Incident në New York/ Edi Rama përballet me protestuesit, qëllohet me vezë

Kryeministri i Shqipërisë, Edi Rama, është përballur me protesta gjatë qëndrimit të tij në New York, ku po merr pjesë në punimet e Asamblesë së Përgjithshme të Kombeve të Bashkuara.

Në pamjet e publikuara nga mediat shqiptare, Rama shihet teksa përballet me disa protestues shqiptarë, të cilët e kanë qëlluar me vezë dhe i kanë drejtuar thirrje kundër tij. Ngjarja ka ndodhur në kuadër të protestave të paralajmëruara nga aktivistë shqiptarë gjatë vizitës së Ramës në SHBA.

Në momentin e incidentit, pranë kryeministrit shqiptar ishte edhe bashkëshortja e tij, Linda Rama, si dhe kreu i grupit parlamentar të Partisë Socialiste, Taulant Balla.

Protestuesit dëgjohen duke përdorur edhe epitete si “mafia” dhe “kriminel”, ndërsa një prej thirrjeve të tyre ishte:

“Edi Rama kriminel, e gjithë Shqipëria të urren”.

Pamjet e incidentit janë publikuar në rrjetet sociale dhe kanë tërhequr vëmendje, ndërsa protesta ishte paralajmëruar paraprakisht nga aktivistë shqiptarë në SHBA.

Rama ndodhet në New York në kuadër të pjesëmarrjes së Shqipërisë në punimet e Asamblesë së Përgjithshme të OKB-së.