Kosova në krizë besimi me aleatët strategjikë

Në politikën ndërkombëtare, paraqitja publike e një kryeministri në konferenca prestigjioze, forume ekonomike, panaire, samite dhe tubime ndërkombëtare është pjesë e rëndësishme e diplomacisë bashkëkohore.

Megjithatë, ekziston një dallim thelbësor ndërmjet dukshmërisë personale të një lideri dhe suksesit real të diplomacisë shtetërore.

Ky dallim bëhet veçanërisht domethënës kur, krahas shpeshtimit të paraqitjeve ndërkombëtare, shteti përballet me përkeqësim të marrëdhënieve me partnerët e tij më të rëndësishëm strategjikë.

Në rastin e kryeministrit Albin Kurti, udhëtimet e shpeshta jashtë vendit, pjesëmarrjet në konferenca ndërkombëtare dhe promovimi i vazhdueshëm i Kosovës në skenat diplomatike e ekonomike krijojnë një imazh të intensifikimit të aktivitetit ndërkombëtar.

Por, nëse kjo veprimtari shqyrtohet përtej fotografive protokollare, deklaratave publike dhe komunikimeve të kabinetit qeveritar, lind një pyetje serioze: a po shndërrohet diplomacia e Kosovës në një instrument të promovimit politik të kryeministrit, ndërkohë që dobësohet kapitali diplomatik i shtetit dhe besimi i aleatëve të tij tradicionalë?

Kjo pyetje nuk është vetëm çështje e kritikës politike. Ajo prek drejtpërdrejt interesat strategjike të Republikës së Kosovës, sigurinë e saj, integrimin euroatlantik dhe perspektivën e konsolidimit ndërkombëtar.

Në teorinë bashkëkohore të marrëdhënieve ndërkombëtare, diplomacia publike konsiderohet një instrument i rëndësishëm për promovimin e interesave shtetërore, për ndërtimin e besimit dhe për krijimin e partneriteteve politike, ekonomike e kulturore.

Por diplomacia publike nuk duhet ngatërruar me diplomacinë e rezultateve!

Pjesëmarrja në një forum prestigjioz, një panel diskutimi apo një konferencë ndërkombëtare mund t’i krijojë një shteti mundësi të rëndësishme për promovim.

Megjithatë, suksesi i këtyre aktiviteteve nuk matet me numrin e fotografive, takimeve të publikuara apo deklaratave optimiste, por me rezultatet konkrete që prodhojnë për interesat e vendit.

Në këtë kuptim, pjesëmarrja e kryeministrit Kurti në Forumin Ekonomik Botëror në Davos, në Konferencën e Sigurisë në Munih dhe në aktivitetet e tjera ndërkombëtare duhet vlerësuar mbi bazën e përfitimeve reale politike, ekonomike dhe diplomatike.

Në janar 2025, në Davos u nënshkrua marrëveshja e tregtisë së lirë me EFTA-n, një rezultat konkret me rëndësi ekonomike për Kosovën.

Prandaj, një analizë serioze nuk mund t’i konsiderojë të gjitha paraqitjet ndërkombëtare si të pavlera.

Problemi shfaqet atëherë kur aktivitetet e tilla promovohen si dëshmi të suksesit të përgjithshëm qeveritar, pa u shoqëruar me një bilanc të qartë të rezultateve.

Një kryeministër mund të marrë pjesë në dhjetëra konferenca, të mbajë shumë fjalime dhe të zhvillojë takime me personalitete ndërkombëtare, por nëse nuk arrin të sigurojë mbështetjen e partnerëve strategjikë për objektivat themelore të shtetit, atëherë diplomacia e tij mbetet e mangët në dimensionin më të rëndësishëm.

Diplomacia nuk është spektakël i pranisë, por art i ndërtimit të marrëdhënieve, besimit dhe rezultateve.

Paradoksi: më shumë paraqitje dhe më pak besim strategjik?

Një prej paradokseve më të rëndësishme të politikës së jashtme të Kosovës gjatë qeverisjes së Kurtit është kontrasti ndërmjet promovimit të vazhdueshëm të orientimit euroatlantik dhe tensioneve të krijuara në marrëdhëniet me disa prej partnerëve kryesorë ndërkombëtarë.

