Author: admin

Moti kryesisht me diell

Instituti Hidrometeorologjik i Kosovës ka njoftuar se sot do të mbaj mot kryesisht me diell.
Sipas institutit, vranësirat të pakta parashihen rreth relievit malor.

Ndërkohë, do të fryjë erë nga drejtimi i juglindjes dhe jugperëndimit, shpejtësia e së cilës do të jetë nga 1-7m/s.

Të kujtojmë se 23 marsi është dita Botërore e meteorologjike.

Në Parlamentin Evropian sot mbahet edhe një votim për liberalizimin e vizave për Kosovën

Komiteti i Parlamentit Evropian për Liritë Civile, Drejtësi dhe Çështjet e Brendshme do të votojë sot edhe një herë për liberalizimin e vizave për Kosovën.
Këtë e ka konfirmuar për Radio Kosovën zëdhënësi i Parlamentit Evropian, Ojamo Janne. Votimi i fundit për vizat do të bëhet në seancën plenare të Parlamentit Evropian që mbahet më 18 prill

Në agjendën e sotme të Komitetit të Parlamentit Evropian për Liritë Civile, Drejtësi dhe Çështjet e Brendshme, votimi për liberalizimin e vizave për Kosovën do të bëhet rreth orës 12:00, ndërsa do të raportojë eurodeputeti holandez, Thijs Reuten, i cili është raportuesi i Parlamentit Evropian për liberalizimin e vizave për Kosovën. Këtë e ka konfirmuar për Radio Kosovën, zëdhënës i Parlamentit Evropian, Ojamo Janne. Ndërkohë, votimi i fundit për vizat do të bëhet në seancë plenare që do të mbahet më 18 prill nga Parlamenti Evropian.

Këshilli i Ministrave t..

Nis muaji i shenjtë i Ramazanit

Sot besimtarët myslimanë nisin muajin e shenjtë të agjërimit.
Myftiu i Kosovës, Naim Tërnava, dje në mesazhin e tij i ka uruar të gjithë besimtarët e fesë islame në prag të fillimit të muajit të shenjtë të Ramazanit, duke i dëshiruar agjërim sa më të lehtë, solidaritet, paqe e humanitet ndërmjet qytetarëve.

Ai tha se muaji Ramazan, si asnjë muaj tjetër na afron me familjen e farefisin rreth sofrës së iftarit – moment ky, siç tha ai, është i veçantë e në të cilin ka shumë bereqete dhe shumë dashuri. Po ashtu,

“Muaji Ramazan është muaji në të cilin zbriti Kurani, ai është udhërrëfyes për njerëzit dhe sqarues i rrugës së drejtë dhe dallues (i së vërtetës nga gënjeshtra). Prandaj, kush e arrin prej jush këtë muaj, le të agjërojë”, tha myftiu i Kosovës.

Ai tha se populli shqiptar ka një traditë disa shekullore të bashkëjetesës me mirësitë e muajit të Ramazan, të cilën e shprehin me agjërim, falje, lutje, respektim e vizita të ndërsjella me njëri-tjetrin,..

Blinken: Marrëveshja i hap rrugën njohjes së Kosovës nga 5 vendet e BE-së

Sekretari amerikan i Shtetit, Antony Blinken. tha të mërkurën se nëse marrëveshja mes Kosovës dhe Serbisë zbatohet, kjo do t’i hapte rrugën njohjes së Kosovës nga pesë vendet e Bashkimit Evropian që nuk e kanë njohur atë.
Sekretari Blinken i bëri komentet në përgjigje të një pyetjeje të Senatores demokrate Jeanne Shaheen lidhur me përpjekjet e tij për t’i bindur pesë vendet e BE-së që nuk e njohin Kosovën.

“Sigurisht është një çështje që vazhdojmë ta ngremë, por unë mendoj gjithashtu se kjo marrëveshje, nëse ecën përpara në fakt na vendos në një rrugë drejt njohjes nga këto vende”, tha Sekretari Blinken.

Ai e pranoi se njohja nga Serbia është tjetër çështje dhe do të dojë kohë.

“Por nëse ato (vendet) arrijnë në një marrëdhënie të normalizuar, kjo do të kishte një efekt pozitiv dhe besoj se me kalimin e kohës do të arrijmë në atë pikë, por mendoj se për pesë vendet që nuk e njohin pavarësinë e Kosovës, fakti ..

Therje me thikë në një shkollë në Lipjan

Një therje me thikë është raportuar të ketë ndodhur dje në Lipjan.
Një mashkull i mitur ka pësuar lëndime trupore pasi është goditur me thikë gjatë një përleshje që ka ndodhur midis disa personave.

Viktima është dërguar për trajtim mjekësor.

Lidhur me rastin janë intervistuar disa persona.

Në konsultim me prokurorin një i dyshuar kosovar ( i mitur) është arrestuar dhe pas intervistimit është dërguar në mbajtje./Lajmi.net/

Ia vodhi nga çanta 400 euro dhe më pas e goditi me veturë, viktima dhe i dyshuari ishin njohur përmes rrjeteve sociale

Një rast i vjedhjes grabitqare është raportuar dje në Sllatinë të Fushë-Kosovës.
Viktima femër ka raportuar se derisa ishte duke qëndruar në një lokal me një person të dyshuar, të cilin e kishte njohur përmes rrjeteve sociale i njëjti ia kishte vjedhur nga çanta rreth 400 euro para kesh.

Gjatë ikjes nga vendi i ngjarjes, i dyshuari e kishte shkelur me veturë viktimën, duke i shkaktuar lëndime trupore.

Viktima më pas është dërguar për trajtim mjekësor në QKUK.

Rasti është nën hetime./Lajmi.net/

Grabiten 770 euro nga një person në Ferizaj, tre të dyshuarit ishin armatosur me AK-47

Një person raportohet të ketë qenë viktimë e grabitjes dje në fshatin Bablak të Ferizajt.
Viktima mashkull ka raportuar se derisa ka qenë duke u kthyer në shtëpi me veturë, fillimisht është goditur nga një veturë e më pas nga ajo veturë kanë dalë katër të dyshuar, ku tre prej tyre kanë qenë të armatosur me AK-47.

Të dyshuarit, viktimës ia kanë marrë 770 euro.

Në lidhje me rastin është konsultuar prokurori i rastit ndërsa rasti vazhdon të hetohet./Lajmi.net/

Tërmet i fortë në Shqipëri

Një tërmet i fortë ka goditur para pak minutash Shqipërinë.
Sipas Qendrës Evropiane për monitorimin e tërmeteve, lëkundjet ishin të fuqisë 4.5 ballë, shkruan lajmi.net

Epiqendra ishte 96 kilometra në juglindje të Elbasanit.

Pas një dekade, përurohet Xhamia e Çarshisë në kryeqytet

Është përuar pas një dekade, Xhamia e Çarshisë në kryeqytet.
Këtë, në natën e Ramazanit e ka konfirmuar edhe Bashkësia Islame e Kosovës, përcjell lajmi.net.

“Pas më shumë se një dekade, sonte në vaktin e namazit të teravive u përuruar për besimtarët Xhamia e çarshisë në Prishtinë. Para namazit përurimin e xhamisë dhe fillimin e muajit të bekuar të Ramazan, xhematlinjeve të pranishëm ua uroj krye imami i KBI-së së Prishtinë, Burhan ef. Hashani”, thuhet ndër tjerash.

Më poshtë edhe publikimi i plotë: