Katër ushtarakë turq humbin jetën në rrëzimin e një helikopteri në Malatya të Turqisë

Katër pjesëtarë të personelit ushtarak humbën jetën pasi një helikopter i tipit S-70 u rrëzua në provincën Malatya, në lindje të Turqisë, për shkaqe ende të panjohura.

“Rrëzimi i helikopterit tonë të tipit S-70 në Malatya, për një arsye që ende nuk është përcaktuar, rezultoi me vdekjen e katër pjesëtarëve të personelit tonë ushtarak”, thuhet në njoftimin e Ministrisë së Mbrojtjes Kombëtare.

JUST IN: A Turkish military S-70 helicopter has crashed in Yeşilyurt, Malatya, Turkey, for reasons not yet known, the Defense Ministry says. https://t.co/frfX3PS92V — Scope Report (@ScopeReport_) November 12, 2026

Më herët, ministria bëri të ditur se rrënojat e helikopterit ishin lokalizuar dhe se operacionet e kërkim-shpëtimit kishin filluar menjëherë.

Deri më tani nuk janë bërë të ditura detaje të tjera lidhur me incidentin. /AA/