Kosova, që nga çlirimi i vitit 1999 dhe shpallja e pavarësisë më 2008, ka ndërtuar perspektivën e saj shtetërore mbi një partneritet strategjik me Shtetet e Bashkuara të Amerikës dhe mbi integrimin në Bashkimin Evropian dhe NATO.

Ky orientim nuk është një zgjedhje e zakonshme politike, që mund të ndryshohet sipas preferencave të një qeverie. Ai përbën themelin e sigurisë, legjitimitetit ndërkombëtar dhe perspektivës afatgjatë të Kosovës.

Pikërisht për këtë arsye, marrëdhëniet me Uashingtonin dhe Brukselin duhet të trajtohen me përgjegjësi të jashtëzakonshme, maturi diplomatike dhe koordinim strategjik.

Megjithatë, marrëdhëniet e Kosovës me SHBA-në dhe BE-në janë karakterizuar nga tensione të përsëritura, sidomos lidhur me zhvillimet në veriun e Kosovës, mënyrën e zbatimit të politikave shtetërore dhe koordinimin me aleatët.

Më 12 shtator 2025, Shtetet e Bashkuara njoftuan pezullimin e dialogut strategjik të planifikuar me Kosovën, duke shprehur shqetësimin se veprimet dhe deklaratat e qeverisë në detyrë kishin kontribuar në rritjen e tensioneve dhe paqëndrueshmërisë. Uashingtoni theksoi gjithashtu se zhvillimet e fundit kishin paraqitur sfida për progresin e arritur ndër vite.

Ky vendim përbën një sinjal serioz diplomatik, të cilin nuk mund ta neutralizojnë pjesëmarrjet në konferenca ndërkombëtare, fjalimet politike apo fotografitë me personalitete të huaja.

Për një shtet të vogël dhe me pozitë të ndjeshme gjeopolitike, siç është Kosova, marrëdhënia me SHBA-në nuk është thjesht një dimension i politikës së jashtme. Ajo është një komponent thelbësor i sigurisë kombëtare dhe i qëndrueshmërisë së shtetësisë.

Prandaj, çdo dobësim i besimit ndërmjet Prishtinës dhe Uashingtonit duhet të konsiderohet si problem strategjik, jo si një mosmarrëveshje e zakonshme ndërmjet dy qeverive.

Një karakteristikë e komunikimit politik të qeverisë Kurti është tendenca për t’i paraqitur aktivitetet ndërkombëtare në mënyrë të theksuar promovuese.

Takimet, pjesëmarrjet në konferenca, vizitat dhe deklaratat publike shpesh shoqërohen me komunikime që synojnë të krijojnë përshtypjen e një protagonizmi të veçantë të Kosovës në skenën ndërkombëtare.

Kjo mënyrë komunikimi mund të ketë efekt në opinionin e brendshëm, sidomos tek mbështetësit politikë të qeverisë, të cilët mund t’i interpretojnë paraqitjet e kryeministrit si dëshmi të prestigjit ndërkombëtar dhe të suksesit diplomatik.

Por ekziston rreziku që komunikimi politik të fillojë të zëvendësojë vlerësimin objektiv të rezultateve.

Në këtë rast, diplomacia mund të përdoret më shumë për të prodhuar imazhe dhe perceptime sesa për të ndërtuar marrëdhënie të qëndrueshme strategjike.

Një fotografi me një lider evropian nuk është marrëveshje politike!

Një fjalim në një forum ndërkombëtar nuk është garanci sigurie!

Një panel ekonomik nuk është investim i realizuar!

Një deklaratë për orientimin euroatlantik nuk është integrim në NATO!

Këto dallime janë elementare për çdo analizë serioze të politikës së jashtme.

Nëse qeveria e konsideron praninë e kryeministrit në skena ndërkombëtare si argument për të dëshmuar suksesin e saj, atëherë publiku duhet të ketë të drejtën të kërkojë një bilanc konkret:

Sa marrëveshje strategjike janë realizuar dhe zbatuar?

