Kosova parakalon në ceremoninë hapëse të Lojërave Mesdhetare

Në Taranto të Italisë po mbahet Ceremonia Hapëse e Lojërave Mesdhetare.

Tashmë kanë parakaluar edhe delegacionet e vendeve pjesëmarrëse. Kanë parakaluar edhe sportistët kosovarë.

Flamurin e Kosovës e kanë mbajtur boksierja Donjeta Sadiku dhe taekwondisti Bleron Ademi.

Kosova në Lojërat Mesdhetare “Taranto 2026” merr pjesë me plot 163 sportistë.

Është numri bindshëm më i madh i sportistëve pjesëmarrës nga Kosova deri më tani.

Për herë të parë Kosova merr pjesë edhe në sporte ekipore si futbolli, hendbolli, volejbolli dhe basketbolli 3×3.

Në dy pjesëmarrjet e kaluara, Kosova ka fituar dhjetë medalje. Nëntë prej tyre janë fituar në xhudo e një në boks.