TË FUNDIT

135 banesa sociale në Pejë drejt përfundimit

Ministrja e Mjedisit, Fitore Pacolli, ka bërë të ditur se projekti i Banimit të Përballueshëm dhe Social po avancon në disa komuna të Kosovës.

Përmes një postimi në Facebook, Pacolli ka njoftuar se në Pejë punimet po vazhdojnë me ritëm të mirë dhe se 135 njësi banesore tashmë janë në fazën finale të ndërtimit.

Sipas saj, punimet po avancojnë edhe në Istog, Podujevë dhe Gjilan.

Ndërkohë, ministrja ka bërë të ditur se është iniciuar procedura e prokurimit për lidhjen e kontratës në Kamenicë, ndërsa në Shtime dhe Obiliq është duke u punuar në hartimin e projekteve.

Pacolli ka njoftuar gjithashtu se në buxhetin e vitit 2027 janë ndarë 23.5 milionë euro për projektet e banimit të përballueshëm dhe social, si dhe për banimin social adekuat.

Leave a Reply

Your email address will not be published. Required fields are marked *