Sa investime të reja janë siguruar përmes diplomacisë ekonomike?

Çfarë progresi është arritur në njohjet ndërkombëtare dhe integrimin euroatlantik?

Si janë përmirësuar marrëdhëniet me SHBA-në dhe institucionet e BE-së?

Çfarë rezultatesh konkrete janë arritur në dialogun Kosovë–Serbi?

Sa është rritur besueshmëria ndërkombëtare e Kosovës si partner i koordinuar dhe i parashikueshëm?

Këto janë kriteret që duhet të përcaktojnë suksesin e diplomacisë, jo numri i paraqitjeve publike të kryeministrit.

BE-ja dhe SHBA-ja: aleatë strategjikë

Marrëdhëniet me Bashkimin Evropian dhe Shtetet e Bashkuara duhet të jenë dimensioni qendror i çdo qeverie të Kosovës!

Në këtë kontekst, diplomacia e Kurtit përballet me një sfidë të veçantë: si të ruhet sovraniteti shtetëror dhe autoriteti institucional, pa dëmtuar koordinimin me partnerët që kanë kontribuar vendosmërisht në çlirimin, pavarësinë dhe konsolidimin e Kosovës?

Sovraniteti nuk nënkupton izolim diplomatik!

As pavarësia politike nuk nënkupton refuzimin e konsultimit me aleatët!

Në marrëdhëniet ndërkombëtare, veçanërisht për shtetet e vogla, koordinimi është një formë e racionalitetit strategjik. Ai nuk e zvogëlon sovranitetin, por mund ta rrisë fuqinë negociuese dhe sigurinë e shtetit.

Kosova ka nevojë për një diplomaci që kombinon vendosmërinë për mbrojtjen e sovranitetit me aftësinë për të ruajtur besimin e aleatëve.

Përndryshe, mund të krijohet një situatë paradoksale: qeveria e deklaron vazhdimisht orientimin perëndimor, por në praktikë përballet me vështirësi në koordinimin me partnerët perëndimorë.

Edhe Bashkimi Evropian ka vendosur masa ndaj Kosovës që nga viti 2023, në kontekstin e tensioneve në veri dhe kërkesave për deeskalim. International Crisis Group, në analizën e tij të vitit 2025, evidentonte përkeqësimin e marrëdhënieve të Kosovës me BE-në dhe SHBA-në, duke e trajtuar këtë zhvillim si problem serioz për stabilitetin dhe procesin e dialogut.

Kjo dëshmon se çështja nuk është vetëm perceptim i opozitës apo kritikë e kundërshtarëve politikë.

Ajo është pjesë e një debati më të gjerë ndërkombëtar mbi mënyrën se si Kosova po e zhvillon politikën e saj të jashtme.

Kosova ka nevojë për diplomaci rezultatesh

Në fund, çështja më e rëndësishme nuk është se sa shpesh kryeministri Kurti udhëton jashtë vendit, në sa konferenca merr pjesë apo sa herë shfaqet në skenat ndërkombëtare.

Çështja është se çfarë përfiton Kosova nga këto aktivitete?

Një diplomaci e suksesshme duhet të prodhojë rezultate të matshme: forcimin e aleancave strategjike, zgjerimin e njohjeve ndërkombëtare, avancimin e integrimit evropian, përshpejtimin e perspektivës së NATO-s, tërheqjen e investimeve, përmirësimin e pozitës negociuese dhe rritjen e sigurisë së vendit.

Këto rezultate nuk mund të zëvendësohen me komunikim politik, sado i sofistikuar dhe tërheqës të jetë ai.

Nëse një qeveri investon më shumë energji në promovimin e paraqitjeve ndërkombëtare sesa në përmirësimin e marrëdhënieve me partnerët strategjikë, atëherë ekziston rreziku që diplomacia të shndërrohet në një instrument të imazhit personal dhe partiak, në vend se në një mekanizëm të mbrojtjes së interesave shtetërore.

Kosovës nuk i nevojitet një kryeministër që vetëm të duket i pranishëm në botë. I nevojitet një kryeministër që ta bëjë Kosovën më të sigurt, më të respektuar, më të integruar dhe më të mbështetur ndërkombëtarisht.

Përfundimisht, diplomacia nuk matet me distancën e udhëtimeve, numrin e konferencave apo madhësinë e fotografive zyrtare, por me distancën që një shtet arrin të përshkojë drejt objektivave të tij strategjikë.

Në rastin e Kosovës, objektivi nuk është protagonizmi personal i një lideri, por konsolidimi i shtetit, ruajtja e aleancës me SHBA-në, integrimi në BE dhe NATO dhe sigurimi i një të ardhmeje të qëndrueshme euroatlantike.

Nëse këto objektiva mbeten të bllokuara, atëherë edhe diplomacia më e zhurmshme rrezikon të shndërrohet në një diplomaci të fotografive, e cila prodhon përshtypje të suksesit, por jo domosdoshmërisht suksesin e vetë shtetit.

Dhe ky është paradoksi që qeveria Kurti duhet ta përballojë me përgjegjësi politike dhe strategjike: nuk mjafton të promovosh Kosovën në botë, nëse njëkohësisht dobëson besimin e partnerëve që e ndihmuan Kosovën të bëhet shtet dhe që mbeten vendimtarë për të ardhmen e saj.

Rasti i Alta Bankës, i nisur si krizë bankare në Beograd pas ndërrimit të pushtetit në Serbi, është kthyer në Maqedoninë e Veriut në përplasjen më të ashpër të kësaj vjeshte mes dy partive kryesore shqiptare….

Ndryshimet klimatike nuk janë më një kërcënim i largët, një parashikim teorik apo një shqetësim që u përket vetëm studiuesve të atmosferës dhe ekologjisë. Ato janë shndërruar në një realitet që prek…

Politikani republikan me origjinë shqiptare, Joe Hoxha, ka fituar mandatin e tretë në Dhomën e Përfaqësuesve të shtetit të Connecticut-it, në zgjedhjet e mesmandatit të mbajtura javën e kaluar në Shtetet e Bashkuara të Amerikës….

Në filozofinë e historisë, ekziston një e vërtetë e pamëshirshme që përsëritet në fatin e popujve të vegjël: asnjë pushtues i jashtëm nuk mund ta mposhtë përfundimisht një komb, nëse ai komb nuk prodhon…

Nëntori është muaji më simbolik i historisë shqiptare. Është muaji i flamurit, i pavarësisë, i kujtesës kombëtare dhe i atyre ngjarjeve që përcaktuan fatin e Shqipërisë dhe të Kombit shqiptar. Është…

Qeveria Kurti IV është formuar me 62 vota në Kuvendin e Republikës së Kosovës, përkatësisht me mbështetjen e 53 deputetëve të Lëvizjes Vetëvendosje dhe nëntë deputetëve nga komunitetet joshumicë, kryesisht nga…

Shqiptarët e Maqedonisë së Veriut, me dhimbjen e historisë, krenarinë e identitetit dhe të drejtën për barazi shtetërore. Ka momente në historinë e një shteti kur politika duhet të ndalet dhe të dëgjojë zërin e…

Ligji për Dhomat e Specializuara do të rikthehet në Kuvend "më së largu të hënën" dhe do të kalojë me votat e Vetëvendosjes. Këtë e paralajmëroi mbrëmë ushtruesja e detyrës së kryetares së…

Me dhimbje të thellë dhe pikëllim të veçantë mora lajmin për ndarjen nga jeta të mikut tim, bashkëkombësit dhe intelektualit të shquar shqiptar, Prof. Dr. Mehdi Hyseni. Largimi i tij nga kjo jetë përbën një humbje…

Analisti dhe publicisti Lirim Gashi i ka propozuar ministres së Drejtësisë, Donika Gërvalla-Schwarz, që ta marrë si këshilltar juristin Gazmend Halilaj. Në një shkrim të publikuar në rrjetet sociale, Gashi rendit shtatë arsye…

Deklaratat e fundit të z. Armend Zemaj lidhur me numrin e mjekëve të papunë, licencimin dhe punësimin e mjekëve të kthyer nga jashtë kërkojnë një reagim jo vetëm politik, por mbi të gjitha profesional, shkencor dhe…

