Author: admin

Sanksionet e ShBA-së në Ballkan, e pësojnë edhe tre zyrtarë të tjerë

Tre zyrtarë të tjerë ballkanas e kanë pësuar nga Thesari Amerikan i Shtetit.

Ky departament ka vendosur t’i dënojë tre zyrtarë nga Bosnja e Hercegovina, për shkak se shihen si kërcënim ndaj sundimit të ligjit, përcjell lajmi.net.

Sipas Zërit të Amerikës një ndër personat e sanksionuar është Osman Mehmedagiç, ish-drejtor i përgjithshëm i Agjencinë së Sigurisë dhe Zbulimit të Bosnjës e Hercegovinës, i cili akuzohet se keqpërdori një kompani telekomunikacioni në pronësi të qeverisë për të mirën e Partisë për Veprim Demokratik.

Gjithashtu dyshohet se Osman Mehmedagiç ka bashkëpunuar me rrjete kriminale për përfitime personale dhe partiake.

Dragan Stankoviç, drejtor i Administratës së Republikës Serbe për çështje pronësore juridike është personi i dytë i sanksionuar, i cili dyshohet se është përpjekur për të uzurpuar pronën e Bosnjës dhe Hercegovinës në territorin e Republikës Serbe në kundërshtim me vendimet e Gjyka..

Skënder Hyseni: Jam 100 herë më LDK se Abdixhiku

Ish-ministri i Punëve të Jashtme të Kosovës, Skënder Hyseni sërish ka vazhduar me thumbimet ndaj kreut të kësaj partie, Lumir Abdixhiku, që sot shënoi dyvjetorin e mandatit në krye të partisë më të vjetër në vend.
Hyseni ka kritikuar qasjen e të parit të LDK-së sa i përket planit evropian, ndërsa shtoi se është 100 herë më LDK sesa vet kryetari i saj, përcjell lajmi.net.

Tutje, siç tha Hyseni, sa i përket çështjes së marrëveshjes, është gabim të sulmohet kushdoqoftë.

“Unë e kam dëgjuar Lumirin e kam dëgjua dhe shumë të tjerë anëtarë të kryesisë së LDK-së. Unë nuk pajtohem me këtë qasje, unë jam më LDK-së se Lumir Abdixhiku 100 herë.

Në çështjen e marrëveshjes, është gabim të sulmohet kushdo-qoftë, sepse është marrëveshje ultimative e vendosur në tavoline, është ndëshkim ndërkombëtar për politikat luftënxitëse edhe në Kosovë dhe Serbi dhe duhet të kuptohet qartë dhe është ndërprerje e një katandisje të mëtejme të Kosovës, është mirë..

Berisha i PDK-së: Me pranimin e pikës 7, Kosova do të kthehet në kohën e Millosheviqit

Deputeti i Kuvendit të Kosovës nga radhët e Partisë Demokratike, Hisen Berisha, ka folur në prag të takimit të 18 marsit në Ohër.
Në një prononcim për lajmi.net, Berisha pohoi rezervat e tij mbi pikën shtatë të marrëveshjes, duke thënë se pranimi i diçkaje të tillë, e kthen Kosovën në periudhën e Millosheviqit.

“Fokusin e tij te pika e shtatë, që në njëfarë forme e legalizon Serbinë në Kosovë, apo e kthen Kosovën në kohën e Millosheviqit që ka qenë më shumë se Autonomi e më pak se Pavarësi dhe kjo marrëveshje është dhënë para nënshkrimit të kapitulimit në Kumanovë, që ka imponuar edhe marrëveshjen e Serbisë nga Kosova”, tha fillimisht ai.

Tutje, Berisha potencoi faktin se duke njohur metodën e negociatave, e asaj që diskutohet, pret një dakordim për të vazhduar serinë e bisedimeve.

“Në Ohër, unë duke njohur principet mbi të cilat negociohet, ose negociojnë palët që janë të përfshira, këtu edhe ..

Hovenier: Asociacioni nuk mund të rinegociohet, sepse ende s’është negociuar

Ambasadori i Shteteve të Bashkuara të Amerikës në Kosovë, Jeffrey Hovenier ka folur në prag të takimit 18 marsit në Ohër.
Mes shumë çështjesh të diskutuara, ai përmendi edhe çështjen e Asociacionit, teksa në pyetjen nëse si e tillë mund të rinegociohohet, Hovenier potencoi se është e vështirë të rinegociohet diçka që në fakt ende nuk është negociuar, përcjell lajmi.net.

Veç kësaj, ambasadori i ShBA-së tha se kjo është arsyeja pse e kanë inkurajuar Qeverinë e Kosovës që të lëvizë para sa i përket kësaj çështjeje.

“Është e vështirë të rinegociohet diçka e cila ende nuk është negociuar. Andaj, ka ende hapësirë për të themeluar asociacionin e komunave me shumicë serbe dhe në fakt mendojmë se është prioritet dhe kemi inkurajuar Qeverinë e Kosovës që të lëvizë para me këtë, pa marrë parasysh se çfarë bën apo nuk bën Beogradi. Sepse siç thashë, vizioni ynë është se ky është një obligim ekzistues por edhe do të is..

Lajçak: Ka aneks të ri për zbatimin e marrëveshjes, diskutohet të shtunën në Ohër

Emisari i posaçëm i Bashkimit Evropian për dialogun Kosovë – Serbi, Miroslav Lajçak ka folur në një konferencë online rreth takimit të ardhshëm të nivelit të lartë mes përfaqësuesve kosovarë e atyre serbë që do të mbahet në Ohër të Maqedonisë së Veriut.
Në konferencën gjegjëse, diplomati sllovak ka deklaruar se tashmë ekziston një aneks i ri i zbatimit të marrëveshjes, përcjell lajmi.net.

