Author: admin

Kurti: 106 persona në Pastasellë u vranë vetëm pse ishin shqiptarë

Kryeministri i Kosovës, Albin Kurti, në zbulimin e pllakës përkujtimore të dëshmorëve dhe martirëve të rënë në Masakrën e Pastasellës, në komunën e Rahovecit, ka thënë se i denoncojmë forcat serbe, pasi 106 persona të këtij fshati u vranë vetëm për shkakun se ishin shqiptarë.
“Ende ka persona të zhdukur nga kjo masakër, që familjarët ende nuk dinë asgjë për ta. Kishin planifikuar si teknikë dëbimi nëpërmjet vrasjeve masive të civilëve të pafajshëm, si fëmijë të moshës 13 vjeçare e pastaj të rritur e të moshuar, fillimisht filluan me fëmijë që prindërit t’i shohin fëmijët e tyre që po vriteshin në sy të tyre”, ka thënë ai, në ceremoninë përkujtimore në nder të 24 vjetorit të kësaj masakre.

Në këtë ceremoni kryetari i Komunës së Rahovecit, Smajl Latifi, ka theksuar se shqiptarët ndodheshin në dhunë të egër dhe të pa armatosur.

“Ushtria Çlirimtare erdhi si shpëtim për ne, vorbulla e luftës përfshiu qindra njerëz, u për..

Tallet Olluri: 20 vjet s’mujten me e nxanë “Papiqulon”, qeveria Kurti ia shurdhoi pipat e BMW-së për 2 vjet

Arrestimi i personazhit që me muzikën e lëshuar në veturën e tij po shqetësonte prishtinasit, ka nxitur reagimin ironik të gazetarit Parim Olluri.
Ai në një postim në Facebook, është tallur duke thënë se pushtetet e kaluara s’kanë mundur 20 vjet ta zë personazhin e njohur si “Papi Chulo”, teksa këtë po e bën Qeveria Kurti për 2 vjet, shkruan lajmi.net.

“20 vjet s’kane mujte me nxane Papi Chulon. Qeveria Kurti per 2 vjet ia shurdhoi pipin e BMË’se. Era shtet!”, shkroi ai.

Ndryshe, personi të cilit në rrjete sociale po i referohen si “Papichulo”, shkaku i këngës me zë të lartë me të cilën shqetësonte qytetarët, është evidentuar se ka mbi 200 gjoba nga Policia.

Ai dje ka përfunduar në prangat e policisë nën dyshimin për “Shkaktim të Rrezikut të Përgjithshëm”. /Lajmi.net/

Avokati i Thaçit: Shpresojmë të sjellim lirimin e tij, të tregojmë se ai ishte i ndershëm e i sinqertë

Të hënën në Gjykatën Speciale do të fillojë gjyqi ndaj krerëv të Ushtrisë Çlirimtare të Kosovës, Hashim Thaçi, Kadri Veseli, Rexhep Selimi e Jakup Krasniqi.
Pak ditë para nisjes së gjyqit, për “Reuters” ka folur avokati i ish-presidentit Thaçi, Gregory Keohe, shkruan lajmi.net.

Ai thotë se Thaçi ka sakrifikuar gjatë këtyre viteve andaj shpreson se në sallën e gjyqit do të provohet se ai ishte njeri i ndershëm e i sinqertë.

“Ky njeri sakrifikoi gjatë gjithë këtyre viteve dhe shpresojmë se ne do të jemi në gjendje ta nxjerrim atë në sallën e gjyqit dhe të tregojmë se ai ishte një njeri i ndershëm, i sinqertë dhe të sjellim lirimin e tij,” i tha ai Reuters.

Krerët e UÇK-së janë që më shumë se dy vite në paraburgim në Dhomat e Specializuara të Hagës.

Ata përballen me 10 akuza për krime lufte.

Që nga ngritja e aktakuzës, atij dhe të akuzuarve të tjerë u janë refuzuar secila kërkesë ..

​Ambasadori i BE-së reagon pas djegies së veturave në veri të Kosovës

Shefi i Zyrës së Bashkimit Evropian në Kosovë, Tomas Szunyog, ka dënuar djegien e veturave me targa RKS në veri të vendit.
Ai ka thënë se shkatërrimi i pronës private me qëllim të frikësimit, është i papranueshëm dhe duhet dënuar nga të gjithë.

“Dënojmë ashpër djegien e automjeteve të ri-regjistruara së fundmi në targa të Kosovës në veri të Kosovës. Shkatërrimi i pronës private, që ka ndodhur në dy ditët e fundit, me qëllim të frikësimit të popullatës lokale është i mjerueshëm dhe i papranueshëm dhe duhet dënuar nga të gjithë aktorët përkatës”, ka shkruar ambasadori i BE-së në Twitter.

Policia e Kosovës ka bërë të ditur se në veri të vendit është raportuar për djegien e tri veturave që u përkasin personave të nacionalitetit serb.

Gjithashtu, një ditë parë u ishte vënë zjarri edhe dy veturave të tjera.

SHBA: Rusia do t’i ofrojë Koresë Veriore ushqim, në këmbim të armëve

Shtetet e Bashkuara kanë thënë se Rusia do ta dërgojë një delegacion në Korenë Veriore, për të ofruar ushqim, në këmbim të armëve.
Zëdhënësi i Këshillit për Siguri Kombëtare, John Kirby, ka thënë se një marrëveshje potenciale e armëve, në mes të Koresë Veriore dhe Rusisë, do të përbënte shkelje të rezolutave të Këshillit të Sigurimit.

Shtetet e Bashkuara e kanë akuzuar më parë Korenë Veriore për furnizim të Rusisë me armë në Ukrainë, por edhe të mercenarëve të grupit rus Wagner.