Protestat studentore në Shqipëri vazhdojnë, ndërsa protestuesit kërkojnë dorëheqjen e Kryeministrit Edi Rama. Studentët nuk po përballen thjesht me një qeveri; ata po përballen me një sistem të tërë kontrolli…

Shtëpia e Bardhë e ka zgjedhur kandidatin, por kjo ende nuk do të thotë se Kosova ka ambasador amerikan. Presidenti Donald Trump ka nominuar Mikhail Bogachekun, drejtor ekzekutiv në Organizatën e Shteteve Amerikane (OAS), për ambasador të SHBA-së në…

Prej dy ditësh po lexoj lajmin për vdekjen e Xhevat Prekazit, një mitrovicas shqiptar, apo, më konkretisht, një emër i njohur i futbollit të ish-Jugosllavisë. Ndarja e tij nga jeta kërkon përmbajtje dhe respekt për dhimbjen e familjes…

Më 9 nëntor 1989, bota dëshmoi një nga ngjarjet më të rëndësishme të historisë bashkëkohore: rënien e Murit të Berlinit. Pas 28 vjetësh ndarje, ky mur, simbol i diktaturës komuniste, i shtypjes së lirive njerëzore…

Tragjizmi i një gruaje të fortë, intelektuale e dinjitetshme, me personalitet dhe integritet unik, në luftën e saj e vetmuar, për ta pasur pranë djalin e saj Anin, fisnikërisht, u bë kurban i tij. Arlindë Zekaj e parashikoi ekzekutimin e saj,…

Delegacioni i parë i Listës Studentore që erdhi në Kosovë pas fitores në Serbi la pas vetëm një mesazh. Pas vizitës së 8 dhe 9 nëntorit, kandidati Fegja Dimoviq e quajti Kosovën "pjesë përbërëse të…

Gjuha shqipe do të ketë vend në provimin e jurisprudencës, por jo deri në fund. Kryeministri Hristijan Mickoski deklaroi të hënën se kandidatët do ta japin pjesën teorike në gjuhën në të cilën kanë studiuar. Simulimet e…

Të gjithë e dimë historinë e emrimit si ministër i Jashtëm i Republikës së Shqipërisë të shqiptarit nga Kosova, Gent Cakaj. Kryeministri Edi Rama e emroi atë në krye të diplomacisë shqiptare. Presidenti Ilir Meta nuk e…

Lufta në Ukrainë po hyn në një fazë të ndërlikuar, ku, përveç përballjes ushtarake në front, gjithnjë e më shumë po goditen infrastruktura energjetike, objektet strategjike dhe korridoret logjistike. Këto zhvillime nuk…

Nuk mjafton të mbash një emër me peshë historike si Gjergj, Gjon apo Justina. Vlera e vërtetë e këtyre emrave dëshmohet vetëm përmes veprave të mira atdhetare e krijuese, si dhe përmes respektit e nderimit më të lartë…

Barazia protokollare e presidentëve është shprehje e respektit ndaj institucioneve, vazhdimësisë së shtetit dhe dinjitetit të secilit personalitet që ka ushtruar funksionin më të lartë kushtetues të Republikës. Në një…

Asnjë nga katër listat shqiptare që garuan më 8 nëntor për Këshillin Kombëtar Shqiptar në Preshevë, Bujanoc e Medvegjë nuk ka shumicë. Sipas rezultateve paraprake, lista e parë, ajo e Partisë për Veprim Demokratik dhe…

Një nga deformimet më të mëdha në debatin publik bashkëkohor mbetet tendenca për të interpretuar realitetin e Shqipërisë dhe Kosovës përmes termave ekskluzivë të "kapitalizmit të egër global" apo teorive…

Muret e zhveshura të shtetit! Kur hipokrizia politike tenton të fshijë Rugovën! Vendimi për largimin e fotografisë së Presidentit Historik, dr. Ibrahim Rugova, dhe Deklaratës së Pavarësisë nga vendet e tyre të nderit në…

Lajmi për largimin e Deklaratës së Pavarësisë së Kosovës nga vendi i saj i nderit në Presidencë, zëvendësimin e saj me një punim filigrani dhe zhvendosjen e fotografisë së presidentit historik Ibrahim Rugova, përbën…

