Iu gjetën mbi 4 kilogramë lëndë narkotike, arrestohen dy persona në magjistralen Klinë-Mitrovicë

Iu gjetën mbi 4 kilogramë lëndë narkotike, arrestohen dy persona në magjistralen Klinë-Mitrovicë

Policia e Kosovës, ka njoftuar se janë arrestuar dy persona në Magjistralen Klinë- Mitrovicë, për posedim të mbi 4 kilogramë drogë.

PK thekson se gjatë kontrollit të automjetit, në bagazh, në një çantë të madhe është gjetur një qese e zezë, brenda së cilës u gjetën 4.71 kilogramë substancë e dyshuar narkotike e llojit marihuanë, përcjell lajmi.net.

“Pas hetimeve intensive disa javore dhe punës operative në teren, dje me datë 04.03.2023, rreth orës 21:45, Policia e Kosovës, respektivisht Drejtoria për Hetimin e Trafikimit me Narkotik, njësia në Mitrovicë Jug, të asistuar nga njësitet tjera dhe ato për reagim të shpejtë, nën dyshimin për posedim të substancave të dyshuara narkotike, në Magjistralen Klinë – Mitrovicë kanë identifikuar dhe ndaluar një automjet të tipit Mercedes, ngjyrë hiri me targa vendore”, thuhet në njoftim.

Tutje, policia bën të ditur se lidhur me rastin janë sekuestruar si dëshmi:

-Një qese e madhe me substancë të dyshuar narkotike e llojit marihuanë me peshë totale 4710 gram.

-Një automjet Mercedes ngjyrë hiri me targa vendore.

-Dy telefona celular./Lajmi.net/