Gashi për vendimin e Speciales: Rastet që përmendi trupi gjykues janë të mbyllura, s’kanë mundur të përdoren kundër tyre

Avokati Tomë Gashi ka deklaruar se rastet që janë përmendur nga trupi gjykues gjatë shqiptimit të dënimit ndaj katër krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi, janë të mbyllura dhe, sipas tij, nuk kanë mundur të përdoren kundër tyre.

“Ne avokatët vendorë e dimë që këto raste që i përmendi Trupi Gjykues janë raste të përmbyllura, të plotfuqishme dhe nuk kanë mundur të përdoren prej asnjërit prej tyre”, ka thënë Gashi.

Më tutje, Gashi ka kritikuar edhe strategjinë e mbrojtjes së katër krerëve të UÇK-së.

“Në prizmin tim, strategjia e mbrojtjes ka qenë krejtësisht e gabuar për shkak që të mos i lejojnë, në kuptimin me i këshilluar që mos me dhënë deklarata mbrojtëse”, është shprehur ai.