LSH e Selës godet qeverinë dhe VLEN-in: Dy vite premtime, Brukseli konfirmon ngecjen e Maqedonisë!
Lidhja Shqiptare (LSH) ka reaguar ashpër ndaj Raportit të Komisionit Evropian për vitin 2026, duke e cilësuar atë si “raport regresi” për Maqedoninë e Veriut dhe si konfirmim të paralajmërimeve të saj për dështimet e pushtetit aktual.
Sipas LSH-së, raporti evidenton probleme në ndryshimet kushtetuese, politizimin dhe etnizimin e gjyqësorit, presionet ndaj mediave, përfaqësimin e drejtë dhe respektimin e të drejtave gjuhësore.
“Është viti i dytë dhe raporti i dytë që konfirmon vlerësimet tona, por tashmë flet edhe për hapa prapa, pavarësisht premtimeve për ndryshim dhe përparim”, thekson LSH-ja.
Partia ka drejtuar kritika të veçanta ndaj përfaqësuesve shqiptarë në Qeveri, duke kërkuar përgjigje për premtimet e parealizuara lidhur me zhbllokimin e integrimit evropian.
“Ku mbetën zotimet për gjashtë muaj, një vit e tani dy vite për zhbllokimin e procesit eurointegrues?”, pyet LSH-ja, duke akuzuar Qeverinë se po e çon vendin prapa.