Pheniani i pati hedhur poshtë këto pretendime.

Kirby ka thënë në një konferencë për media se SHBA-ja ka informacione të reja për marrëveshjen.

“Ne e kemi kuptuar që Rusia është duke tentuar të dërgojë një delegacion në Korenë Veriore dhe që Rusia është duke i ofruar Koresë Veriore ushqim, në këmbim të municioneve”, ka thënë ai.

Zëdhënësi për Siguri ka thënë se SHBA-ja është duke e vëzhguar nga afër situatën.

Koreja Veriore është një pr..

Haxhiu: Serbia i është vërsulur ish-krerëve të UÇK-së në Hagë, shteti duhet të reagojë

Deputeti i Partisë Demokratike të Kosovës, Bekim Haxhiu, i ka bërë thirrje qytetarëve që të marrin pjesë masivisht në Marshin për Drejtësi për ish-krerët e UÇK-së që aktualisht gjenden në Hagë.
Në një intervistë për lajmi.net, Haxhiu ka deklaruar se e mbështet publikisht këtë organizim dhe se mendon që pjesëmarrja duhet të jetë sa më e madhe.

“Po mbrojmë vlerat tona, vlerat e luftës së Ushtrisë Çlirimtare të Kosovës. Mendoj se është e rëndësishme edhe në këtë situatë kur i gjithë mekanizmi i Republikës së Serbisë është i fokusuar për të devijuar dhe shtrembëruar luftën tonë. Kjo është një përpjekje për t’i dhënë legjitimitet më të madh luftës dhe kauzës së drejtë të popullit shqiptar, jo vetëm në luftën e fundit por edhe përgjatë shekujve”, ka deklaruar Haxhiu.

Ai ka thënë se Marshin për Drejtësi duhet ta bëjnë të gjithë bashkë, pa përjashtim dhe pa dallim partiak.

“Kjo është më e madhe se të gj..

Haradinaj alarmohet nga incidentet në veri: Urgjentisht të nis zbatimi i Marrëveshjeve të Ohrit e Brukselit

Incidentet e fundit në veri ku u dogjën disa vetura të serbëve me targa “RKS”, kanë alarmuar kreun e AAK-së, Ramush Haradinaj.
Ky i fundit me anë të një postimi në Facebook ka thënë se këto ndodhi janë tregues serioz se mund të ketë skenar të pengimit të zgjedhjeve në veri, shkruan lajmi.net.

“Incidentet e 2-3 ditëve të fundit në veri, janë tregues serioz se mund të ketë një skenar të pengimit të zgjedhjeve në veri, me pasoja edhe për sigurinë në atë zonë. Refuzimi i Listës Serbe për të marrë pjesë në zgjedhjet lokale atje, shpërfaq mosgatishmërinë e palës serbe që të zbatojë marrëveshjen e arritur në Bruksel”, shkroi Haradinaj.

Sipas Haradinajt, Kosova dhe Serbia duhet që urgjentisht të fillojnë me përmbushjen e obligimeve që dalin nga Marrëveshja e Brukselit dhe ajo e Ohrit.

“Në të kundërtën angazhimi i jashtëzakonshëm i të gjitha palëve për këtë marrëveshje, do të mbetej ..

Petkoviq reagon pas deklaratës së Kurtit: Kush është ai t’i japë leje Vuçiqit për vizitë në Kosovë?

Kryeministri i Kosovës, Albin Kurti ka deklaruar se nuk do t’i jap leje presidentit serb, Aleksandër Vuçiq, për të vizituar Kosovën.
E këto deklarata nuk i kanë pëlqyer aspak drejtorit të ashtuquajturës Zyre për Kosovën në Qeverinë e Serbisë, Petar Petkoviq.

Ai ka pyetur “kush është Kurti” për t’i dhënë leje për vizitë Vuçiqit.

“Kush është Kurti që ta përcaktojë dhe t’i japë leje për vizita në krahinë presidentit Vuçiq, kur ka marrëveshje të nënshkruara që rregullojnë qartë këtë çështje?”, tha ai.

Sipas Petkoviqit, Kurti “ka frikë” nga vizita e presidentit Vuçiq, sepse “e di sa do të thotë kjo për popullin serb në Kosovë”.

Kujtojmë se kryeministri Kurti i ftuar në emisione në media vendore ka thënë se Vuçiq nuk është person i dëshiruar në Kosovë, andaj natyrisht se nuk do t’ia jep lejen për vizitë.

​S’ka shtesa për zyrtarët publikë as me pagën e muajit mars

Ministria e Financave dhe Ministria e Punëve të Brendshme njoftojnë të gjithë zyrtarët publik, se edhe këtë muaj pagat do të ekzekutohen pa shtesat e parapara në Ligjin për paga.
Në komunikatën për media thuhet se ende nuk kanë arritur që të korrigjojnë dhe përshtatin të dhënat e të gjithë të punësuarve në sektorin publikë lidhur me shtesat që ata mund të përfitojnë.

Sipas njoftimit verifikimi do të vazhdojë edhe më tej dhe se shtesat për muajin shkurt dhe mars do të paguhen në mënyrë retroaktive në pagën e muajit prill.

“Përkundër punës intensive të komisioneve për përcaktim të shtesave, procesi i trajtimit të të dhënave dhe finalizimit të listave është duke vazhduar, andaj ka njoftuar të gjithë zyrtarët publikë se shtesat e sipërpërmendura për muajin shkurt dhe mars do të paguhen në mënyrë retroaktive në pagën e muajit pril”, thuhet në njoftim.

MPB njofton se sot do të disbursohen pagat e dyta sipas Ligjit për Paga në S..