Albulena Haxhiu pret në takim lamtumirës shefen e Zyrës Ndërlidhëse të Greqisë në Kosovë

Kryetarja e Kuvendit të Kosovës, Albulena Haxhiu, ka pritur në një takim lamtumirës shefen e Zyrës Ndërlidhëse të Greqisë në Kosovë, Heleni Vakali.

Përmes një postimi, Haxhiu ka bërë të ditur se gjatë takimit e ka falënderuar Vakal-in për bashkëpunimin dhe përkushtimin e saj gjatë shërbimit në Kosovë.

Ajo ka theksuar se gjatë takimit është shprehur vullneti për thellimin e bashkëpunimit dhe avancimin e mëtejmë të marrëdhënieve ndërmjet Kosovës dhe Greqisë.

Në fund, kryetarja e Kuvendit i ka uruar Heleni Vakalit suksese në angazhimet e saj në të ardhshmen.