Author: admin

Mërgimtarja nga Gjermania merr pjesë në marshin për drejtësi: Padrejtësi e madhe për çlirimtarët tanë

Shumë qytetarë po marrin pjesë në marshin për drejtësi i cili pritet të fillojë për pak minuta.
Në këtë marshë, duket se po marrin pjesë edhe qytetarë nga Gjermania.

“Unë jetoj dhe banoj në Gjermani. Kam ardhë këtu enkas për këtë marshim. Kam ardhë sot në mëngjes. Prej rrugës, prej aeroportit kam ardhë këtu. E meritojnë, këta janë çlirimtarët tanë”, tha ajo për Kanal 10.

“Këta e kanë lanë diasporën, kanë ardhë me luftu për vendin e tyre, trojet tona. Kjo është padrejtësi e madhe”, shtoi ajo.

Siç shihet në foto, ajo mban dy pankarta, ku në njërën prej tyre shkruhej në anglisht: Historia jonë nuk mund të rishkruhet.

Bllokohet rruga në Arbëri, shkak numri i madh i autobusëve

Është bllokuar rruga në lagjen Arbëria të kryeqytetit, njëra prej rrugëve më të frekuentura që të çon për në qendër të Prishtinës.

Para pak çastesh, organizata Liria ka Emër ka publikuar pamje nga momentet pak para nisjes së marshit, përcjell lajmi.net.

Marshi pritet të fillojë rreth orës 14:00, ndërsa sheshet tashmë janë mbushur plotësisht.

Lajmi.net po raporton nga vendi i ngjarjes, ndërsa ju ftojmë të qëndroni me ne për të mësuar në detaje gjithçka rreth këtij marshi, që për synim ka mbështetjen për ish-krerët në prag të fillimit të gjykimit.

Blerim Vela: Serbia dhe Lista Serbe janë përgjegjëse për çdo përshkallëzim

Shefi i kabinetit së presidentes Vjosa Osmani, Blerim Vela, ka thënë Serbia dhe Lista Serbe janë përgjegjëse për çdo përshkallëzim që do të mund të ndodh në veri të Kosovës.
Kjo deklaratë e tij vjen pas thirrjeve dhe reagimeve të fundit që i patën nga Lista Serbe pasi kërkuan që të lirohet një qytetar me nacionalitet serb që u arrestua, si i dyshuar për sulmim të dy zyrtarëve policorë.

“Po ashtu, në veri ditëve të fundit janë djegur disa vetura me targa RKS.

“Kreu formal i Listës Serbe, Goran Rakiq, përkrah Petkoviqit, kërcënon me “rezistencë dhe kryengritje” në Kosovë. Megjithatë, asnjë fjalë dënimi nuk pati ndaj Petkoviqit për djegien e veturave të serbëve vendas!”

“Serbia dhe LS kërcënojnë me dhunë. Ata do të jenë përgjegjës për çdo përshkallëzim në terren”, ka thënë Veliaj në Twitter.

Sipas partisë serbe në Kosovë, në rast se policia nuk e liron personin e arrestuar, atëherë kjo do të ngjallë reagimin ..

Tropojanët “zbarkojnë” në Prishtinë, i dalin në përkrahje krerëve të UÇK-së

Ende pa filluar Marshi për Drejtësi, janë stërmbushur sheshet e Prishtinës me qytetarë nga vendet e ndryshme.
Përveç se nga Kosova e mërgimi, për marsh kanë ardhur edhe numër i madh nga Shqipëria.

Në një fotografi të shpërndarë nga faqja “Liria ka emër” bëhet e ditur kjo gjë.

Marshi do të fillojë nga ora 14:00, dhe do të niset nga sheshi “Zahir Pajaziti” dhe do të vazhdojë në drejtim të sheshit “Skënderbeu”.

Ky marsh solidarizues është në mbështetje të luftës së drejt të UÇK-së dhe ish-krerëve të saj, Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tyre në Hagë./Lajmi.net/

Mbushen sheshet në Prishtinë, protestuesit brohorasin “Thaçi, Veseli, UÇK”

Marshi për drejtësi pritet të fillojë shumë shpejtë dhe tashmë sheshet në Prishtinë janë mbushur më mijëra qytetarë.
Marshi do të niset nga sheshi “Zahir Pajaziti”, në orën 14:00 dhe do të vazhdojë në drejtim të sheshit “Skënderbeu”.