Demokracia më e fortë nuk është ajo demokraci që e konsideron veten të plotë, por ajo që mund të njohë dhe korrigjojë gabimet e veta një krahasim midis shteteve demokratike të qeverisura nga sundimi i ligjit rreth modelit të…

Me afatin e 27 nëntorit për dorëzimin e njoftimeve të ankesës, faza e apelit për Hashim Thaçin, Kadri Veselin, Rexhep Selimin dhe Jakup Krasniqin po hyn në javët vendimtare. Akademiku Arsim Bajrami ka dalë me tetë propozime se si Kosova mund…

Një muaj pasi mori detyrën, Presidentja Justina Shiroka-Pula ka bërë ndryshimin e parë të dukshëm në Presidencë. Jo në ligje e as në dekrete, por në mure. Në vendin ku qëndronte e ekspozuar Deklarata e Pavarësisë…

Ekonomia joformale vazhdon të jetë një nga sfidat serioze të zhvillimit ekonomik dhe funksionimit institucional në Kosovë. Ajo nuk paraqet vetëm shmangie të obligimeve tatimore, por edhe një padrejtësi ndaj bizneseve që veprojnë në…

Kohën e fundit është bërë aktuale zgjedhja e kryetarit të Lidhjes Demokratike të Kosovës. Vite me radhë kjo parti erdhi duke rënë nga veprime jokorrekte dhe jorugoviste, siç është bërë zakon të…

Rënia e Aleksandër Vuçiqit dhe fitorja e Listës Studentore në Serbi kanë krijuar ndjesinë se diçka po lëviz në rajon. Kjo ndjesi nuk duhet të kthehet në nxitim. Deklarata e ministrit Nenad Rashiq, sipas së cilës Qeveria e…

Shqiptarët në Maqedoninë e Veriut duhet ta shndërrojnë pakënaqësinë me funksionimin e shtetit dhe ngecjen evropiane në kërkesa të qarta institucionale. Deklaratat për barazi fitojnë peshë kur shoqërohen me propozime ligjore,…

Anëtarësimi i Shqipërisë në Bashkimin Europian paraqitet, me të drejtë, si një nga objektivat më të rëndësishëm strategjikë të historisë sonë bashkëkohore. Ai përfaqëson shpresën për…

Toka që ruan kujtesën e qytetërimeve Çdo pëllëmbë toke ka historinë e vet, por jo çdo histori është shkruar në libra. Një pjesë e madhe e së kaluarës së njerëzimit është ruajtur në…

Diplomacia, si arti dhe praktika e menaxhimit të marrëdhënieve ndërkombëtare, me kalimin e kohes ka pësuar një evolucion të thellë dhe transformim nga forma e saj klasike drejt asaj bashkëkohore, duke u përshtatur me ndryshimin e natyrës…

Evropa dhe Ballkani Perëndimor po përjetojnë një periudhë të rëndësishme të tensioneve politike, sociale dhe institucionale, të karakterizuara nga rritja e pakënaqësisë qytetare, mobilizimi studentor dhe përhapja e protestave…

Shqiptarët e Preshevës, Bujanocit dhe Medvegjës zgjodhën të dielën përbërjen e re të Këshillit Kombëtar Shqiptar (KKSH). Sipas rezultateve preliminare, lista nr. 3, Partia për Veprim Demokratik – Aleanca për Luginën…

1. Kur një debat në Harvard bëhet alarm për institucionet shqiptare Më 29 tetor 2026, në Universitetin e Harvardit, një prej qendrave më të njohura akademike të botës, u zhvillua një debat mbi Dhomat e Specializuara të…

Një Evropë që duhet të dëshmojë se vlerat e saj vlejnë njësoj për të gjithë Procesi i integrimit evropian të Kosovës nuk mund të trajtohet si çështje dytësore e politikës së zgjerimit të…

Në të njëjtat orë kur bulevardi i Tiranës mbulohej me gaz lotsjellës, u bë publike një letër e prokurorisë speciale që mund të peshojë më shumë se çdo molotov. SPAK-u ka regjistruar një procedim penal për…

