TË FUNDIT

“Është serioze” – Escobar paralajmëron pasojat nëse dështon marrëveshja Kosovë – Serbi

Emisari i SHBA-ve për Ballkanin, Gabriel Escobar ka folur për takimin e nesërm në Ohër mes kryeministrit Kurti dhe presidentit serb, Aleksander Vuçiq.
Në një intervistë për RTV-21, Escobar ka folur për pasojat që mund t’i presin Kosovën dhe Serbinë në rast se dështon marrëveshja, shkruan lajmi.net.

Ai thotë se është shumë serioze të dukesh se politikisht po i injoron pritjet e partnerëve tuaj të rëndësishëm.

Megjithatë, ai nuk përmend pasoja specifike ligjore apo ekonomike.

“Shiko, nuk ka asgjë specifike, por gjatë vizitës sime këtu me homologët e mi gjerman, francez dhe italian, ishte shumë e qartë se ky është procesi që Evropa e ka trasuar për të dy vendet. Është udhërrëfyes që Evropa ua ka dhënë atyre dhe ata duan të kenë besim se të dy vendet nuk po ia kthejnë shpinën Evropës. Nuk di për pasoja specifike ligjore apo ekonomike, por politikisht pasojat që të dukesh se po i injoron pritjet e pa..

Escobar i prerë: Pres që Qeveria Kurti ta themelojë Asociacionin, duhet progres menjëherë

Emisari i SHBA-ve për Ballkanin, Gabriel Escobar, ka thënë se Qeveria aktuale duhet ta themelojë Asociacionin e Komunave me Shumicë Serbe.
Ai thotë se kjo është pritshmëri e tij, pasi që në këtë drejtim duhet të lëvizjet sa më shpejt, shkruan lajmi.net.

Në një intervistë për RTV21, Escobar thotë se Asociacioni është obligim që e ka marë përsipër jo një njeri apo parti, por një organ ndërkombëtar siç është Qeveria.

“Jo. Kjo ishte përgjigjja e një pyetjeje kur njerëzit më pyetën: Çka nëse kryeministri Kurti nuk e pranon atë? Por, në fakt, është obligim të cilin e ka marrë jo një njeri apo një parti, por një organ ndërkombëtar që është qeveria e Kosovës. Pra, shtrohet pyetja se kush do të jetë në krye kur të ndodhë? Sigurisht që pres që do të jetë kjo qeveri sepse na duhet progres menjëherë, por fakti është se për ne ju jeni anëtarë të komunitetit euroatlantik – nuk jeni pjesë të strukturave form..

PDK i thotë përfundimisht jo marrëveshjes: E pamjafteshme dhe s’i arrin qëllimet shtetërore të Kosovës

Partia Demokratike e Kosovës ka miratuar një deklaratë në Këshillin Drejtues, deklaratë kjo që shpreh qëndrimin kundër marrëveshjes mes Kosovës e Serbisë.
Sipas tyre, kjo marrëveshje është e pamjaftueshme dhe nuk arrin qëllimet shtetërore të Kosovës dhe qytetarëve të saj, përcjell lajmi.net.

“Nga një marrëveshje me njohjen e ndërsjellë në qendër, sot, fatkeqësisht, Kryeministri Kurti i ka sjellë vendit një marrëveshje të përkohshme me asociacionin në qendër”, tha Kryetari Krasniqi. Më tej, Kryetari Krasniqi tha se vetëm një marrëveshje finale dhe gjithëpërfshirëse, ligjërisht e obligueshme dhe e garantuar ndërkombëtarisht, e përqëndruar në njohjen reciproke ndërmjet Kosovës dhe Serbisë, mundëson paqe të qëndrueshme dhe avancim konkret të integrimit euro-atlantik të Republikës së Kosovës. Këshilli Drejtues miratoi, pa asnjë votë kundër, deklaratën e propozuar nga Kryetari Memli Kras..

