Ministri i Jashtëm i Maqedonisë: Nëse deklarata e Qokut është në cilësinë e këshilltarit të Kurtit, do të ishte problematike
Ministri i Punëve të Jashtme i Republikës së Maqedonisë së Veriut, Bujar Osmani, që është edhe nënkryetar i partisë shqiptare BDI ka komentuar përfshirjen e mundshme të Lëvizjes Vetëvendosje në zgjedhjet e këtij vendi.
Ai në RTV Dukagjini ka thënë se këshilltari i Albin Kurtit Bekim Qoku është një anonimus në Maqedoni dhe se sipas tij kryeministri i Kosovës është distancuar nga deklaratat e tij.
Yamaha vjen me një model të ri të karrocës së golfit e cila funksionon me motor me djeg…Rriten çmimet e derivateve të naftës në MaqedoniShkarkimi i katër kryetarëve në veri, KQZ nis verifikimin e nënshkrimeveVazhdon shkëlqimi i Granit Xhakës, sërish në formacionin e javës në BundesligaBritaniku ia dërgoi faturën gruas së tij, pas pastrimit të shtëpisë
“Kryeministri Kurti ishte në Shkup në kuadër të samitit të vendeve të Ballkanit Perëndimor dhe atje demantoi këshilltarin e vet në lidhje me prezencën e Lëvizjes Vetëvendosje në Maqedoni. Për mua ai ishte një distancim i qartë”, tha nënkryetari i BDI-së.
Ai ka komentuar edhe deklaratën e Qokut në lidhje me zgjedhjen e Talat Xhaferit si kryeministër i Maqedonisë së Veriut.
“Nëse deklarata e Qokut do të ishte në cilësinë e këshilltarit të Kurtit, do të ishte problematike dhe do të duhej sqaruar. Por liderët e Kosovës e përshëndeten emërimin e kryeministrit të parë shqiptar në Maqedoni”, ka deklaruar Osmani.
Ndryshe, Bekim Qoku, këshilltar i kryeministrit të Kosovës, Albin Kurti, ka shprehur kritika ndaj kryeministrit të ri të Maqedonisë së Veriut, Talat Xhaferi.
Osmani ka thënë se kushdo që është në qeveri në Kosovë apo Shqipëri, shqiptarët e Maqedonisë do të bashkëpunojnë.
“Ndërhyrja direkte për të mbajtur anë e destabilizon skenën politike. Albin Kurti e ka bërë këtë ndërhyrje në shumë palë zgjedhje parlamentare. Eksponent të LVV-së kanë mbajtur fjalime në tubime. Në fillim kemi thënë është ok, pasi janë parti të profilit të njëjtë politikë. Por kjo që po flitet së fundmi për përfshirje në zgjedhje është tjetër dimension që është i dëmshëm pasi legjitimon ndërhyrjen nga jashtë në Maqedoninë e Veriut”, ka deklaruar Osmani.
Sipas Qokut, Xhaferi, i cili ka shërbyer si komandant i Ushtrisë Çlirimtare Kombëtare (UÇK), nuk ka bërë një hap që do ta kualifikonte si shqiptar autentik – kjo pasi sipas tij, Xhaferi do duhej të kishte bërë homazhe si gjest të parë simbolik në respekt të dëshmorëve të konfliktit të vitit 2001.
“Talat Xhaferi, si kryeministër teknik, do të quhej shqiptar, sikur të paktën si gjest të parë prej kryeministri, të bënte homazhe në varrezat e dëshmorëve të rënë në konfliktin e vitit 2001, ku do të shprehte mirënjohje dhe respekt, sepse pa sakrificën e tyre, pa gjakun e derdhur të tyre, kjo arritje simbolike nuk do të ishte aspak e mundur”, shkroi Qoku.
