Author: admin

“Një hap më afër liberalizimit” – Kurti flet pas vendimit të Këshillit të BE-së

Kryeministri Albin Kurti reagoi pasi Këshilli i BE-së sot i dha dritën jeshile liberalizimit të vizave për Kosovën.
Ai potencoi se mezi pret hapat përfundimtar të Parlamentit Evropian.

“Një hap më afër. Pritjes së gjatë po i vjen fundi.”, shkroi ndër të tjera Kurti në Twitter.

Këshilli i Ministrave të Bashkimit Evropian sot miratoi në lexim të parë liberalizimin e vizave për Kosovën.

Rregullat e reja do t’i lejojnë poseduesit e pasaportave të Kosovës të udhëtojnë në BE pa vizë për një periudhë qëndrimi prej 90 ditësh, në çdo periudhë 180 ditore.

Ky përjashtim nga kërkesa për vizë do të zbatohet që nga data kur Sistemi Evropian i Informacionit dhe Autorizimit të Udhëtimit (ETIAS) hyn në fuqi ose nga 1 janari 2024, ose cilado datë më përpara.

Rregullat e reja tani duhet të miratohen nga Parlamenti Evropian përpara se të nënshkruhen dhe publikohen në gazetën zyrtare të BE-së. /Lajmi.net/

Aksident i tmerrshëm në Tiranë, dy të vdekur

Shkon në dy numri i personave që kanë humbur jetën nga aksidenti në Tiranë.
Tre persona kanë mbetur të plagosur.

Viktimat janë dy femra, njëra prej të cilave 25 vjeç.

Ngjarja ndodhi pranë TEG-ut ku një makinë që vinte nga Shkoza, ka rënë nga mbikalimi duke rënë mbi kofanon e një automjeti tjetër.

Policia bën me dije se tre të plagosurit janë dërguar në spital për të marrë ndihmën e duhur mjekësore. Ndërkaq, grupi hetimor ndodhet në vendngjarje dhe po punon për sqarimin e rrethanave të aksidentit. /Lajmi.net/

Dalin detajet e takimit Lajçak – Kurti, kryeministri dha një zotim për takimin me Vuçiqin

Qeveria e Kosovës ka publikuar detajet e takimit të kryeministrit Kurti me emisarin e BE-së për dialogun, Miroslav Lajçak.
Në komunikatën e saj, Qeveria thotë se në takim është diskutuar për përgatitjen e takimit të nivelit të lartë mes Kurtit dhe Vuçiq në Ohër më 18 mars, shkruan lajmi.net.

Tutje, Qeveria thotë se kryeministri Kurti ka theksuar gatishmërinë e tij dhe të Qeverisë që Kosova të jetë një palë konstruktive, e përgjegjshme dhe e fokusuar në parimet e demokracisë liberale të vlerave të BE-së.

Njoftimi i plotë nga kryeministria:

Kryeministri i Republikës së Kosovës, Albin Kurti priti sot në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajcak.
Në takim u diskutua për përgatitjen e takimit të nivelit të lartë të caktuar për datën 18 mars në Ohër të Maqedonisë së Veriut. Kryeministri Kurti theksoi gatishmërinë e tij dhe të Qeverisë që të jetë ..

Osmani për liberalizimin: Kushtet janë përmbushur 5 vjet më parë, procesi u vonua

Presidentja e vendit, Vjosa Osmani ka reaguar për vendimin e ministrave të BE-së për ta votuar në parim liberalizimin e vizave për Kosovën.
Ajo me anë të një postimi në Tëitter, ka thënë se ky vendim është merituar qysh moti nga qytetarët e Kosovës, shkruan lajmi.net.

E para e vendit thotë se Kosova ka përmbushur kriteret qysh pesë vite më parë, dhe ky proces është shumë i vonuar.

Postimi i plotë:

Mirëpresim vendimin e sotëm unanim të Këshillit të BE-së për liberalizimin e shumë merituar të vizave për popullin e Kosovës.

Duke përmbushur kriteret 5 vjet më parë, ky proces i vonuar është megjithatë një fitim për qytetarët dhe vendin më të rj të Evropës. Faleminderit të gjithë partnerëve tanë që na qëndruan pranë!. /Lajmi.net/

Xhelal Sveçla ulet në bankën e të akuzuarit për protestat e dhunshme të VV-së

Në mungesë të të akuzuarve Dardan Molliqaj, Agron Kabashi, Egzon Ademi, Pajtim Demaj, Frashër Krasniqi dhe Nol Nushi, ka dështuar të mbahet shqyrtimi fillestar ndaj tyre dhe ministrit Xhelal Sveçla, Arsim Maqastena, Pajtim Havollit, Afrim Hoxhës, të cilët akuzohen për veprime të dhunshme në protestën e 2013-ës. Ndaj gjashtë të akuzuarve që munguan është lëshuar urdhëresë më 1 mars 2023 për sjellje me detyrim.
Prezent në këtë seancë, ishin të akuzuarit: Xhelal Sveçla, me mbrojtësin e tij, avokatin Emin Zariqi, Arsim Maqasten me mbrojtësen, avokaten Ardita Ismailin, Pajtim Havolli me mbrojtësen, avokaten Edona Vuçitërna dhe Afrim Hoxha me mbrojtësin e tij, avokatin Faton Bërbatovci, të gjithë këta mbrojtës, të caktuar sipas detyrës zyrtare, raporton “Betimi për Drejtësi“.

Lidhur me caktimin e mbrojtësit sipas detyrës zyrtare, i akuzuari Sveçla tha se nuk i nevojitet mbrojtës, pasi që deklarohet i pafajshëm.
..

Bullgaria shënon 80-vjetorin e shpëtimit të hebrenjve bullgarë

80-vjetori i shpëtimit të hebrenjve bullgarë nga kampet e vdekjes u përkujtua me mitingje, një minutë heshtje dhe vendosje kurora lulesh në monumentet në të gjithë vendin.
“Shpëtimi i hebrenjve në Bullgari është një fenomen i jashtëzakonshëm”, tha drejtori i Këshillit të Izraelit për Marrëdhëniet me Jashtë (ICFR) dhe kryeredaktori i Gazetës Izraelite për Punë të Jashtme, Dr. Laurence Weinbaum, në një ligjeratë mbi dinjitetin karshi indiferencës dhe dekadencës morale, në konferencën ndërkombëtare me temë “Roli i juristëve për shpëtimin e hebrenjve bullgarë”, mbajtur të enjten në Sofje.

“Shpëtimi i hebrenjve bullgarë ishte një nismë e shoqërisë civile”, kujtoi Weinbaum. Sipas tij, bullgarët me të drejtë janë krenarë për këtë.

“Ne nuk mund të diskutojmë në detaje biografitë e 28 mijë njerëzve, por nëse i shfletojmë shpejt, do të shohim se këta shpëtimtarë ishin nga parti të ndryshme, shtresa të ndryshme të shoqërisë, ata n..