Pepe me akuza: E papranueshme që një argjentinas ndau drejtësinë – pas asaj që pash sot, le t’ia japin tani Argjentinës trofeun
Mbrojtësi i Portugalisë, Pepe ka bërë akuza të rënda në lidhje me ndarjen e drejtësisë në ndeshjes e sotme (e shtunë) ndaj Marokut në çerekfinale të Kupës së Botës “Katar 2022”.
Përfaqësuesja e Marokut ka fituar me rezultat 1-0 ndaj Portugalisë në ndeshjen çerekfinale dhe ka siguruar një vend në gjysmëfinalen e madhe të garës.
Kjo humbje ka lënë shije të hidhur te portugezët e në veçanti te veterani Pepe, i cili ka shpërthyer në deklarata pas ndeshjes.
Pepe ka akuzuar gjyqtarin kryesor të ndeshjes, Facundo Tello, për shkak se ky i fundit është me nënshtetësi argjentinas.
Mbrojtësi veteran e ka lidhur kombësinë e tij me deklaratat e Messit dhe për këtë ka thënë se po ‘gatuhet’ që trofeu t’i jepet Argjentinës.
“Pas asaj që ndodhi dje dhe deklaratave të Messit, është e papranueshme që një gjyqtar argjentinas të gjykojë në këtë ndeshje!”, ka thënë fillimisht Pepe pas ndeshjes.
“Vë bast se gjyqtari dhe me arrogancën e tij të treguar në fushë, gjithçka është e gatshme që Argjentina të jetë kampione!. Le t’ia japin tani trofeun”, përfundoi mbrojtësi portugez.