Të dhënat më të fundit të publikuara nga Eurostat për vitin 2025 nxjerrin në pah një nga sfidat më serioze sociale, ekonomike dhe demografike me të cilat përballet Evropa: përqindjen e të rinjve të moshës 15–29…

Kryeministri Edi Rama ka prezantuar platformën "Fol me Kryeministrin", që sipas tij është një hapësirë komunikimi e drejtpërdrejtë, fillimisht për studentët, por e hapur për çdo qytetar. Sipas Agjencisë Telegrafike…

Të mërkurën, më 4 nëntor 2026, Komisioni Europian ka publikuar raportin e tij për nivelin e demokracisë dhe zhvillimet politike e ekonomike në vendet e Ballkanit Perendimor. Duke lexuar pjesën për Shqipërinë dhe atë për…

Prej disa javësh, Ballkani flet për Serbinë pas Vuçiqit. Fitorja e Listës Studentore dhe humbja e partisë që e sundoi vendin për më shumë se një dekadë kanë sjellë shpresë në Bruksel. Kanë sjellë edhe pritje…

Deklaratat e fundit të Gardës Revolucionare Islamike të Iranit për ekzistencën e të ashtuquajturave “qytete nëntokësore të raketave” dëshmojnë se Teherani po përpiqet të forcojë strategjinë e mbijetesës…

Nesër, të dielën më 8 nëntor, 37.759 shqiptarë të regjistruar në Preshevë, Bujanoc e Medvegjë kanë të drejtë të zgjedhin Këshillin Kombëtar Shqiptar, institucionin që për katër vitet e ardhshme do të…

Largimi i portretit të Presidentit historik dhe arkitektit të pavarësisë së Kosovës, Ibrahim Rugovës, akt i turpshëm

Si Edi Rama i keqpërdor “kosovarët” për llogari të pushtetit të tij?!

Lufta në Ukrainë dhe rreziku për sigurinë e Evropës

Provimi i jurisprudencës në shqip: Mickoski vendos kufirin, koalicioni nën presion

Kosova në krizë besimi me aleatët strategjikë

Kush po e rrezikon stabilitetin e Maqedonisë së Veriut?

Ndryshimet klimatike dhe kërcënimi i urisë globale: një gradë më shumë, miliona jetë në rrezik

Aksident mes tri veturave në Prishtinë, ka të lënduar

Arrestohet 20 vjeçari në Kaçanik, kishte urdhëresë gjyqësore

24 orët e së shtunës: Dy të vdekur nga aksidentet, 32 të lënduar

I shkon te shtëpia dhe e kanos babain e saj, arrestohet shtetasi maqedonas në Podujevë

“Mbi 100 të pushkatuar…”, si u shtyp kryengritja antikomuniste në Malësi të Madhe, më 25 janar 1945! Fati tragjik i krerëve të lëvizjes

Arrestimi i intelektuales disidente, si u persekutua Musine Kokalari! Pas gjashtë muajsh hetuesie, e nxorën në gjyq! Aktakuza e prokuror Nevzat Haznedari

10 kuriozitete që nuk i dini për Groenlandën

Shkencëtarët identifikojnë ADN-në më të vjetër njerëzore

…n’ Maje, atje ku Qielli i thot’ Tokës: Frikë mos ki, Unë jam me Ty! Ka qet’si, rrjetat nuk…

Edhe sot, pas 14 vitesh, më mungon zëri yt, këshillat e tua dhe prania jote. Thonë se koha i shëron plagët, por mungesa…

Më mungoni në çdo hap të jetës. Dashuria, mirësia dhe kujtimi për ju nuk do të shuhen kurrë. U…

U bënë tri dekada – një jetë e tërë prej kur tragjikisht u nda prej nesh vajza e axhës Drita (Riza)…

Ylli televiziv britanik, Amanda Holden, është shfaqur në një atmosferë festive, teksa të enjten mbrëma ishte…

Aktorja e njohur kubane Ana de Armas dhe këngëtari venezuelian Beto Montenegro janë shfaqur së bashku në tapetin e kuq…