Më poshtë janë disa fotografi ku shihen qytetarët e mbledhur në shesh.

Që nga mengjesi, ka filluar grumbullimi i shumë qytetarëve nëpër sheshet e Prishtinës, për të marrë pjesë në këtë marsh. /Lajmi.net/

Një dron ngrit në qiell flamurin e UÇK-së, marshuesit në delir

Pjesëmarrësit e Marshit për Drejtësi kanë kaluar në delir kur kanë parë flamurin e UÇK-së mbi qiell.
Ky flamur u ngrit përmes një droni, që duket të ketë qenë nga ndonjëri prej pjesëmarrësve, përcjell lajmi.net.

Redaksia jonë veçse është duke raportuar në kohë reale për këtë grumbullim, që pritet të jetë më i madhi i pasluftës për nga numri i të pranishmëve.

Më poshtë edhe pamjet e flamurit të ngritur në qiell, ndërsa fare në fund keni gjendjen momentale në sheshet e kryeqytetit.

Ende pa filluar: Mblidhen numër i madh i qytetarëve në shesh për marshin për drejtësi

Sot mbahet marshi në mbështetje për krerët e UÇK-së, dhe tashmë shumë qytetarë kanë filluar të grumbullohen nëpër sheshet e kryeqytetit.
Marshi do të niset nga sheshi “Zahir Pajaziti”, në orën 14:00 dhe do të vazhdojë në drejtim të sheshit “Skënderbeu”.

Tashmë shumë qytetarë ia kanë mësyer Prishtinës dhe kjo ka bërë që shumë rrugë të bllokohen nga automjetet e shumta.

Eliza Hoxha, njëra nga organizatoret tha gjatë ditës së djeshme se për këto dy javë sa është bërë fushata për organizim, ftesat për pjesëmarrje kanë gjetur përkrahje të jashtëzakonshme. /Lajmi.net/

Mërgimtarja nga Gjermania merr pjesë në marshin për drejtësi: Padrejtësi e madhe për çlirimtarët tanë

Shumë qytetarë po marrin pjesë në marshin për drejtësi i cili pritet të fillojë për pak minuta.

Në këtë marshë, duket se po marrin pjesë edhe qytetarë nga Gjermania.

“Unë jetoj dhe banoj në Gjermani. Kam ardhë këtu enkas për këtë marshim. Kam ardhë sot në mëngjes. Prej rrugës, prej aeroportit kam ardhë këtu. E meritojnë, këta janë çlirimtarët tanë”, tha ajo për Kanal 10.

“Këta e kanë lanë diasporën, kanë ardhë me luftu për vendin e tyre, trojet tona. Kjo është padrejtësi e madhe”, shtoi ajo.

Siç shihet në foto, ajo mban dy pankarta, ku në njërën prej tyre shkruhej në anglisht: Historia jonë nuk mund të rishkruhet.

Bedri Hamza: Presim pjesëmarrje masive në marshin për drejtësi

Bedri Hamza, kryetari i Komunës së Mitrovicës së Jugut nga radhët e PDK-së, Bedri Hamza ka thënë se pret që të ketë dalje masive të qytetarëve të Mitrovicës në Marshin për Drejtësi.
Hamza është shprehur se minimumi i pjesëmarrësve nga Mitrovica do të jetë 2 mijë persona.

“Sigurisht që pjesëmarrja do të jetë masive. Po flasim për një çështje që i tejkalon përmasat e Kosovës, është në interes të kombit shqiptar. Po flasim për një projekt që ka qenë projekti më i rëndësishëm politik e ushtarak në historinë e kombit shqiptar. Po flasim e po lypim drejtësi, sepse kemi të bëjmë me projektin UÇK dhe jo me individ. Pra pjesëmarrja nga Mitrovica është masive dhe presim që nga Mitrovica në Prishtinë të jenë minimumi 2 mijë veta.”, ka thënë Hamza për kanal10./Lajmi.net/