Sllovenët i lënë pa targa, Ambasada ka një thirrje për të gjithë ata që u dëmtuan

Ambasada e Republikës së Kosovës në Lubjanë ka njoftuar të gjithë shtetasit e Republikës së Kosovës që kanë mbetur mbrëmë pa targa të automjeteve që të lajmërohen për këshilla dhe asistencë lidhur me kthimin në Kosovë.

Ky reagim vjen pasi dhjetëra kosovarëve mbrëmë iu vodhën targat e makinave, pas ndeshjes Slloveni-Kosovë.

Por, paraprakisht Ambasada bën me dije se rastet duhen lajmëruar edhe në polici.

“Nënkuptohet, rastet duhet të paraqiten fillimisht në Policinë e Republikës së Sllovenisë.

Për informata shtesë ju lutemi kontaktoni linjën emergjente të Ambasadës në numrin: +386 31 465 221” thuhet në njoftim.

Mbrëmë Kosova shënoi fitore historike në Slloveni, ku me rezultatin 0:2 siguroi play-off-in e Botërorit.

Në shenjë revolte nga humbja e pësuar, tifozët nikoqirë raportohet të kenë vjedhur targat e disa veturave që ishin me regjistrim të Republikës së Kosovës