Shpërthimi i makinës në Moskë: Plagos ish-këshilltarin pro-Putin Zavorotny

Një bombë e vendosur në një makinë në Moskë ka plagosur Serhiy Zavorotny, ish-këshilltar i ish-kryeministrit ukrainas Mykola Azarov, një figurë me qëndrim pro-Putin,njofton Komiteti Hetimor i Rusisë, të premten në mëngjes.

Zavorotny ndodhej në timon kur shpërthimi ndodhi. Sipas hetuesve, ai është dërguar në një nga spitale të qytetit, ku po merr trajtim mjekësor.

“Po kryhen veprimet e nevojshme hetimore. Do të urdhërohen një sërë ekspertizash, përfshirë ato mjekësore dhe të lidhura me lëndët shpërthyese,” thuhet në deklaratën e komitetit, publikuar në platformën Telegram.

Zavorotny kishte qenë ndihmës i Azarovit deri në momentin kur kryeministri ukrainas dha dorëheqjen në vitin 2014 dhe u largua drejt Rusisë.

Zelensky mirëpret përfshirjen e Evropës nga SHBA-ja në bisedimet e paqes mes Rusisë dhe Ukrainës.

Shpërthimi në Moskë ndodhi vetëm një ditë pasi një bombë në një makinë në distriktin Pushkinsky të Shën Petersburgut vrau një pjesëtar të ushtrisë ruse. Rusia deklaron se këto janë incidentet më të fundit në një seri sulmesh me bomba makine që kanë në shënjestër figura pro-Kremlinit, raporton BBC.

Ngjarja vjen në një kohë kur në Dublin po zhvillohen bisedime paqeje që synojnë t’i japin fund luftës, ndonëse sulmet nga të dyja anët kanë vazhduar gjatë natës.

Këtë javë, në një bazë ajrore ushtarake në Dublin u zhvilluan bisedime joformale për paqen. Të dërguarit amerikanë Jared Kushner dhe Steve Witkoff kishin biseduar më parë me presidentin rus Vladimir Putin në Moskë, dhe të premten Kushner deklaroi se Putini ishte i gatshëm të pranonte një kontribut evropian në procesin e paqes.

Kryeministri irlandez (Taoiseach) Micheal Martin, në prag të një takimi joformal të Këshillit të BE-së, u shpreh se zëri evropian nuk mund të kufizohet vetëm te shtetet anëtare, duke hapur rrugën që edhe Mbretëria e Bashkuar të ketë rol në proces.

“Diskutimet e sotme do të përqendrohen ndoshta si te përmbajtja, ashtu edhe te lloji i paqes që Evropa dëshiron të sigurojë, një paqe e qëndrueshme, si dhe, natyrisht, do të diskutohet se kush e përfaqëson Evropën,” tha Martin.

Presidenti ukrainas Volodymyr Zelensky e ka mirëpritur zotimin për përfshirjen evropiane. Ndërkohë, kryeministri britanik Andy Burnham kishte njoftuar të enjten se këshilltari për sigurinë kombëtare i Mbretërisë së Bashkuar, Jonathan Powell, do t’u bashkohej Zelenskyt, Witkoff-it dhe Kushnerit në Dublin,por disa orë më vonë Downing Street njoftoi se kishte pasur vonesa, që e bënë pjesëmarrjen e Powelli të pamundur.

Gjatë natës, Ukraina dhe Rusia shkëmbyen sulme ndaj territoreve të njëra-tjetrës.

Nga ana ruse: autoritetet ukrainase njoftuan se një spital ishte vënë në shënjestër nga bombardimet, dhe se tre persona,përfshirë një djalë 17-vjeçar, humbën jetën në sulmet ndaj rajoneve jugore të Odesës dhe Zaporizhzhia-s.

Nga ana ukrainase: Rusia raportoi se një sulm ndaj një objekti industrial në rajonin qendror të Samara-s la të vdekur katër persona, ndërsa në rajonin jugor të Volgograd-it katër persona të tjerë humbën jetën pas goditjes së një zone industriale me dronë. Një person u vra edhe në rajonin kufitar të Bryansk-ut, zonë e sulmuar shpesh.

Ukraina i përshkruan këto goditje si sulme hakmarrëse ndaj veprimeve të vazhdueshme të Rusisë për të goditur qytetet ukrainase.

Rusia e pushtoi Ukrainën në shkurt të vitit 2022 dhe aktualisht rreth një e pesta e territorit ukrainas ndodhet nën pushtim. Pavarësisht bisedimeve intensive dhe përpjekjeve të vazhdueshme të ndërmjetësimit, përpjekjet për të arritur një paqe kanë dështuar deri më tani. Shpërthimi i sotëm në Moskë, pak orë pasi negociatorët flisnin për një hapësirë të re diplomatie, tregon se lufta në terren dhe atentatet ndaj figurave të lidhura me konfliktin vazhdojnë pa pushim. /KosovaNews/