TË FUNDIT

Kurti takon kandidaten për kryetare të Komunës së Zveçanit

Kryeministri Albin Kurti, ka pritur në zyrën e tij kandidaten për kryetare të Komunës së Zveçanit, Sladjana Pantiq.
“Zgjedhjet e lira dhe të drejta, e pluralizmi politik janë parakusht i demokracisë. Në zgjedhjet e prillit të këtij viti në katër komunat veriore të Republikës së Kosovës, qytetarët kanë mundësinë të krijojnë zë të fuqishëm përmes përfaqësuesve të zgjedhur e të jenë pjesë e vendimmarrjes. Kështu qytetarët tregojnë fuqinë e tyre brenda një shteti demokratik si Kosova”, thuhet në komunikatën e dërgua nga zyra e Kurtit.

Sipas tyre, pjesëmarrja e jo bojkoti i kontribuon edhe zhvillimit të demokracisë edhe adresimit të nevojave të komunitetit.

​Haxhiu për vendimin e Kushtetuese për Ligjin për KPK: Absurditet, por reforma nuk ndalet

Ministrja e Drejtësisë, Albulena Haxhiu, e quajti absurde vendimin e Gjykatës Kushtetuese për të shpallur Ligjin për Këshillin Prokurorial të Kosovës (KPK) kundër kushtetues, e që rrjedhimisht i njëjti duhet të shpallet i pavlefshëm në tërësinë e tij. Haxhiu tha se Kushtetuesja ka injoruar në tërësi të dy opinionet e Komisionit të Venecias në lidhje me këtë ligj duke i dhënë një goditje të rëndë Kosovës por edhe duke penguar reformën në drejtësi.
Haxhiu u shpreh se qëllimi i institucionit që drejton ka qenë që me ligjin e propozuar për ndryshimin dhe plotësimin e Ligjit për KPK të reformojë KPK-në për të eliminuar grupet e interesit e korporatizmin që sipas saj aktualisht mbizotëron në përbërjen e këtij Këshilli.

Sipas ministres së Drejtësisë, ky sistem korporatist ka bërë që prokurori i shtetit të mos jetë në nivel të detyrës ashtu si i kërkohet në kushtetutë dhe të jetë i ndikuar nga interesa..

​Sfidat në zbatimin e Ligjit për mbrojtjen e sinjalizuesve

Ligji për mbrojtjen e sinjalizuesve ende nuk është mjaftueshëm i njohur për të gjithë zyrtarët dhe qytetarët e tjerë të punësuar në institucione publike dhe private. Kjo po konsiderohet sfidë për zbatimin e tij, duke shtuar këtu edhe mosimplementimin e tij në sektorin privat.
Përmes sinjalizimit, të punësuarit në sektorin publik dhe atë privat kanë të drejtë të raportojnë për keqpërdorime.

Megjithatë, drejtori i Agjencisë për Parandalimin e Korrupsionit, Yll Buleshkaj thotë se në këtë agjenci kohën e fundit ka pasur rritje të rasteve që paraqiten para zyrtarëve përgjegjës për sinjalizim.

“Vitet e fundit kemi parë rritje të vazhdueshme të rasteve që paraqiten para zyrtarëve përgjegjës për sinjalizim, qoftë brenda institucionit apo ndërmarrjet publike, apo tek ne. Rritja është e madhe, por nëse flasim me numra absolut nuk është që është numër tepër i madh. Nëse në vitin 2021 kemi pasur 9-10 raste, vitin e kaluar i kemi pasur ..

Lëvizja e orës, sonte flemë një orë më pak

Ora verore fillon natën ndërmjet të shtunës dhe të dielës së 25-26 mars duke lëvizur akrepat për një orë përpara.
Si më parë, koha do të lëvizë nga ora 2:00 në 3:00 dhe e diela do të zgjat 23 orë.

Koha e kursyer zgjat deri në fundjavën e fundit të tetorit, pra natën mes 28 dhe 29 tetorit.

Motivi i ndryshimit të orës është konsumi më i ulët i energjisë elektrike dhe rritja e produktivitetit.

Megjithatë, përfitimet e lartpërmendura nuk janë vërtetuar deri më sot dhe prej vitesh është paralajmëruar se do të hiqet ora verore.

Kjo ende nuk ka ndodhur.