Ai ka thënë se si Kurti, ashtu edhe Vuçiq kanë pranuar që nuk ka se çfarë të diskutohet më për tekstin, ndërsa tani do të gjejnë formën më të mirë të implementimit.

Siç ka transmetuar Klan Kosova, Lajçak ka ripërsëritur faktin se PO-ja e përfaqësuesve ka qenë e mirëseardhur, ndërsa tani në radhë është moduli i zbatimit, që do të diskutohet në takimin e së shtunës.

“Presidenti serb Aleksandar Vuçiq dhe kryeministri i Kosovës Albin Kurti janë pajtuar se nuk ka nevojë për bisedime të reja për tekstin e marrëveshjes. Ta..

Molliqaj: Kurti s’ka legjitimitet për themelim të Asociacionit, ose duhet ta refuzojë, ose të japë dorëheqje

Kreu i Partisë Socialdemokrate, Dardan Molliqaj ka thënë se kryeministri i Republikës së Kosovës, Albin Kurti, nuk e ka legjitimitetin për themelim të Asociacionit.
Ai ka deklaruar se i gjendur para një zgjedhjeje të tillë, shefi i ekzekutivit duhet të refuzojë një gjë të tillë, ose të japë dorëheqje, përcjell lajmi.net.

Këto pohime ai i bëri në një debat televiziv, teksa nga debati respektiv në KTV, ndau një pjesë të veçantë, që edhe e publikoi në rrjetin social “Facebook”.

“Kurti nuk ka legjitimitet që ta themeloi Asociacionin. Prandaj ose duhet ta refuzoj ose të jap dorëheqje.” – shkroi veç tjerash Molliqaj.

Kanë mbetur tashmë vetëm edhe tri ditë deri te takimi i nivelit të lartë i lehtësuar nga BE-ja mes kryeministrit Kurti e të parit të serbëve, Vuçiq.

Takimi që do të mbahet në Ohër, gëzon vëmendje të veçantë, megjithatë, për shumëkë nuk pritet të ketë “tym të bardhë”..

​Qeveria mban mbledhje, miraton dy nisma të marrëveshjeve me Austrinë e një me Malin e Zi

Qeveria e Kosovës, në mbledhjen e mbajtur në mënyrë elektronike ka miratuar tri nisma që kanë të bëjnë me lidhjen e marrëveshjeve me Austrinë e Malit të Zi.
Nisma e parë që u miratua nga qeveria është ajo për lidhjen e marrëveshjes për ndryshimin dhe plotësimin e marrëveshjes për transportin ndërkombëtar rrugor të mallrave dhe të transportit të kombinuar në mes Qeverisë së Kosovës dhe asaj të Austrisë. Ajo për ndryshimin dhe plotësimin e Marrëveshjes për Transportin Ndërkombëtar Rrugor të Udhëtarëve si shërbim i rregullt dhe jo i rregullt ndërmjet Qeverisë së Republikës së Kosovës dhe Qeverisë së Republikës së Austrisë dhe nisma për lidhjen e Marrëveshjes për Shërbime Ajrore ndërmjet Qeverisë së Republikës së Kosovës dhe Qeverisë së Malit të Zi.

Nismat e miratuara:

– Nisma për lidhjen e Marrëveshjes për ndryshimin dhe plotësimin e Marrëveshjes për Transportin Ndërkombëtar Rrugor të Mallrave dh..

Haradinaj tha se Kurti ka kimi serbe, ironizon Mushkolaj: Gjeni – si të jetë shkencëtar

Analisti Imer Mushkolaj ka reaguar ndaj deklaratës së Ramush Haradinajt kundrejt kryeministrit Kurti, rreth asaj se ky i fundit ka një kimi serbe.

Përmes një postimi në rrjetin social “Facebook”, Mushkolaj ka thënë se Haradinaj po sillet si shkencëtar, përcjell lajmi.net.

“Ramush Haradinaj shfaq të tjera talente. Si të jetë shkencëtar, thotë se kimia, përbërja e Albin Kurtit është pak serbe. Bravo. Njeri gjeni, vëlla!”, shkroi ai.

Kujtojmë se kreu i AAK-së, mbrëmë në një paraqitje televizive në Tëvë1 potencoi se Kurti ka kimi serbe, derisa për arsyetim mori pretendimin për lidhje me disa OJQ.

NATO thirrje Kosovës e Serbisë: Është koha për kompromis

Mircea Geoana, zëvendës-ndihmës sekretari i përgjithshëm i NATO-s, është deklaruar rreth takimit të 18 Marsit në Ohër.

Përmes një cicërime në rrjetin social “Twitter”, ai ka thënë se si Prishtina, ashtu edhe Beogradi duhet të gjejnë zgjidhje, duke bërë kompromis, përcjell lajmi.net.

Veç kësaj, ai ka thënë se angazhimi i institucionet që përfaqëson, nuk do të ndalet asnjëherë sa i përket stabilitetit të qëndrueshëm në Ballkanin Perëndimor.

“Është koha për të dyja palët që të bëjnë kompromise. Angazhimi ynë për stabilitet të qëndrueshëm në Ballkanin Perëndimor, duke përfshirë edhe KFOR-in, është i fortë”, ka shkruar Geoana në Twitter.

Good to speak again w/ 🇪🇺 SR @MiroslavLajcak. #NATO strongly supports ongoing diplomatic efforts w/ Belgrade & Pristina led by the #EU. It’s time for both sides to make compromises. Our commitment to lasting stability in the W. Balkans, including through @NATO_KFOR is rock-solid.

— Mircea Geoan..