Familja e Rinesa Qeriqit njofton për homazhet dhe lamtumirën e fundit

Familja e Rinesa Qeriqit, e cila u nda nga jeta, ka bërë publik njoftimin për organizimin e homazheve në nderim të saj, duke bërë të ditura vendin dhe orarin ku të afërmit dhe miqtë mund të mblidhen për t’i dhënë lamtumirën e fundit.

Sipas njoftimit të shpërndarë në rrjetet sociale, homazhet do të mbahen të dielën, më 25 tetor 2026, nga ora 12:00 deri në 17:00, sipas kohës lokale në Kanada.

Ceremonia do të zhvillohet në ambientet e Erb & Good Family Funeral Home, në adresën 171 King Street South, Waterloo, Ontario.

Familjarët u janë drejtuar veçanërisht të afërmve dhe miqve që jetojnë në Waterloo dhe zonat përreth, duke i informuar për mundësinë që të marrin pjesë në homazhe dhe të nderojnë kujtimin e Rinesës.

Rinesa Qeriqi, e njohur artistikisht si Rinesancë, ndërroi jetë më 23 tetor 2026, në moshën 25-vjeçare, pas një beteje me tumorin në tru, të diagnostikuar në vitin 2025. /Telegrafi/