Berat Buzhala: Faktori ndërkombëtar mbështet Qeverinë e re VLEN, BDI për herë të parë në opozitë
Analisti i afërt me Bashkimin Demokratik për Integrim, Berat Buzhala nëpërmjet një postimi në rrjetet sociale ka konfirmuar shkuarjen në opozitë të BDI-së, duke thënë qartazi se Qeverinë e ardhshme në RMV e formon VLEN. Ai gjithashtu ka cekur që shtetet aleate e përkrahin këtë koalicion.
“Shume interesant, Per arsye te panjohura per mu, shtetet aleate, po e mbeshtesin koalicionin VMRO – Vlen, pas zgjedhjeve, ne Maqedoni. Ose ndoshta eshte e tepert te themi qe po e mbeshtesin, sepse me e mire do te ishte te thuhej nuk po e pengojne partine nacionaliste maqedone te bej koalicion me koalicionin Vlen, duke e çu BDI’ne ne opozite per here te pare pas kushedi sa vitesh. Pra, pak a shume ne nje periudhe te njejte kohore, do ta kemi nje elite te re politike ne Mal te Zi, ne Kosove dhe Maqedoni. Doren ne zemer kjo ne Kosove tash nuk eshte qaq e re. Ketu ndryshimi ka fillu ne vitin 2019, e tash jemi ne vitin 2024. Vec Shqiperia e Serbia nuk po dorëzohen”, shkruan Buzhala në rrjetin e tij social.
