Dikur hynte në Kosovë e provokonte, sot kroatët ia kujtojnë ish basketbollistit serb! Media serbe zemërohet
Kroatët nuk harrojnë! Kroatët e mbajnë mend mirë se kush ishte ish basketbollisti serb Vlade Divac!
Kroatët e kujtojnë skandalin e Divacit por kjo e ka zemëruar një medium serb.
Në fakt Divaci në viti 2021 kishte hyrë në Kosovë duke vizituar edhe Manastirin e Deçanit.
Në atëkohë, Divaci së bashku me Jelenën (gruaja e provokatorit, tenistit Novak Gjokoviq) këndonin këngë nacionaliste në autobus duke provokuar Kosovën.
Mediat në Serbi shkruajnë për një aksident të Divacit që i ndodhi dje.
“Vlade Divac ra nga motoçikleta e tij në Mal të Zi, pranë Lushticës, pas së cilës nuk mundi të ngrihej.
Ai u transportua në spital dhe u operua menjëherë”, shkruan media serbe “Kurir”.
Ky medium serb zemërohet me mediumin e njohur kroat “Veçernj List”, pasi këta të fundit ia kujtojnë edhe një skandal Divacit.
“Megjithatë, mënyra se si portali ‘Veçernji list’ e bëri këtë është, për të thënë të paktën, e turpshme.
Titulli në portalin e lartpërmendur është: “Burri që rrëmbeu flamurin kroat dhe e hodhi në tokë përfundon në spital pas një aksidenti’.
Autori, kujtoi situatën në fillim të viteve të 90-ta, kur një basketbollist serb rrëmbeu flamurin kroat nga një tifoz që hyri në fushë pasi ish Jugosllavia fitoi titullin e kampionit botëror.
Autori gjithashtu theksoi se miqësia midis Divac dhe Drazhen Petroviq u ndërpre nga agresioni serb kundër Kroacisë”, shkruan më tej.
