Kurti pranon telefonatë nga Chollet, thotë se e uroi për marrëveshjen në Ohër
Kurti pranon telefonatë nga Chollet, thotë se e uroi për marrëveshjen në Ohër
Kryeministri i vendit, Albin Kurti ka njoftuar se ka marrë një telefonatë nga Derek Chollet, që është këshilltari special i sekretarit amerikan, Anthony Blinken.
Kurti theksoi se Chollet e ka uruar atë për marrëveshjen e arritur në Ohër.
“Chollet më uroi për marrëveshjen e arritur në Ohër. E falënderova për mbështetjen dhe rolin e SHBA-së, marrëveshjet themelore dhe aneksin. Marrëveshja bazë dhe aneksi, sipas tekstit dhe frymës, tani duhet të ndryshojnë realitetin dhe kushtet”, ka shkruar Kurti.
Në lidhje me takimet e zhvilluara në mes Kurtit dhe presidentit serb, Aleksandar Vuciq në Ohër, Kurti sot është deklaruar edhe në Kuvendin e Kosovës.
Para deputetëve Kurti tha se teksti i marrëveshjes së paraqitur tani për tani është më i miri për Kosovën./Lajmi.net/