Kurti arrin një ditë më herët në Ohër për takimin me Vuçiqin

Kryeministri kosovar, Albin Kurti tashmë ka arritur në Ohër.
Atje të shtunën, më 18 mars, do të takohet me presidentin serb, Aleksandër Vuçiq, me të cilin do të diskutojnë për planin franko-gjerman, që parasheh normalizim të raporteve mes të dyja vendeve.

Kurti dhe Vuçiq tashmë kanë konfirmuar pjesëmarrjen e tyre në këtë takim.

Ndërsa, përveç tyre pjesëmarrës do të jenë edhe shefi i politikës së jashtme të Bashkimit Evropian, Josep Borell, si dhe i dërguari i BE-së për dialogun Kosovë-Serbi, Mirosllav Lajçak.

Kurti: Serbia s’kapitulon në Ohër, ajo i ngjau në Kumanovë

Kryeministri i vendit, Albin Kurti, është shprehur se është i interesuar për marrëveshje, një ditë përpara takimit të Ohrit, ku përballë do ta ketë presidentin serb, Aleksandar Vuçiq.
Kurti tha se në Ohër nuk do të mund të ketë kapitullim të Serbisë, pasi sipas tij, kjo tashmë ka ndodhur në Kumanovë më 9 qershor të vitit 1999.

Kreu i ekzekutivit komentoi deklaratat pesimiste të presidentit serb, për të cilat tha se kjo nuk është qasje konstruktive.

“Edhe unë e dëgjova këtë deklaratë që refuzohet apriori refuzimi i një marrëveshje në Ohër. Unë nuk mendoj që kjo është qasje konstruktive dhe që dëshmon përkushtim. Nuk po them që nëse nuk ka nënshkrim atëherë kemi nënshkruar mosmarrëveshjen, por nuk mund të them se edhe pa nënshkrim mund të quhet marrëveshje me gjithë mend”, është shprehur Kurti për AlsatM.

Tutje, ai tha se përkushtimi e kreativiteti nga pala nuk do të mungojnë, teksa shtoi se “këtë nuk mund ta garantoj edhe p..

Kryeprokurori që lëshoi urdhër-arrestin për Putinin ka qenë avokat i Fatmir Limajt

Pak orë më parë u konfirmua se Gjykata Ndërkombëtare Penale me seli në Hagë kishte lëshuar urdhër-arrest për presidentin rus, Vladimir Putin.
Ky urdhër-arrest u lëshua nga kryeprokurori Karim Ahmad Khan, përcjell lajmi.net.

Khan, ka një përvojë të gjatë në drejtësinë ndërkombëtare, ndërsa është marrë edhe me rastin e Fatmir Limajt.

Ai ka qenë avokat i kreut të Nismës Socialdemokrate, në kohën kur ky i fundit ishte duke u gjykuar nga EULEX-i.

Kjo vërehet qartë në një kërkim të thjeshtë mbi “përshkrimin e jetës” të Ahmad Khan.

“Do jetë më vështirë” – Çudit Vuçiqi, e ndërlidh takimin me Kurtin me fletëarrestin ndaj Putinit

Presidenti i Serbisë, Aleksander Vuçiq ia ka bërë një ndërlidhje lëshimit të fletë-arrestit nga Haga për presidentin rus, Vladimir Putin, me takimin e nesërm në Ohër me kryeministrin e Kosovës, Albin Kurti.
Para qytetarëve, Vuçiq ka thënë se lëshimi i fletëarrestit për Putinin e vë Serbinë në një pozicion shumë më të vështirë, shkruan lajmi.net.

“Ne duhet të jemi të përgjegjshëm dhe serioz”, tha Vuçiq, teksa shtoi se Perëndimi, sipas tij do të jetë më i ashpër ndaj atyre që kanë qenë më të butë me Rusinë.

Siç tha ai, Perëndimi ka treguar se do të shkojë deri në fund dhe se nuk është shumë i shqetësuar për përshkallëzimin e mundshëm të konfliktit.

