TË FUNDIT

Si e goditën forcat ukrainase urën strategjike të Krimesë, një nga objektivat më të mbrojtura të Rusisë?

Forcat ukrainase kanë realizuar një operacion të paprecedentë me shtatë faza, i cili, sipas raportimeve, ka shkaktuar dëme të konsiderueshme në urën e Krimesë, një nga objektet infrastrukturore më të mbrojtura të Rusisë dhe një korridor jetik për furnizimin e trupave ruse në gadishullin e pushtuar.

Ukraina përdori një kombinim dronësh dhe raketash për të goditur pjesët rrugore dhe hekurudhore të urës gjatë natës mes të hënës dhe të martës. Sulmi erdhi pas disa javësh operacionesh të koordinuara, që synonin dobësimin e sistemeve ruse të mbrojtjes ajrore të vendosura për të mbrojtur këtë infrastrukturë.

Presidenti ukrainas, Volodymyr Zelensky, publikoi detaje të operacionit, duke bërë të ditur se ai ishte rezultat i një plani me shtatë faza, të hartuar dhe koordinuar nga Shërbimi i Sigurisë së Ukrainës (SBU) dhe Shtabi i Përgjithshëm i Forcave të Armatosura. Në operacion, sipas tij, u përfshinë 11 sisteme të ndryshme armësh.

Two refineries, an airbase and half the Kerch bridge in a couple of days.Looks like Ukraine has cards. — Radosław Sikorski 🇵🇱🇪🇺 (@sikorskiradek) November 17, 2026

Pamjet që qarkulluan pas sulmit duket se tregojnë shembjen e njërit prej harqeve kryesore të urës dhe të një pjese të rrugës, të cilat, sipas raportimeve, kanë përfunduar në det. Nëse konfirmohet, dëmi mund të përbëjë një goditje të rëndë për këtë lidhje infrastrukturore mes Rusisë dhe Krimesë së pushtuar, transmeton Telegrafi.

Ministria ruse e Transportit konfirmoi se qarkullimi rrugor dhe hekurudhor ishte ndërprerë pas ditës së dytë radhazi të sulmeve, por nuk konfirmoi raportimet për shembjen e pjesëve të urës.

Si u realizua operacioni ukrainas?

Në një deklaratë të publikuar në rrjetin X, Zelensky tha se forcat ukrainase kishin kaluar disa javë duke goditur në mënyrë sistematike sistemet ushtarake ruse që mbronin urën.

“Luftëtarët tanë shkatërruan gradualisht sistemet e mbrojtjes ajrore, radarët, pajisjet e luftës elektronike dhe objektiva të tjera të përcaktuara, në rrugën drejt objektivit përfundimtar”, deklaroi presidenti ukrainas.

Ai përmendi 11 sistemet e armëve të përdorura gjatë operacionit: Dovbush, Vendetta, Da Vinci, Sichen, Mich-2000, Ruta, Palianytsia, An-197, FP-1, FP-5 Flamingo dhe R-360 Neptune.

Në fazën përfundimtare, forcat ukrainase përdorën armë të ndryshme për të goditur dy pjesët kryesore të urës.

“Gjatë fazës vendimtare të sotme, dronët ‘Palianytsia’ u dalluan veçanërisht, duke goditur pjesën rrugore të urës, ndërsa raketat ‘Neptune’, dronët ‘Ruta’ dhe FP-5 goditën pjesën hekurudhore”, tha Zelensky.

Presidenti ukrainas veçoi gjithashtu përdorimin e raketës kruz FP-5 Flamingo në një sulm me precizion të lartë.

“Me përdorimin e ‘Flamingo’, luftëtarët tanë realizuan një goditje të drejtuar me precizion, ndërsa lidhja e komunikimit funksionoi pa asnjë problem deri në sekondat e fundit”, deklaroi ai.

Grateful to the Security Service of Ukraine, all units of Ukraine’s Defense Forces involved, Ukraine’s Minister of Defense, the Commander-in-Chief of the Armed Forces of Ukraine and the General Staff, and all our weapons manufacturers for an unprecedented operation in response to Russian strikes on our infrastructure.Today, everyone can see the consequences for the main military crossing from Russian territory into our Ukrainian Crimea. This is the result of the seventh stage of an operation carried out over several weeks, developed and coordinated by the Security Service of Ukraine together with the General Staff of the Armed Forces of Ukraine. Our warriors gradually destroyed air defense systems, radars, electronic warfare equipment, and other designated targets on the way to the final objective. For this, they used “Dovbush,” “Vendetta,” “Da Vinci,” “Sichen,” “Mich-2000,” “Ruta,” “Palianytsia,” “An-197,” “FP-1,” “FP-5 Flamingo,” and “R-360 Neptune.”Today, at the key stage, the “Palianytsia” drones performed exceptionally well, striking the road section of the bridge, while “Neptune” missiles, “Ruta” drones, and FP-5 drones struck the railway section. Using “Flamingo,” our warriors carried out a precision-guided strike – and the communications uplink worked flawlessly until the very last seconds.We have repeatedly offered Russia steps toward de-escalation – and every proposal has been met with loud rejection. Russia strikes our infrastructure every day, including bridges in Zaporizhzhia, Dnipro, Kyiv, and the Odesa region. We are restoring our infrastructure. But we are also reminding Russia that war will always return to where it began. Ukraine’s defensive capabilities are strong and will remain so, and we will never leave terror against our cities and people unanswered.I thank the true warriors of the Security Service of Ukraine, all our Defense Forces, our intelligence agencies, and EVERY manufacturer of weapons effectively used to defend Ukraine, Ukrainians, and our national interests. Glory to Ukraine! — Volodymyr Zelenskyy / Володимир Зеленський (@ZelenskyyUa) November 17, 2026

Për sulmin foli edhe Robert Brovdi, i njohur me nofkën “Magyar”, komandant i Forcave të Sistemeve Pa Pilot të Ukrainës. Ai bëri të ditur se në operacion ishin përfshirë disa njësi ushtarake ukrainase.

