universitetin e Milanos-Bicocca.

Pjesë e CV-së së saj janë edhe studimet në planifikimin dhe menaxhimin e projekteve europiane në Europa Cube Innovation Business School, në Bruksel.

Ajo ka qenë sekretare e përgjithshme në ministrinë e Diasporës, e drejtuar atëkohë nga Pandeli Majko.

Nga të dhënat e burimeve të hapura online tregohet se Esmeralda Hasani pesë vite më parë ka mbajtur edhe funksionin e konsulentes pranë Kryeministrisë, me fokus planifikimin e projekteve dhe sigurimin e financimeve, raporton Top Channel.