Vuçiq tha se të dyja palët do të luajnë “gjithçka ose asgjë”.

“Domethënë do të shkojnë deri në fund dhe se pasojat në botë do të jenë shumë më të vështira për të gjithë”.

Ndryshe, Gjykata Ndërkombëtare Penale ka lëshuar një urdhër për Vladim..

“Shansi në Ohër nuk duhet humbur” – Borrell shtytje Kosovës e Serbisë për marrëveshje

Shefi i Politikës së Jashtme të BE-së, Josep Borrell ka folur sërish për zhvillimet potenciale të së shtunës.
Pas takimit me presidentin verioro-maqedonas, Stevan Pendarovski, Borrell ka thënë se Ohri është një mundësi që nuk duhet humbur, përcjell lajmi.net.

Ai ka thënë gjithashtu se palët janë dakorduar sa i përket tekstit dhe se tani do të flasin për mënyrën e implementimit.

Diplomati spanjoll ka pohuar gjithashtu se takimi i nesërm do të jetë për të definuar hapat praktikë që duhet ndjekur për implementim se çka duhet të bëhet, kur dhe si.

“Kemi histori të gjatë të marrëveshjeve që s’janë implementuar kurrë. E kjo duhet të jetë e implementueshme. Duhet të pajtohemi si dhe kur ta implementojmë”, shtoi ndër tjerash ai.

“Nëse arrihet marrëveshja, Kosova mund të përfitojë njohje nga pesë vendet mosnjohëse”

Ish-zëvendës ambasadori i Kosovës në Gjermani, Blerim Canaj, ka folur rreth takimit të nesërm në Ohër.
Ai ka thënë se kjo është një mundësi e mirë dhe se nëse palët arrijnë marrëveshje, atëherë Kosova do të përfitojë shumë përparësi, në veçanti te njohjet, përcjell lajmi.net.

Siç ka pohuar Canaj, një hap i rëndësishëm mund të ndodhë në këtë aspekt, duke precizuar më pas se vendet mosnjohëse mund ta njohin Kosovën.

“Mendoj që kjo është një çështje pothuajse e përfunduar, për shkak se si palë kosovare jemi pajtuar për të gjitha. Në rast se Serbia futet në BE para Kosovës, e që Kosova momentalisht as që diskutohet për atë çështje, atëherë ndoshta do të krijohen problem tjera. Për arritjen e marrëveshjes varet edhe nga shkathtësia diplomatike.

E sa do të zgjasë kjo, është vështirë të thuhet. Arritja e marrëveshjes për Kosovën është shumë e rëndësishme, sepse pastaj mund të vazhdojë në etablimin e a..

Zhvillime të reja një ditë para takimit në Ohër, Borrell e Blinken flasin në telefon

Shefi i diplomacisë evropiane, Josep Borrell ka biseduar në telefon me Sekretarin e Shtetit, Antony Blinken.
Këtë e konfirmoi vet diplomati spanjoll përmes një cicërime në rrjetin social “Twitter”, përcjell lajmi.net.

“E informova Sekretarin e shtetit Antony Blinken për takimin e ardhshëm të dialogut Beograd-Prishtinë në Ohër. Vlerësova mbështetjen e SHBA-së për dialogun e lehtësuar nga BE-ja”, ka shkruar Borrell.

Briefed @SecBlinken about upcoming Belgrade-Pristina Dialogue meeting in Ohrid. Appreciate US support to EU facilitation efforts. We discussed the need to coordinate efforts on the road to peace &reconstruction in #Ethiopia

Look forward to seeing you at the EU-US energy dialogue https://t.co/zV0NJVQmEM

— Josep Borrell Fontelles (@JosepBorrellF) March 17, 2023

Kujtojmë se Borrell foli sot edhe në një konferencë për media pas takimit me presidentin verioro-maqedonas, Pendarovski, ku ka p..