Labinot Rexha i drejtohet Benitës me një mesazh: Jemi munduar shumë, por Elijona na fitoi

Këngëtari Labinot Rexha ka reaguar përmes një postimi në InstaStory, ku i është drejtuar Benita Zenës, duke rikthyer në vëmendje raportet dhe përplasjet që kanë vazhduar edhe pas përfundimit të edicionit të kaluar të Big Brother VIP Kosova.

Në postimin e tij, Rexha ka bërë një krahasim mes zhvillimeve politike dhe asaj që kishte ndodhur gjatë eksperiencës së tyre në reality show.

Ai ka përmendur rezultatin e Albin Kurtit, duke theksuar se, pavarësisht përpjekjeve të kundërshtarëve për ta rrëzuar politikisht, në fund ai mori 51 për qind të votave.

Foto: Screenshot/Instagram

Më pas, këngëtari e ka lidhur këtë shembull me përvojën e tyre, duke rikujtuar se edhe ai dhe Benita ishin munduar shumë, por se kjo nuk do të thotë se duhet të mos pranohet mbështetja që publiku i jep një personi tjetër.

“Edhe ne të dy jemi munduar shumë, por Eljona na fitoi. Dhe duhet ta pranojmë një të vërtetë: njeriu që është i drejtë duhet t’ia zgjasë dorën atij që e do publiku, edhe kur nuk është rezultati që ka dëshiruar vetë”, ka shkruar Rexha.

Ka shtuar po ashtu se nuk ka asgjë kundër Elijonës, përkundrazi, sipas tij, nëse publiku e do dhe e mbështet, zgjedhja e tij duhet respektuar.

Në fund, ka nënvizuar se publiku është vendimtar dhe se, ndonëse mund të ketë debate, lojëra dhe emocione, vullneti i tij duhet respektuar gjithmonë. /Telegrafi/