Sipas Brovdit, sulmi ishte një operacion i përbashkët mes njësive të goditjeve në distancë të Marinës ukrainase, Forcave Raketore dhe Artilerisë, Qendrës së 7-të të sapoformuar të Brigadës së 414-të “Magyar's Birds”, Qendrës së Parë të Forcave të Sistemeve Pa Pilot dhe Shërbimit të Sigurisë së Ukrainës (SBU).

“Ura e shenjtë është lodhur. Është koha për gomone”, shkroi Brovdi, duke iu referuar urës që ka rëndësi të veçantë simbolike për presidentin rus, Vladimir Putin.

Ai la të kuptohej gjithashtu se sulmi do të ketë pasoja afatgjata për lidhjet e transportit të Rusisë me gadishullin.

Edhe kompania ukrainase Fire Point, prodhuese e raketës kruz Flamingo, reagoi ndaj sulmit përmes një postimi në X, ku shkroi shkurt: “Krimea është Ukrainë, meqë ra fjala”.

Ndërkaq, Vladyslav Vlasiuk, komisioneri i presidentit ukrainas për sanksionet, publikoi një mesazh tjetër: “Ura e Krimesë. E sanksionuar”.

Zelensky nuk bëri të ditur numrin e dronëve dhe raketave të lëshuara, sa prej tyre arritën objektivat apo cilat armë shkaktuan dëmet e raportuara në strukturën e urës.

Pamjet e publikuara nga kanalet ruse dhe ukrainase në Telegram duket se tregojnë se vetëm njëri nga dy harqet e urës ka mbetur në këmbë.

Sipas raportimeve të këtyre kanaleve, harku tjetër dhe një pjesë e rrugës janë shembur në det pas sulmit gjatë natës.

Ministria ruse e Transportit tha se dëmet po vlerësoheshin, por nuk konfirmoi shembjen e raportuar. Deri më tani, shkalla e dëmeve strukturore nuk është verifikuar në mënyrë të pavarur.

Pse është kaq e rëndësishme ura e Krimesë?

Ura e Krimesë, e gjatë 19 kilometra, lidh rajonin Krasnodar të Rusisë me gadishullin e Krimesë, të pushtuar nga Rusia, përmes Ngushticës së Kerçit.

Projekti, me vlerë rreth katër miliardë dollarë, u ndërtua pas aneksimit të paligjshëm të Krimesë nga Rusia në vitin 2014. Ura u hap për qarkullimin e automjeteve në vitin 2018, ndërsa shërbimet e transportit hekurudhor për pasagjerë nisën në vitin 2019.

Magyar’s update on the Crimean BridgeMoscow will fall through CrimeaThe sacred bridge is tired.It’s time for rubber dinghies.It reeks to high heaven of imperial shame for the history books: a hook fit for a tsar, delivered to the tsar on the eve of major geopolitical maneuvers.As for overland trips to the “home harbor,” they’ll take on a whole new color from now on. We guarantee it.A joint operation by the deep-strike units of the Ukrainian Navy, the Rocket Forces and Artillery, the newly formed 7th Center of the 414th “Magyar’s Birds” Brigade, the 1st USF Center, and the Security Service of Ukraine (SBU).We will stand firm.We’ll rebuild Crimea and nurse it back to health.USF Online Scoreboard “PIDRAKHUYKA”https://t.co/dGuQnteiUlMAGYAR 🇺🇦17.11.26 — 414 Magyar's Birds (@414magyarbirds) November 17, 2026

Ajo përbën një korridor të rëndësishëm për furnizimin dhe transportin ushtarak të forcave ruse që operojnë në territoret e pushtuara në jug të Ukrainës. Përmes saj transportohen pajisje ushtarake, furnizime dhe personel.

Përveç rëndësisë strategjike, ura ka edhe vlerë të madhe simbolike për Vladimir Putinin, i cili e mbështeti fuqishëm ndërtimin e saj si një mënyrë për të konsoliduar kontrollin rus mbi Krimenë pas aneksimit.

Ura është goditur disa herë nga forcat ukrainase. Sulmet e tetorit 2022 dhe korrikut 2023 shkaktuan dëme të konsiderueshme, por nuk arritën ta nxirrnin përgjithmonë jashtë funksionit.

Zelensky e përshkroi operacionin e fundit si përgjigje ndaj sulmeve të vazhdueshme ruse kundër infrastrukturës ukrainase, përfshirë urat në Kiev, Zaporizhzhia, Dnipro dhe rajonin e Odesës.

Момент атаки ракети FP-5 "Фламінго" по арці Кримського мосту.FPV-дрони тепер такі. https://t.co/wZv8ZmsVCd — Serhii Sternenko (@sternenko) November 17, 2026

“Ne i kemi ofruar vazhdimisht Rusisë hapa drejt uljes së tensioneve, por çdo propozim është pritur me refuzim të zëshëm”, tha ai.

“Aftësitë mbrojtëse të Ukrainës janë të fuqishme dhe do të mbeten të tilla. Ne nuk do të lejojmë kurrë që terrori kundër qyteteve dhe popullit tonë të mbetet pa përgjigje”, përfundoi presidenti ukrainas. /Telegrafi/

– YouTube www.youtube.com

Leave a Reply

Your email address will not be published. Required fields are marked *