​Protestohet kundër marrëveshjes së Ohrit, kërkohet dorëheqja e Kurtit

Partia Socialdemokrate do të mbajë sot protestë kundër marrëveshjes në mes Kosovës dhe Serbisë, të arritur në Ohër më 18 mars. Në këtë protestë do të kërkohet edhe dorëheqja e kryeministrit të Kosovës, Albin Kurti.
Protesta nis në orën 14:00 në sheshin “Zahir Pajaziti”, për të vazhduar para ndërtesës së Qeverisë së Kosovës, ku edhe do të mbahen fjalimet.

PSD vlerëson se kryeministri Kurti s’ka legjitimitet, prandaj duhet të dorëhiqet.

“Rrenat që pushteti i përdorte për ta arsyetuar marrëveshjen i patën këmbët e shkurtra. Propaganda nuk iu eci. Revolta e madhe qytetare është dëshmia për këtë. Tashmë, 1 javë pas dakordimit në Ohër, po e kuptojmë qartë se çka lë të kuptojë Plani Evropian dhe Aneksi i Zbatimit. Në njërën anë, marrëveshja normalizon mosnjohjen në mes të Kosovës dhe Serbisë dhe, me vullnetin politik të Kurtit, Kosova heq dorë nga kërkesa për njohje. Në anën tjetër, Kosova, me vullnetin politik të Kurt..

​Ambasadori finlandez: Zbatimi i Marrëveshjes së Ohrit përshpejton anëtarësimin në BE

Ambasadori finlandez në Prishtinë, Matii Nissinen, thotë se zbatimi i Marrëveshjes së dakorduar të Ohrit përshpejton procesin e anëtarësimit të Kosovës dhe Serbisë në Bashkimin Evropian. Në një intervistë, Nissinen ka theksuar se zbatimi i marrëveshjes është i detyrueshëm për të dyja palët.
Ambasadori Nissinen thotë se Kosova i përket organizatave evropiane dhe euroatlantike, derisa shpreh mbështetjen për anëtarësim në Këshillin e Evropës dhe në Bashkimin Evropian. E prioritet i Finlandës për Kosovën, sipas tij, mbetet edhe rritja ekonomike, e cila, siç thotë ai, më së miri arrihet përmes bashkëpunimit ndërmjet dy vendeve.

Diplomati finlandez vëmendje të veçantë i jep edhe mjedisit të sigurisë në botë pas luftës pushtuese të Rusisë në Ukrainë, për çka thekson se është jetike që vendet si Kosova dhe Finlanda të vazhdojnë të mbështesin vlerat demokratike në botë.

Gjithashtu, ambasadori finlandez, që..

Nëna lajmëron Policinë, vdes një vajzë në Skenderaj derisa ishte në gjumë

Policia e Kosovës ka njoftuar se mëngjësin e së premtës (dje) ka vdekur një vajzë derisa ishte në gjumë, nga fshati Kostrec i Skenderajt.
Vdekjen në Polici e ka raportuar nëna e viktimës.

PK-ja këtë rast e ka cilësuar “vdekje të dyshimtë”, por s’ka dhënë informacione për moshën e viktimës.

“Një femër kosovare, ka njoftuar se vajza e saj e cila ka qenë fjetur dyshohet se ka ndërruar jetë. Njësitë relevante dhe ekipi mjekësor kanë dalë në vendin e ngjarjes ku është konstatuar vdekja e viktimës”, thuhet në raport.

Ndërsa me vendim të prokurorit, trupi i pajetë është ndërguar në Institutin e Mjekësisë Ligjore për obduksion.

Dështimet e Qeverisë sipas opozitës

Ikja e profesionistëve shëndetësor, inflacioni shumë i lartë e ndërprerja e investimeve kapitale, janë disa nga dështimet që i përmendin Partia Demokratike e Kosovës e Lidhja Demokratike e Kosovës për Qeverinë Kurti, raporton Ekonomia Online.
PDK e LDK thonë se për këto dy vite ka pasur degradim e moszhvillim ekonomik, teksa përmendin inflacionin e lartë e shtrenjtimin e energjisë elektrike si pasojë e “keqqeverisjes”.

Deputetja e Lidhjes Demokratike të Kosovës (LDK), Rrezarta Krasniqi, thotë se Kosova për këto dy vite ka stagnuar në shumë sfera. Ajo përmend dështimin për të siguruar njohje të reja, inflacionin e shtrenjtimin e energjisë elektrike e të produkteve bazë.

“Më 14 shkurt si duket është vendosur një moratorium në shtetin e Kosovës, sepse tash e dy vite ne nuk kemi pa që është bërë ndonjë punë nga kjo qeveri edhe kanë ardh në pushtet që dialogun e kanë pasur si pik të shtatë në programin e tyre, tani ka dalur si pik e parë. Gjithashtu k..